عايز أعمل صيانة ال 60000 كم ومش عايز اروح العباسية عشان المواعيد صعبة حبتين والحجز بالشهر فلو في حد راح المركز الجديد اللي في التجمع الخامس يقولي رآيه ايه فيهم .... عشان عايز اروح الاسبوع اللي جاي ......
عرض للطباعة
عايز أعمل صيانة ال 60000 كم ومش عايز اروح العباسية عشان المواعيد صعبة حبتين والحجز بالشهر فلو في حد راح المركز الجديد اللي في التجمع الخامس يقولي رآيه ايه فيهم .... عشان عايز اروح الاسبوع اللي جاي ......
انا كمان عايز اعمل صيانة وعلى فكرة انا كل يوم طريق جامعتى الدائرى فاعايز اعرف هل توكيل التجمع حلو ولا اية نظامة؟؟؟؟
ايه يا شباب هو مفيش حد راحه ولا أيه ؟
أنا رايح ان شاء الله يوم السبت اللي جاي
لسه معرفش أخبارهم ايه
بس طالما تويوتا ايجيبت أكيد مش هيقللو عن العباسيه
أنا هعمل صيانة ال15 الف للياريس
عملت صيانة ال5000 في توكيل العبور بس ماكنتش مبسوط بصراحه
ربنا يستر
مهندس / تامر
انا رحت التوكيل ده على فكرة
التوكيل كويس بس انا حاسس كده ان اسعارة اغلى حاجة بسيطة من توكيل العباسية
انا واجهتني مشكلة واحده بس وهي ان عربيتي كانت الفانوس اليمين بيعلق ولما رحتلهم اكدت لواحد اسمة المهندس هيثم على الموضوع ده
وصمم انه يغير اللمبة ويكلفني 50 جنية
يومين بالظبط والعيب ده رجع تاني ولما رحتلهم مفيش فايده صلحوة اي كلام والعربية الفانوس مابقاش ينور خالص من تاني يوم
غير كده المركز كويس وهمة نضاف في تعاملاتهم مع العربية
في واحد اسمة احمد رجب ده المسئول بيحاول انه يكسب الناس وتعاملة مهذب رغم انه قعدني من 11 لغاية 4 عشان يصلحولي الفانوس...
قابلت هناك واحده ست محترمة جداً بس عربيتها الياريس كانت مانيوال وكان عندها المشكلة اللي خلتني مفكرش اجيب الياريس المانيوال اللي بتواجه كل اصحابي الا وهي موضوع الدبرياج وقالتلي انها حاولت معاهم كتير ولكنهم رفضوا يعملولها حاجه رغم انها اكدتلي انها بتسوق من اكتر من 17 سنة
انا مش فاهم ازاى الفرعين اسعارهم مختلفة مفروض نفس الاسعار فى كل حاجة
انا مختلف معاك كده فرع التجمع الخامس مش كويس خالص
اولاً :لان العيب متصلحش
ثانياً : قعدتك 5 ساعات علشان الفانوس بيعلق ........ مش كثير ؟
ثالثاً: الاستاذ اللى بيحاول يكسب الناس وتعامله مهذب مفروض يكون هو دا الطبيعى من اى حد شغال فى التوكيل مع اى عميل
رابعاً : السعر اغلى من فرع العباسية
معنديش فكرة عن الياريس المانيوال ممكن اى عضو معانا عنده ياريس مانيوال يقولنا اذا كان دا عيب فيها ولا ديه حالة فردية
تحياتى
عيب الدبرياج فى الياريس المانيوال موجود
يحسسك انك رجعت 20 سنه ورا لما اتعلمت السواقة طبعا على عربية 128 او 127
بجد حاجة سيئة جدا ان تويوتا تتطلع عربية بالعيب ده
انا روحت مركز خدمة معتمد فى القطامية وقالولى لازم تغير طقم الدبرياج هنبعت لتويوتا ايجيبت وناخد موافقة ونكلمك
خدوا الموافقة بس قطعة الغيار مش موجودة
طبعا شكلك بيبقى صعب اوى فى الاشارات لما العربيات كلها تطلع وانتا عربيتك تبطل
والناس بقى تعاملك معاملة اللى راكب زيستافا او 1300
بجد العيب ده زهقنى منها وخلانى بيبيعها دلوقتى
شكرا يا رجالة
انا رحت من يومين المركز بس الصراحة ماعجبنيش خالص تحس انه شكل من برة بس والمهندسين تحس انهم لسه جداد في الصنعة و استقبلتني مهندسة هناك مش فاكر اسمها بس كانت متلخبطة على الاخر و الغريبة اني في الاخر لما استلمت التقرير قالولي الاربع جنوط عايزين يتغيروا .....!!!
قولتلهم الاربعة مرة واحده وانا الحمد لله مخبطش العربية ولا جيت ناحيتهم خالص ... راح المهندس بصلي وقال ممكن قصدهم الكاوتش مش الجنط ...
انا كنت بعمل صيانة ال 60000 كم وكنت بعديها هاغير الكاوتش ...
بالنسبة للأسعار فعلا تحس انهم اغلى من العباسية شوية ازاي مش فاهم مع انهم شركة واحدة ....
ايه يا جماعه انتوا هاتقلقونا منه ليه .. دا انا كنت ناوى اعمل صيانه ال 15 هناك
ياريت يا مهندس تامر تقول عملت ايه فى صيانه ال 15 وبكام
اكيد ياجماعه الاسعار غليت ... مش معقوله هاتغلى فى حته وحته تانيه لأ
الياريس المانيوال موديل 2007 تحديدا كان فى عربيات بتنزل فيها عيب صناعه فى طقم الدبرياج والتوكيل بيغيره على حسابهم عادى فى الضمان