حبيب العادلي يعلن الحقيبة والمثلث مجانا.......

**Michael_Lanos** · 31-03-2009 12:35 PM

لالالا فى اننه فى الموضوع اكيد

**معتز** · 31-03-2009 12:43 PM

شكرا.......بس ناس كثيير اشترت فعلا.......استراتيجية غريبة ومش مفهومه.....حوالى سنة او اقل شوية والداخلية تحث قائدى المركبات على ضرورة الشراء ثم تعلن اسعار واماكن شراء ..بل ترخيص من وزارة الصحة للعديد من الشركات التى أشترت كميات للسوق....ثم تظهر فجأة فكرة هدية للمواطنين...........استراتيجية المفاجأة تسبب سعادة ممزوجة بالدهشة للمواطن...وحسرة للشركات الموزعة سواء معتمده او غير معتمده.........الحكومة حظها وحش معانا مش عارفه تفرحنا مره بدون مراره....مش كده ولاايه....يمكن انا مكبر المسأله شويتين

**ahmad5997** · 31-03-2009 01:04 PM

يبقي انت اكيد اكيد في مصر

**tamohsen** · 31-03-2009 01:27 PM

متهيألي أنهم إتاكدوا إن الشنطه ملهاش أي لازمه خصوصا بعد إعتراض وزير الصحه

فطبعا علشان المستوردين للشنط دي ميلبسوش في الحيط
الحكومه هاتشتري منهم وتوزع علي الشعب وفوق كل شنطه مثلث هديه
يعني كله علي حساب صاحب المحل
ويبقوا يلموا تمنهم بعدين في اي مناسبه ظريفه

**mabdelaziz** · 31-03-2009 01:33 PM

يا جماعة الموضوع ده مريب إلى أبعد حد.
يعنى فى الوقت اللى الحكومة عمالة بتدور على مهرب من العلاوة بتاعة الموظفين بسبب الأزمة العالمية, تيجى وزارة الداخلية تطوعاً كده توزع 60 جنيه على كل سيارة مجاناً؟ يعنى ممكن العملية دى تكلف إجمالى حوالى نصف ملياااااااااااااااااااااا ااار جنيه.
يعنى إذا كان اللى بيتكلم مجنون, يبقى اللى بيسمع يشد فى شعره بقى.

طيب أنا مستعد أصدق بس أعرف فلوس الهدية دى هيدبروها إزاى ومن جيب مين بالظبط؟

**Abo_Lina** · 31-03-2009 04:06 PM

يا خوفي تطلع حقيبة وزارة الداخلية دي غير مطابقة للمواصفات و بعد ما ناخدها ناخد عليها مخالفات و يلمو مننا فلوس تاني
يبقى كمين ملعوب

**abdelmessih67** · 31-03-2009 04:33 PM

الاخوة الافاضل

لي سؤال هام طب اللي هيجدد بعد شهر مايو يعمل أيه ؟؟؟؟؟؟؟؟؟؟؟

يمشي من غير مثلث و شنطة لحد ما ييجي ميعاد التجديد و يأخذهم مجانا و الا يعمل ايه ؟؟؟؟؟؟؟؟؟

رجاء الافادة