-
ال 305 المتواضعه بتاعتي----الصور
-
ربنا يباركلك فيها والله شكلها عربيه اصيله وحماله اسيه وربنا يرزقك بال 407
-
ربنا يحفظهالك ويكفيك شرها
-
ربنا يخليك يا مختار ويسمع منك ربنا
تسلم يا زياد
-
ربنا يباركلك فيها...
حلو الجنت ده
-
العربية مشاء الله وربنا يباركلك فيها ويكفيك شرها
-
حلوه يا باشا ربنا يباركلك فيها.
-
ربنا يخليكوا كويس إنها عجبت الناس لو حد عنده إقتراح او حاجه ياريت يقولي عليها
-
اقتباس:
المشاركة الأصلية كتبت بواسطة kzizo
ربنا يخليكوا كويس إنها عجبت الناس لو حد عنده إقتراح او حاجه ياريت يقولي عليها
ممكن ترش الجنوط بلون العربيه
و رأيي متزودش تظبيط من بره زياده عن كده
و اهتم بالداخل بقي يا بطل
عندك التابلوه ظبطه
علي فكره البيجو 305 كانت اول عربيه لينا في مصر و اول عربيه اتعلمت عليها السواقه في المحروسه
عقبال ال 407
-
انا فعلا ناوي أغير التابلوه وربنا يسهل وألا قي تابلوه حلو في بورسعيد اجيبه ويسمع منك ربنا عقبال 407 وال 607 لكل البيجواهتيه
-
أنا فعلا ناوي أغير التابلوه وأجيب تابلوه طياره ربنا يسهل وألاقي واحد حالته حلوه في بورسعيد ويسمع منك ربنا قبال ال 407 وال 607 لكل البيجواهتيه
-
العربيه أكثر من رائعه
وتعتبر مثال يوضح للناس ال 305 ممكن تبقى ايه لو اتحافظ عليها
وعن تجربه العربيه احسن من اى لادا او شاهين على الزيرو
ربنا يباركلك فيها
-
ربنا يباركلك فيها حلوة ما شاء الله
-
الحمد لله إنها عجبت الناس واتمني إن الناس تبدأ تغير فكرتها عن العربيه دي والي معاه واحده يبدأ يهتم بيها لإنها عربيه والله أصيله وحمل بهدله وقسيه وعلي فكره هنا في المنصوره فيه إتنين او تلاته لسه بيتزبطوا وبإذن الله أجيبلكم صورهم
-
ماشاء الله العربيه شكلها حلو جدا ونظيفة جدا و هي مش محتاجة اي ترويش من برة هي كدة تحفة ربنا يباركلك فيها
-
بنا يبركلك فيها يا باشا بسم الله مشاء الله اسد واقف
و الجنوط عملها شكل حلو كمان
اهتم بقي بالاساسيات
-
ممكن تقول لنا حليت مشكله الجنوط الثلاثه خرم إزاى
وجبت الجنوط السبور منين وبكام ؟؟
وشكرا
-
الجنوط فعلا مشكله كانت كبيره جدا ودوختني هنا في المنصوره وفي القاهره لشهور لحد ما وصلت للي بيستوردهم في مصر كلها وهو أشرفكو في مدينه نصر المنطقه الصناعيه السدادسه الجنوط كان سعرها 1300 جنيه وصناعه ماليزيه وفيه اكتر من شكل عنده تقريبا خمس أو ست أشكال بس ده لقيناه صدفه في المخزن عندهم وما كانش في المعرض وشكرا نور و فخري علي آرائكم
-
ربنا يبارك لك فيها ..
بس نصيحة بلاش صرف على العربية كتير .
لما تغير ان شاء الله اصرف براحتك .
-
انا مش بصرف عليها عشان هيه مجرد عربيه لإني بعشقها والعربيه كانت مع والدي وهتتنقل مني لأخويا وهتفضل معانا علطول مش مجرد عربيه تقضي بيها يومين والسلام ده الفرق بين عربيه بتحبها وعربيه بتقضيلك مصالحك وخلاص وانا سعيد لما بصرف عليها لإنها بتبقي احلي وأجمل وأقوي
-
يوه كده طول ما حضرتك بتصرف بتصرف لمصلحه نفسك و للمستقبل طبعا
ربنا يبركلك فيها علي فكره بدون تحيز دي اكتر 305 شوفته في مصر و حسستني انها فخمه كده
-
ربنا يديك خيرها و يكفيك شرها
-
ربنا يخليك يا نور علي تعليقاتك الجميله أنا في رأيي إن العربيه ماتسواش حاجه من غير حب صاحبها ليها
يسمع منك ربنا يا powerofhell
-
اكيد يا باشا الواحد لو حب عربيته و العربيه صانيته انسي اي حاجه تانيه
يعني انا عربيتي لا يمكن با اي حال من الاحوال افرطفيها
كفايا جدا جدا نها عمرها ما عملت معايا حركات قله و كفايه برده اني قديت فيها اجمل ايام حياتي
-
الحمد لله إن كل واحد فينا بيحب عربيه وبيحافظ عليها وهوه ده الي بيعملها إسم انا كمان لا يمكن أفرط فيها أبدا مهما حصل أنا بجد نفسي أحضر مقابله من المقابلات بتاعت العصابه بس شويه كده لإني هزبط شويه حاجات تانيه في العربيه وبإذن الله هكون في اول مقابله عندكم
-
ربنا يباركلك فيها و يكفيك شرها
و هى فعلا احسن من عربيات كتير
-
ربنا يخليك يا عوام ويارب عربيك تخلص علي خير وتفرح بيها وتبقي من احلي العربيات
-
بسم الله ماشاء الله روعه
باذن الله لو ممكن اشوفها ع الطبيعه لو نزلت المنصورة عن قريب
-
تحت امرك يا باشا تنور المنصوره
-
ما شاء الله .. أول مرة أشوف 305 بالنظافة دي ...
كان عندي واحده من سنة 1985 ولسه بايعها من أسبوعين .. يعني عشره 24 سنه .. وكنت بصلحها بنفسي ..
المتور بتاع العربية دي هادي جدا جدا .. بس مشكلتها معايا دايما كانت الحرارة وسلك الدبرياش ..
اه نصيحة خلى بالك من الخراطيم الأريعة بتوع الطنبور الي هما بيدخلو هوا على الماتور .. دول لو اتخرموا وغسلت العربية حلني على م تشتغل تاني ولو هتغيرهم متركبش غير الأصلي عشان المصري بيسيح ... معليش على الصراحة الزايدة بس ده الي كان بيحصل معايا ..
انا من المنصورة من المختلط ..
ربنا يباركلك في العربية وبكفيك شرها .. :)
-
ربنا يديك خيرها و يكفيك شرها
-
شكرا جدا علي نصيحتك maluka وهحطها في بالي لإني فعلا عايز أغير الخراطيم بتاعت العربيه
شكرا smartmate عي ردك
-
الجنوط عاملين شغل جامد .. يا رب اركب زيهم في عربيتي
ربنا يباركلك فيها
-
عقبال عربيتك وعقبال كل ال305 الي في مصر ويبارك فيهم كلهم
-
ربنا يبارك لك فيها يا رب.
بالنسبة للجنوط دي أكثر حاجة ملفتة عشان موضوع ال3 مسامير. بس في ناس بتعمل حركة حلوة بتغيير بعض الأجزاء الخاصة بالعجل لتركيب عجل 504 أو 505 بأربع مسامير. لسه من يومين شفت عربية 305 مركب جنوط بأربع مسامير و كاوتش 195/70/14 كانت ملفتة جداً
و شفت عربية 504 كمان بـ5 مسامير و مركب لها جنوط مرسيدس و بكده تخلص من مشكلة قلة المعروض من الجنوط المتوافقة مع ال504 مثلاً. يعني كان أقصى حاجة في الستاندرد أنك تجيب جنوط15 إنش بتاعة505 لكن بعد موضوع ال5 مسامير ده شوف بقى ممكن تركب إيه
لي ذكرى سيئة مع 305 باكصدامها الحديد اللي قص لي البابين اليمين عندي في حادثة ربنا يحمينا جميعاً
-
تسلم يا abo hosni أنا كان قدامي فعلا أعمل كده وأركب أي جنوط تعجبني بس أنا شوفت قبل كده جنوط 3 مسامير بس نادره وكنت فعلا هغير لو ماكنتش لاقيت الجنوط دي بس الحمد لله انا مقاس الكاوتش عندي
195/60 r14 وفعلا إكصدام ال305 حديد حديد وربنا يحمينا كلنا يارب
-
ما شاء الله تبارك الله
الله يبارك لك
حقيقى انت خليت عندى امل فى عربيتى
انها ممكن تتشد وتكون عربية بجد:36_1_1[1]:
-
ال 305 سيارة ممتازة خاصة في الجري
أنت ممكن تغير الإكصدام بإكصدام الطيارة
وممكن تركب لها بور وتكيف
ممكن تركب الشرايط اللي بتتحط على جوانب العربية بتغير شكلها للأحسن
وممكن ترفع العربية من عند المساعدين بكاوتش علشان المطبات
ممكن تحط سبويلر من وراء
ربنا يبارك لك فيها
-
السلام عليكم
شباب انا من محبي البيجو 305 ومعايا واحده موديل 1979 ومهتم بيها جداً وهرفع صورها قريباً بس كنت محتاج اسئل الاستاذ طنطاوي بالنسبه للباور هل عندك خبره في الموضوع ده لو تقولي ممكن اسئل عليه فين وتكلفته ممكن تكون كام
-
عقبال عربيتك A_Farghaly وهيه عربيه فعلا كويسه في الجري أنا ما عرفش بصراحه حاجه عن الباور بس سمعت إنه مش كويس علي العربيات القديمه منتظرين صور عربيت يا ah_salah