حد راح مركز الصيانة بتاع التجمع الخامس ؟

**lordtefa** · 30-03-2009 11:21 PM

عايز أعمل صيانة ال 60000 كم ومش عايز اروح العباسية عشان المواعيد صعبة حبتين والحجز بالشهر فلو في حد راح المركز الجديد اللي في التجمع الخامس يقولي رآيه ايه فيهم .... عشان عايز اروح الاسبوع اللي جاي ......

**body** · 30-03-2009 11:35 PM

انا كمان عايز اعمل صيانة وعلى فكرة انا كل يوم طريق جامعتى الدائرى فاعايز اعرف هل توكيل التجمع حلو ولا اية نظامة؟؟؟؟

**lordtefa** · 02-04-2009 02:06 PM

ايه يا شباب هو مفيش حد راحه ولا أيه ؟

**tnasr1** · 04-04-2009 12:29 PM

أنا رايح ان شاء الله يوم السبت اللي جاي

لسه معرفش أخبارهم ايه

بس طالما تويوتا ايجيبت أكيد مش هيقللو عن العباسيه

أنا هعمل صيانة ال15 الف للياريس

عملت صيانة ال5000 في توكيل العبور بس ماكنتش مبسوط بصراحه

ربنا يستر

مهندس / تامر

**med76** · 09-04-2009 07:01 PM

انا رحت التوكيل ده على فكرة
التوكيل كويس بس انا حاسس كده ان اسعارة اغلى حاجة بسيطة من توكيل العباسية
انا واجهتني مشكلة واحده بس وهي ان عربيتي كانت الفانوس اليمين بيعلق ولما رحتلهم اكدت لواحد اسمة المهندس هيثم على الموضوع ده
وصمم انه يغير اللمبة ويكلفني 50 جنية
يومين بالظبط والعيب ده رجع تاني ولما رحتلهم مفيش فايده صلحوة اي كلام والعربية الفانوس مابقاش ينور خالص من تاني يوم
غير كده المركز كويس وهمة نضاف في تعاملاتهم مع العربية
في واحد اسمة احمد رجب ده المسئول بيحاول انه يكسب الناس وتعاملة مهذب رغم انه قعدني من 11 لغاية 4 عشان يصلحولي الفانوس...
قابلت هناك واحده ست محترمة جداً بس عربيتها الياريس كانت مانيوال وكان عندها المشكلة اللي خلتني مفكرش اجيب الياريس المانيوال اللي بتواجه كل اصحابي الا وهي موضوع الدبرياج وقالتلي انها حاولت معاهم كتير ولكنهم رفضوا يعملولها حاجه رغم انها اكدتلي انها بتسوق من اكتر من 17 سنة

**faroukahafeez** · 10-04-2009 01:26 AM

المشاركة الأصلية كتبت بواسطة med76

انا رحت التوكيل ده على فكرة
التوكيل كويس بس انا حاسس كده ان اسعارة اغلى حاجة بسيطة من توكيل العباسية

انا مش فاهم ازاى الفرعين اسعارهم مختلفة مفروض نفس الاسعار فى كل حاجة

المشاركة الأصلية كتبت بواسطة med76

انا واجهتني مشكلة واحده بس وهي ان عربيتي كانت الفانوس اليمين بيعلق ولما رحتلهم اكدت لواحد اسمة المهندس هيثم على الموضوع ده
وصمم انه يغير اللمبة ويكلفني 50 جنية
يومين بالظبط والعيب ده رجع تاني ولما رحتلهم مفيش فايده صلحوة اي كلام والعربية الفانوس مابقاش ينور خالص من تاني يوم
غير كده المركز كويس وهمة نضاف في تعاملاتهم مع العربية

المشاركة الأصلية كتبت بواسطة med76

في واحد اسمة احمد رجب ده المسئول بيحاول انه يكسب الناس وتعاملة مهذب رغم انه قعدني من 11 لغاية 4 عشان يصلحولي الفانوس...

انا مختلف معاك كده فرع التجمع الخامس مش كويس خالص
اولاً :لان العيب متصلحش
ثانياً : قعدتك 5 ساعات علشان الفانوس بيعلق ........ مش كثير ؟
ثالثاً: الاستاذ اللى بيحاول يكسب الناس وتعامله مهذب مفروض يكون هو دا الطبيعى من اى حد شغال فى التوكيل مع اى عميل
رابعاً : السعر اغلى من فرع العباسية

المشاركة الأصلية كتبت بواسطة med76

قابلت هناك واحده ست محترمة جداً بس عربيتها الياريس كانت مانيوال وكان عندها المشكلة اللي خلتني مفكرش اجيب الياريس المانيوال اللي بتواجه كل اصحابي الا وهي موضوع الدبرياج وقالتلي انها حاولت معاهم كتير ولكنهم رفضوا يعملولها حاجه رغم انها اكدتلي انها بتسوق من اكتر من 17 سنة

معنديش فكرة عن الياريس المانيوال ممكن اى عضو معانا عنده ياريس مانيوال يقولنا اذا كان دا عيب فيها ولا ديه حالة فردية

تحياتى

**hanyboudy** · 12-04-2009 05:43 PM

عيب الدبرياج فى الياريس المانيوال موجود

يحسسك انك رجعت 20 سنه ورا لما اتعلمت السواقة طبعا على عربية 128 او 127
بجد حاجة سيئة جدا ان تويوتا تتطلع عربية بالعيب ده

انا روحت مركز خدمة معتمد فى القطامية وقالولى لازم تغير طقم الدبرياج هنبعت لتويوتا ايجيبت وناخد موافقة ونكلمك

خدوا الموافقة بس قطعة الغيار مش موجودة

طبعا شكلك بيبقى صعب اوى فى الاشارات لما العربيات كلها تطلع وانتا عربيتك تبطل

والناس بقى تعاملك معاملة اللى راكب زيستافا او 1300

بجد العيب ده زهقنى منها وخلانى بيبيعها دلوقتى

**lordtefa** · 15-04-2009 12:54 AM

شكرا يا رجالة
انا رحت من يومين المركز بس الصراحة ماعجبنيش خالص تحس انه شكل من برة بس والمهندسين تحس انهم لسه جداد في الصنعة و استقبلتني مهندسة هناك مش فاكر اسمها بس كانت متلخبطة على الاخر و الغريبة اني في الاخر لما استلمت التقرير قالولي الاربع جنوط عايزين يتغيروا .....!!!
قولتلهم الاربعة مرة واحده وانا الحمد لله مخبطش العربية ولا جيت ناحيتهم خالص ... راح المهندس بصلي وقال ممكن قصدهم الكاوتش مش الجنط ...
انا كنت بعمل صيانة ال 60000 كم وكنت بعديها هاغير الكاوتش ...
بالنسبة للأسعار فعلا تحس انهم اغلى من العباسية شوية ازاي مش فاهم مع انهم شركة واحدة ....

**Yarisawy** · 15-04-2009 10:48 AM

ايه يا جماعه انتوا هاتقلقونا منه ليه .. دا انا كنت ناوى اعمل صيانه ال 15 هناك

ياريت يا مهندس تامر تقول عملت ايه فى صيانه ال 15 وبكام

اكيد ياجماعه الاسعار غليت ... مش معقوله هاتغلى فى حته وحته تانيه لأ