رينو كليو 2004

**anas_elmasry** · 31-03-2009 03:56 AM

السلام عليكم ورحمة الله وبركاته

ازيك يا اخوانى انا عضو جديد معاكم فى المنتدى ومشقادر اقلكم المنتدى جميل اد اية واجمل بالاعضاء الى فيه وانا لسة جديد فى موضوع العربيات واتعلمت كتير منه وقلت اخد رابكم وعارف انكم مشهتتاخرو عليا

انا عاوز اجيب عربية رينو كليو قدامى واحدة حالتها ممتازة بس رشه برا نضافه موديل 2004 وكامله ياريت تقولولى سعرها بالظبط لانى احترت ناس تقلى اسعار فى السما وناس تقول اسعار فى الارض

والاهم انا عرفت ان قطع غيارها معمرة لكن غليا شوية طيب هيا اغلى قوى من اللانسر والعربيات التانية ولا الفرق مش كبير

واخيرا هيا 1600 سى سى والى شفته على المنتدى ان ال2004 1200 سى سى فلسه هتاكد

معلش طولت عليكم ومستنى الردود بتاعتك لانى العربية عجبانى جدااااااااااااااا

**Ahmed Selim** · 31-03-2009 10:03 AM

الرينو الكليو يا باشا 1200 و 1400 بس

مفيش فى مصر 1600

انت بتتكلم على كليو ولا ميجان ؟

**ecybrarian** · 31-03-2009 10:58 AM

2004 ورشة نضافة !!!!!!!!!!!! هي العربية دي كانت لحقت تحتاج لرش نضافة؟؟؟؟؟؟ على العموم الرش لا يعيب العربية بس يخليك تاخد بالك أكتر علشان (زي مانت عارف) رش العربية في القوايم والدواخل والسقف يعيب العربية. أما الموتور فأنا أول مرة اسمع عن كليو 1600 عموما التأكد موضوع الموتور ده في وحوش تانيه ممكن يفيدوك أكتر مني..والوحوش دول ملاك الرينو في مصر :-)

**anas_elmasry** · 01-04-2009 03:58 AM

الف شكر على ردودكم الجميله وهيا طلعت فعلا 1200 سىسى وهيا كليو مش ميجان ودواخلها فابريقه بس رشه برا وياريت لو الاخوه الى عندهم العربية يقلولى تسوى كام ولو 40 الف تباه كويسه؟؟؟؟؟

**fakhreldeen** · 01-04-2009 05:23 AM

ان شاء الله ربنا يوفقك يا باشا بس انا سمعت ان حد كان بيبيعها ب 37 الف بنفس المواصفات كده تقريبا ياترى دي تبقى لقطه ؟

ياريت وحوش الكليو يفيدوني ويفيدوك .. افادكم الله

**mbisar** · 01-04-2009 03:25 PM

باشا انا لسه جايب لأختى عربيه كليو امبارح موديل 2003 1200 سى سى تكيف و باور و سنتر بس ، اخدتها ب 37 الف بالظبط يعنى اللى انت بتتكلم عليها دى تبقا فى حدود من 40 ل 45 تقريبا
و بالنسبه لقطع الغيار فى التوكيل غاليه اوى طبعا بس من بره قطع غيارها منتشره و سعرها حلو جدا يعنى انا شايف انها مش غاليه بالنسبه للانوس و الهيونداى و طبعا انا لما سقت العربيه حسيت بفرق كبير بينها و بين الهيونداى و الدايو و تحس كده انها عربيه محترمه اوى اوى اوى

**عمرو عمارة** · 01-04-2009 03:43 PM

37 ألف!!!!! .....لا حول ولا قوة إلا بالله سعر الكليو بقى في الأرض

**Ahmed Hamdy** · 01-04-2009 04:31 PM

المشاركة الأصلية كتبت بواسطة mbisar

باشا انا لسه جايب لأختى عربيه كليو امبارح موديل 2003 1200 سى سى تكيف و باور و سنتر بس ، اخدتها ب 37 الف بالظبط يعنى اللى انت بتتكلم عليها دى تبقا فى حدود من 40 ل 45 تقريبا
و بالنسبه لقطع الغيار فى التوكيل غاليه اوى طبعا بس من بره قطع غيارها منتشره و سعرها حلو جدا يعنى انا شايف انها مش غاليه بالنسبه للانوس و الهيونداى و طبعا انا لما سقت العربيه حسيت بفرق كبير بينها و بين الهيونداى و الدايو و تحس كده انها عربيه محترمه اوى اوى اوى

37 ألف سعر حلو جدا ..
طيب العربية دى عاملة عداد كام ؟؟
وحالتها كويسة ولا محتاجة شغل ؟؟

**mbisar** · 02-04-2009 02:30 PM

عدادها عامل 90 الف و بالنسبه لحالتها والله مش وحشه شغاله يعنى العربيه روحت بيها اشيك عليها عند الميكانيكى بتاعى و هو اساسا بيفهم فى رينو كويس قالى العربيه كويسه جدا و مش محتاجه حاجه كان بس فيها شويه حاجات عايزه تتظبط و ماخدتش وقت ولا فلوس الحمد لله
تانى يوم بقا اللى هو امبارح الراجل اللى اشتريت منه العربيه كلم اخويا لأن اخويا عنده هيونداى اكسنت و لما ركب الكليو حبها و قال للراجل لو جاتلك حاجه زيها تانى كلمنى و ندخل الهيونداى فى الكليو
المهم جابلو عربيه كليو موديل 2002 1200 سى سى بس دى بقا جميع الكماليات زجاج كهربا و فريون و كمبيوتر معلومات و سنتر و باور كل حاجه يعنى بس عيبها بقا انها عامله عداد 189 الف كيلو فطبعا كتير اوى فمخدنهاش و كمان مطلوب فيها 36 الف
اعتقد ان احسن حته تجيب منها عربيه رينو سواء ميجان او كليو هى تجار قطع الغيار بتوع الرينو او الميكانيكيه بتوع الرينو ، لأن فى ميكانيكيه متخصصين فى الرينو فمعظم الناس بتعمل عربياتهم عندهم ، كنت رايح اجيب حاجات للعربيه الكليو الجديده من تاجر قطع غيار متخصص فى رينو ، و انا بتكلم معاه على الميجان قالى فى ناس كتير بتبيع ولو عايز اجيبلك ادامى عربيات كتير