للاسف للاسف للاسف
طريقه كتابه الخبر توحي بالاهمال من جانب مدير المستشفي
الواقع حاجه تانيه
انا كنت في وزاره الصحه و عارف كويس الموضوع ماشي ازاي
لو دكتور تجرأ و اتكلم في الادويه و التجهيزات بيتم نفيه
سوء اداره بشع في مواجهه المشاكل في ظل اسلوب بيروقراطي عقيم
كل ده من غير ما اتكلم عن فكاهه مرتبات الاطباء سواء بشريين او اسنان او صيادله
لا تتوقع من طبيب بياخد 300 جنيه و شويه انه يعالج عشرات المرضي يوميا و نبطشيات و مواعيد عمل كامله
الحل بيكون ان الدكاتره تروح ايام و ايام لأ و ده بينفذ علي المستوي الغير رسمي كحل من الحلول الواقعيه لهزاله الدخل
قبل ما حد يغلط الدكاتره يدونا مرتب حقيقي
بذمتكو 300 او 400 جنيه يعيشو دكتور المفروض ياكل و يشرب و يلبس كويس و يحط برفان و يدفع فلوس و يحضر مؤتمرات و يشتري كتب و مراجع و يحضر ماجستير و زماله
مش نفسك لما تروح لدكتور يكون رايق و شكله مهندم و شيك و متعلم كويس؟
دي نظره مجتمعنا و العالم للدكتور
انما بالمرتبات دي الدكاتره يعملو ايه بس غير التزويغ و العمل في اماكن تانيه لتحسين دخلهم؟
اتقو الله في الدكاتره
انا اصحاب كتير ليا سابو مصر و سافرو بره علشان مش عارفين يكفو نفسهم و اسرهم
المفضلات