الملتي بيعلق على طول و بيشتغل تاني حاول تخبط على التارة علشان ترجع الزراير لمكنها الطبيعي
شكرا يا محمد باشا علي الرد
لكن مافيش حاجه التوكيل يعملها علشان الموضوع ده ميكررش تاني
هو بينضفها بس بترجع تتعمل تاني
انا طلع معايا صوت التزييق من التابلوة ودة علاجو ان الفايبر يتربط من جوة و معملتوش عشان مش طالباها فك و تبويظ و انا سمعتو بالصدفة اصلا
و من يومين الكاسيت علق فضل ثابت علي صورة معينة و مش عايز يعمل اي حاجة حتي لما بطفي العربية زي ما هو
كلمت المهندس كريم الي في التوكيل في الصحراوي و قالي علي فيوز افكة و اركبة تاني كويس محصلش حاجة فا قلي خلاص روح عند اي كهربائي و خلية يفكلك كابل البطارية و يركبو تاني عملت كدة و فعلا اتظبط الحمد لله و الميكانيكي الي دة من الشمس
و الازاز كنت بسمع صوت تكة اول لما بدوس علي الزرار بتاعو و بعدين طلع عادي في ازاز كلو بس في التوكيل قالولي دي مشكلة و اديني مستني استلم المكنة الجديدة لما تيجي إن شاء الله
موضوع جامد اوي شكر ل ثامر باشا صاحب الموضوع
السلام عليكم ورحمة الله وبركاته
سؤال بسيط بس يا اخواننا ايه موضوع الصوت بتاع الكنبة والشيكارتون ده
شكرا على سرعة الرد يا استاذ ايمن بس هل العيب ده من زمان فى الموديلات القديمة لغاية دلوقتى فى 2009 ولا ده عيب قديم وتداركوه حاليا اصل لو الموضوع ده بيتكرر لغاية دلوقتى ومازال حله الشيكارتون و الشركة ما حلتش العيب لغاية دلوقتى تبقى حاجة غريبة اوى
هو الصراحه موجود من الاول ... بس فى 2009 قل ...بس لازال موجود...وساعات فى التوكيل فى الصيانه بيعملوا من نفسهم(اتعودوا بقــى)http://s173.photobucket.com/albums/w...s/th_shiny.gif
بس صدقنى عيوب الجين مش مقلقه ...هى بس مقرفه شويهhttp://s173.photobucket.com/albums/w...s/th_shiny.gif
انا مكنش عندى تزييق فى الكنبة
وفعلا لقتهم فى الصيانة بيلفو شكرتون اسود على الحديد بتاع الكنبة لوحديهم من غير ما اشتكى
احتياطات امن يعنى
متقلش خالص حلها سهل جدا جدا
وعند زميلى فعلا الكنبة بتزييق وعملوهاله فى التوكيل علطول وكله تمام
الحمد لله
طب يا اخوانى الكرام هو مش ابسط ادوار الاستاذ اللى اسمه الوكيل فى مصر انه يكون بيتابع الاخطاء بتاعة الصناعة دى ويبلغها للماليزيين ويعملو تعديلات للعربية عشان ظروف مصر خاصة انها حاجة واضح انها بسيطة ومش عاوز اختراع ولا تكنولوجيا ولا دور الوكيل بس انه يلم فلوس بيع العربية والصيانة وقطع الغيار وخلاص وعيوب هايفة زى دى ممكن المصنع يحلها فى ماليزيا ببساطة بقالها سنتين او اكتر والتوكيل ساكت انا مش عارف احنا فى مصر ليه دايما بنعانى كده من موضوع التوكيلات دى ومش فى العربيات بس فى حاجات تانية كتير . مش عارف انا حاسس ان الماركة دى وخاصة الجين مظلومة على الرغم انها عربية فعلا جامدة بالنسبة لسعرها ومثيلاتها بس عاوزة شوية اهتمام من الوكيل وهتاخد وضع احسن من كده