إيه أغرب مخالفة أخدتها؟

**elm3lem_youssef** · 01-04-2009 11:44 AM

أنا مره فى إشاره أحمد كامل فى أول فيصل العسكرى فتح الأشاره والنقيب راح قافلها فى نفس الوقت ويادوب أنا العجل بتاع عربيتى أتحرك ووقف تانى نفس مكانه لقيت النقيب المرح جاى يقولى كسر إشاره مرور !!! قولتله هوه أنا إتحركت من مكانى أصلا لقيته بيقولى أنا شايفك كنت عايز تلحق تعدى من الأشاره قولتله يعنى حطلع أنط من فوق العربيات ؟؟؟ ولا أنا أهبل علشان أدخل أكسر عربيتى !!! المهم إنى بعد خناقه أخدت رخصى بس كان هاين عليا أديله بالى فى رجلى ... حاجه وسخه والله العظيم وأخر أستعباط

**Tam** · 02-04-2009 03:03 AM

حلوة أنا شايفك كنت عايز تلحق دي..ممكن بعد كدة يقول لك رخصك..ليه يا عم؟عشان شكلك كنت بتفكر تفيم العربية..

**khattab_1989** · 02-04-2009 05:22 AM

المشاركة الأصلية كتبت بواسطة Michael_Lanos

حد برده يمشي من غير حزام، شوف اى ضابط كده هاتلاقيه لابس حزام ... ده امان يا باشا علشان البنطلون مايقعش، انا مش معاك انك تقلع الحزام وانت بتركن

hhhhhhhhhhhhhhhhhhhhhhhhhhhhhhhh:k48::k48::k48::k4 8:

**dr_timo** · 02-04-2009 07:17 AM

المشاركة الأصلية كتبت بواسطة Tam

حلوة أنا شايفك كنت عايز تلحق دي..ممكن بعد كدة يقول لك رخصك..ليه يا عم؟عشان شكلك كنت بتفكر تفيم العربية..

هههههههههههههه

**zanativich** · 02-04-2009 11:46 AM

المشاركة الأصلية كتبت بواسطة khattab_1989

أغرب مخالفة بالنسبالي
كنت رايح لواحد صحبي في رابعة الأستثماري اللي بعد دار الدفاع الجوي و بعد مادخلت من شارع النزهة و بقيت جوة بين العمارات روحت شايل الحزام علشان أركن براحتي
و فجأة يظهرلي رائد في دورية الأنتشار دي و يقولي رخصك .. ليييه ؟؟ قالي مش لابس الحزام .. فقلتلوا بس أنا بركن العربية و لسه شايل الحزام علشان وأنا ببص ورايا و كمان بيني و بين شارع النزهة تلت شوارع
قالي 31 جنية فوري وأنا مكانش معايا إلا سبعة جنيه فسحب رخصتي و طلع عيني تاني يوم و أنا بجيبها من المرور (مع العلم إن أخويا نقيب شرطة في عمليات خاصة المطار بس مالوش في الكوسة) و بتوع المرور بيخدموا بعض بس .. أنا حاسس بالظلم الفظيع .دي مرة من مرااااات كتيييييييييييير أوي. أنا حاسس إن أنا في فلسطين و دول الأسرائليين .. دي مرة من مرااااات كتيييييييييييير أوي

على فكرة انا قلت لظابط مرق ان انا حاسس ان المرور دول االانجلبز واحنا محتلين
علشان خد رخصتى ورخصة السيا رة واحدة كانت جيزة و واحدة منوفية

**Tam** · 02-04-2009 06:06 PM

المشاركة الأصلية كتبت بواسطة chimicozanati

على فكرة انا قلت لظابط مرق ان انا حاسس ان المرور دول االانجلبز واحنا محتلين
علشان خد رخصتى ورخصة السيا رة واحدة كانت جيزة و واحدة منوفية

طب وهو ماله أصلا إن شاء الله حتى واحدة ملاكي إسكندرية والتانية ملاكي الواحات حتى؟مش الإتنين مظبوطين وسلام؟
يا سبحان الله عايزين أي فلوس وخلاص!

**Lion_Heart** · 02-04-2009 08:08 PM

المشاركة الأصلية كتبت بواسطة gaafar13

انا بقى هقولكم على مخالفه عمر محد سمع عنها اسمها حلزونى

كان فرح واحد صاحبى وكنا ماششين عادى راح جاى ظابط وعاملنا مخالفه حلزونى وموكب افراح

اساله يعنى ايه حلزونى محدش عرف يفسرهالى

ودفعت 100 جنيه فى النيابه واخت الرخص

دى تبع الحلزونة يا اما الحلزونة (مرجان احمد مرجان - عادل امام )

**Lion_Heart** · 02-04-2009 08:11 PM

المشاركة الأصلية كتبت بواسطة khattab_1989

.. أنا حاسس بالظلم الفظيع .دي مرة من مرااااات كتيييييييييييير أوي. أنا حاسس إن أنا في فلسطين و دول الأسرائليين .. دي مرة من مرااااات كتيييييييييييير أوي

ياه احساس مر اوى ......... حسبنا الله ونعم الوكيل .