اول ما يشغل العربية المساحات تشتغل لوحدها

**KING_LEDO** · 31-03-2009 02:39 AM

الحل ايه
اتصلت الهوت لاين لما قولتله الأعراض قالى العيب في البطارية لما قولتله على فرع الغردقة قالى على اسمة (الجميل) قولتله نعم قالى روح قوله المهندس ياسر بيقولك العيب في البطارية
و فى الجميل بأكد العيب فى البنزين
السوءال صريح هل البنزين 92 يعمل المشاكل دي صحيح

31-03-2009 02:55 AM

لأ طبعاً

**pharonicking** · 31-03-2009 03:02 AM

مال البنزين ومال المساحات ؟؟
دى عيب بطارية"غيرها وشوف"

**akmal_hamdi** · 31-03-2009 03:21 AM

روح قوله المهندس ياسر بيقولك العيب في البطارية ياسر ده أكبر مهندسى الميكانيكا فى الرينو فى مصر على العموم ده صاحبى و فاهم صح علشان دارس العربيه فى رينو فرنسا و جابلك من الأخر كده

**KING_LEDO** · 31-03-2009 03:43 AM

المشاركة الأصلية كتبت بواسطة khaled lanos

لأ طبعاً

البنزين و لا البطارية

**chato_eg** · 31-03-2009 10:06 AM

المشاركة الأصلية كتبت بواسطة king_ledo

:b4_592:

البنزين و لا البطارية

بالعقل كده.....لو البنزين فيه مشكلة...ده هينعكس على المساحات ؟؟!!!...
ببساطة... محل بتاع البطاريات...شيل إللى فيها و حط واحدة تانية...راحت المشكلة يبقى الوضوع بطارية...اختبار سهل و حاسم

**M.Moustafa** · 31-03-2009 02:35 PM

استاذي صاحب الموضوع الفاضل واضح ان كلنا حاولنا نساعدك وانت اللي رافض المساعدة مش احنا اللي رافضين نديهالك:

اولا: حضرتك سالت في موضوع البنزين وكلنا بلا استثناء اكدنالك ان العربية بتاخد 92 بدون اي مشاكل وبتفرق من 92 ل 95 في السحب فقط لا غير دون اي تأثير على اي شيء في العربية ومع ذلك حضرتك بتصر تسال هل عيب المساحة من البنزين ولا من البطارية.

ثانيا: حضرتك ذكرت انك بقالك 17 سنة بتسوق عربيات بالله عليك عمرك سوقت اسوا عربية ايا كانت نوعها ولقيت انك عشان حاطط بنزين اوكتان اقل يبقى المساحة تشتغل لوحدها؟ يا اخي الفاضل كلنا لينا عقل بنميز بيه ولو حضرتك حسبتها من الناحية الاقتصادية حتى تفتكر عربية بقالها 5 سنين في السوق وبتتباع بالسعر ده ومفيش في مصر بنزين 98 ومع ذلك محدش عمره اشتكى ان المساحات بتشتغل لوحدها عشان البنزين.

يا استاذي الفاضل احنا بعد كل النصايح اللي عندنا وكلامك لاحد كبيري مهندسي التوكيل معتقدش يكون في نصايح اكتر منها غير نصيحة واحده لو حضرتك حابب تحتفظ بالعربية انزل بيها يوم القاهرة على التوكيل الاساسي وهتلاقي عندهم الحل الاكيد لمشاكلك واعذرني للاطالة

**Sharky** · 31-03-2009 03:31 PM

أنا بصراحة مش فاهم إنت عايز إننا نقولك إن مشكلة الميجان إنك بتحط فيها بنزين 92 علشان تستريح !!!

ياسيدى الفاضل لا علاقة نهائى بنوعية البنزين و المساحات
و كلنا أكد لك ذلك و مهندس التوكيل برضه أكد كده
إيه المطلوب دلوقتى علشان تتأكد ؟؟

31-03-2009 03:49 PM

المشاركة الأصلية كتبت بواسطة KING_LEDO

البنزين و لا البطارية

إقطع الشك باليقين و خد العربية الزفت (حسب وصفك ليها إللي هي معاكم) وديها الشركة المصرية العالمية للسيارات eim و العربية لو زي ما بتقول زفت و مش بتمشي غير ببنزين 98 تبقى في رقبتهم و هي في الضمان .