مبروك علي صيانه 30000 و عقبال الميليون و الحمد لله ان أغلب المشاكل أتحلت
بس يا جماعه هوه لو في حد عنده مشكله في التيل زي حضرتك مينفعش يتغير بره التوكيل يعني مثلا في بريدج ستون أو اي حد يعني ؟
مبروك علي صيانه 30000 و عقبال الميليون و الحمد لله ان أغلب المشاكل أتحلت
بس يا جماعه هوه لو في حد عنده مشكله في التيل زي حضرتك مينفعش يتغير بره التوكيل يعني مثلا في بريدج ستون أو اي حد يعني ؟
اشكر كل الاعضاء وارد على تساؤلاتهم
بالنسبه لاستهلاك البنزين اللي سألني عليه احد الاعضاء
اولا انا عربيتي اوتوماتيك والطبيعي ان السيارات الاوتوماتيك بتستهلك بنزين اكتر من المانيوال وعموما كل مالعربيه بتقدم معاك كل مانت بتفهمها وبتقدر مقدار دوسة البنزين اللي انت بتدوسها
وبعدين استهلاك البنزين بيعتمد على حاجات كتير جدا منها
اتجاه الرياح وطبيعة الاسفلت وضغط هواء الكاوتش ونظافة البنزين والسرعه وغيره وغيره كتير
اما بالنسبه لموضوع التيل ياستاذ سعيد بكر
ده مش استخفاف بالعميل ولا حاجه كل الفكره ان ده اسلوب بيهرب بيه من موضوع ان التيل اللي راكب سيء فبيقوللك انه التيل الاصلي ب 900 او 800 جنيه ولكن لما تقله ركبه بيقوللم مش موجود ولسه ماجاش
فهمتني
والاستاذ اللي مصمم انه التيل اصلي وان التوكيل مايقدرش يركب تيل مش اصلي
اقووللك اتصل انت بالتوكيل وجرب واسأل
من الاخر كده ياجماعه احنا في مصر وعز العرب زيه زي اي توكيل في مصر
ولكن عز العرب مزودها شويتين
بس أنت ماقولتلناش يا تويتى صيانة ال 30,000 غيرت فيها أيه و كلفتك كام
صيانة ال 30000 كم عموما المفروض انها تربيط عفشه فقط وزيت وفلتر الزيت وبس
طبعا انا جبت زيت شيل هيليكس من بره 10000 كم ب 230 جنيه وهما اخدوا طبعا
175 جنيه
61 فلتر الزيت والباقي مصنعية تغيير الزيت وضريبة المبيعات تخيل
تخيييييييييييل
انا كنت هشترى السيارة يا جماعة وعارف انها عربية كويسة
لكن للاسف المواضيع دى خلتنى امتنع عن شرائها لانى موسوس جدا واى حاجة بتعكننى فمابلكم الحجات دى
معاك حق الصراحه...
بس صدقنى لما حد بيحكى حاجه بيكون غير الحقيقه...
لان. اولا بيكون الواحد مضايق وبالتالى وهو معصب بيقول كلام زايد شويه...>> عشان مخنوق ..
وثانيا الكلام فى كثير من الاحيان بيكون مختلف عن الواقع...(يعنى ممكن تقرا المشكله تحس انها كبيره جدا...ولما تيجى تشوفها بعينك تحس انها مش بالحجم اللى وصلك بالوصف بالكلام)
وحضرتك لو متابع كل الشكاوى اللى اتقالت هتلاقيها كلها محصوره فى كام حاجه ..ولوفكرت فيها هتلاقيها حاجات ليست بالاهميه الكبيره يعنى..
عشان كده بقول ان كتر الكلام على مشاكل الجين2 كبرها ...مع انها والله فى الحقيقه مع اللى معاه العربيه وعنده المشكله مش بتبقى فارقه معاه .
بس طبعا اهم حاجه انك تشترى عربيه مرتحلها...ومادامك قرفت من موديل معين يبقى بلاشه احسن.
ومنور ياباشا قسم بروتون
http://s122.photobucket.com/albums/o...owerysmile.gif
انا عربيتي عامله 9000 كم والتيل زعلان والعفشه زعلانه وحاجات كتير كمان وبصراحه انا مش مقتنع بالتوكيل ده خاااالص
غيرولي اسطوانه وديسك ع 5000 كم
ورجعت غيرتهم بره ع 7500 والله العظيم الكلام ده حصل
بس اهو بنصبر نفسنا وبنقول عربيات جامده
مالها اللانسر بس
مشكلة صحيح!
1000 مبروك على الصيانة و ربنا يصلح الحال فى التوكيل و مانشوفش المشاكل دى بعد كده إن شاء الله