جامدة قوى ديه عارف انا لو مكانك كنت عملت إية هنزل ادى مفتاحها للظابط وققولوا لو وصلت بالعربية ديه ل 180 انا هديك العربية هدية وهدفعلك المخالفة مرتين :)
عرض للطباعة
أعرف واحد كان جايله 500 مخالفات كلها (قيادة متهورة)
المشكلة الأكبر يا جماعة في الكوسة..مرة من سنتين كدة أو 3 مش فاكر..كنت واخد أمين شرطة معايا تبع حد قريبنا يخلص التجديد..عشان لما رحت لوحدي طلعولي القطط الفاطسة!لأ روح شيل الكساحة..يابا الحاج دي في الإكصدام كله مش حتة هتتشال وخلاص!!:B4_048:
بعدين أصلا إنت مال..تيييييييت..أعمل كساحة ولا كرسي بعجل مادمت مش مغير ملامح العربية؟؟:dontudear:
يهديك يرضيك..قال لي طيب
لف كدة قال لي إنت كمان مركب دبفل؟
يا عم يعني أحلف لك على الكاوتش إنه ديل بس؟قال لي طب دور..دورت فال لي لأ لأ دة ديفل!:B4_592:
كنت هاسب له واليوم اللي جبت فيه عربية..لما أخدت أمين الشرطة ركنت وهو راح جاب الرخصة زي الباشا!:36_1_50[1]:
القصة الطوييييلة دي بقى مش موضوعنا!:Ob_mak1[1]:
الموضوع إن وهو معايا واحد رتبة إتصل بيه وإتضح إن في واحدة يعرفها ولا حاجة عاملة مخالفات ب 7300 جنيه..الظابط قال له خلصها 200!!!يا نهار اثود علي رأي اللمبي!!:dzey:من 7300 ل 200؟؟وكله ييجي على دماغنا عشان يعوضوا الفلوس دي!
حسبي الله ونعم الوكيل في الكوسة دي!:_Alshmokh22[1]:
كوسة أه..بس للدرجة دي؟؟؟
خلاص قريبا المفاجأة اللي قلتلكم عليها!
أعتقد إنه هيكون أغرب سبب لمخالفة في الكون كله :3mla:
مرة وانا ماشى لقيت لجنة وفيه شارع قبلها متعودين كل اللى مخالف يزوغ منه وكنت عملتها كتير المهم المرة دى كنت لسة مطلع العربية من عمرة قلت فى نفسى انا معنديش حاجة و غلطت غلطة عمرى و مرضيتش ازوغ و رحت داخل بقلب راح قللى العربية بتدخن انا مش اسكت او اقوله لا قلت له بتدخن ازاى دة الشكمان ورا شفته منين فكرنى بتريق عليه راح عملى مخالفة اسمها دخان كثيف وسحب رخصة العربية يعنى رحت فحصت من جديد غير العطلة وعمار يا بلدىىىى:k4::k4::k4:
والله اللى حصلى كان غريب فعلا
انا ماشى فى امان الله ولا لابس حزام ولا حاجه ولقيت لجنه ادامى المهم لا لبست حزام برضه ولا حاجهوقولت اكمل مشى وخلاص (اصل دول اول مره اشوفهم فى المنطقه دى)
لقيت العسكرى بيشاورلى قمت وقفت قاللى رخصك قمت مديهاله لقيته بيقولى هو انت كده ماشى مظبوط قولتله آه قاللى طب مش لابس الحزام ليييييييييه :3mla:بصراحة معرفتش ارد علييييييييييه:shyy:طبعا خد الرخص وراح للعربيه اللى فيها الظابط عشان يطلعلى المخالفه واستنيت شويه ........
لقيته مره واحده جالى جرى وادانى الرخص وركب العربيه البوكس وطار بيها (الظاهر جاتلهم اخباريه انهم يروحوا فى حته بسرعه) أنا بصراحه فضلت واقف شويه مش مستوعب اللى حصل (ومش مصدق)ودورت العربيه ومشيت فحصلتهم وانا فى السكه وبرضه مكنتش لابس الحزام فلما لاحظت كده قمت معديهم لحسن يندهولى تانى ولا حاجه
ملحوظه (الظاهر ان أمى كانت دعيالى فى اليوم دا)