الموضوع: "قفا" في مصر.. و"شلوت" في الكويت

بس يا جماعة أنا شايف المشكلة أكبر من كده

هيه كيفية التعامل مع البني آدمين. أنا ما أعتقدش إنه لما حصل لأخونا المصري - الله يرحمه - اللي حصله ده كانوا يعرفوا جنسيته إيه ورغم ذلك حصل معاه الموقف ده. ده بيدل على موقف حقير ومتعالي ضد من أهم أقل درجة في السلم الاجتماعي طالما إن الواحد معاه فلوس فيقدر يعمل اللي هوه عايزه.

وعشان نكون منصفين ده مبيحصلش في الكويت بس وإنما عندنا من الأمثلة هنا في مصر ما يزيد ويكفي مش من الحكومة المبجلة فقط وإنما من الأفراد أيضا (حادثة المرسيدس والتوك توك اللي لسه إخوانا في المنتدى ضايفنها ما هي إلا نقطة في بحر). النظرة للفرد على إنه سلعة تقيم وفقا لسعر السوق الاجتماعي وليس لإنه إنسان - وده كفاية إنه يضمنله حد أدنى من الاحترام والمعاملة الكريمة.

عشان كده برضه التعليق بتاع الغسالة الكوري لازم الواحد يحتقر قائله لأنه بيهين بني آدم زيه بغض النظر عن جنسيته.

وربنا يرحمنا برحمته.[/color]

كان فيه كاركاتير معبر جدا عن حال المصريين بالخارج
وكان الكلام على حال المصريين بالخارج زى حالهم بالداخل بالضبط
المهم الكاركاتيير كان عباره عن سفاره مصريه بالخارج عليها لافته كبيره جدا مكتوب عليها ممنوع دخول المصريين
يا عينى عليك يا مصرى
بلادك طولها وعرضها وافى وخيرها كتيير قوى وكافى
ليه تمشى يا إبنها حافى وتروح عند اللى ما يسواشى

برجاء الالتزام باداب الحور وعدم التهكم والسخرية من تعليقات الاعضاء.

أولا كل سنة وأنتم طيبين ورمضان كريم ..
ثانيا .. ليه الأسلوب العنيف في الرد علي الناس .. في كلام يحتمل أكثر من معني إن لم يغلب عليه الأحترام ..
وإلا أنتم يا جماعة .. عايزين المنتدى يبقي حكر علي أشخاص بعينهم .. يقولوا إللي هم عايزينه وإى واحد تاني يقول إي حاجه يخش تحت البند السابع لميثاق الأمم المتحدة وينضرب بالنار ..
فين بقي السخرية من تعليقات الأعضاء والتهكم والخروج عن آداب الحوار .. في التعليق إللي حضرتك أشرت إليه ..
الموضوع أني شفت أفكار مختلفة . فحبيت أوضح رأيئ في التعليقات .. بعيدا عن التهكم والسخرية بالقطع .. ولست أسخر من ذكائها كما قد يعن لك ...
وأتهيألي إن الكلام لم يتجاوز حدود آداب الحوار ..مع أندهاشي الشديد للأسلوب العنيف في الرد
والعملية سهلة يا جماعه ..حتبقي بلاها سوسو ..خد نادية .. وشوف منتدى تاني ..
مع خالص شكرى وتقديرى لكل الناس

ولست أسخر من ذكائها كما قد يعن لك
والعملية سهلة يا جماعه ..حتبقي بلاها سوسو ..خد نادية .. وشوف منتدى تاني ..

يا أستاذنا الفاضل: لو قلت لواحد بيكلمك فى موضوع: ياذكى أفندى .. سيفهم طبعا أنك تصفه بالعكس.
ومع أحترامى لك كعضو نشيط فعلا فانا أجد الرد الأعنف كان فى تعليقك وليس فى تعليق الأخ / نادر الذى يتحمل مسئولية "ضبط الإيقاع" للحوار وليس كما أتهمتنا بحكر الآراء .

يا أستاذنا الفاضل: لو قلت لواحد بيكلمك فى موضوع: ياذكى أفندى .. سيفهم طبعا أنك تصفه بالعكس

كلام منطقي جدا ..
بس أنا متصور أن سياق ااتعليق الضمني بيقول غير كده ..
وبيقول أن رغبة تبادل الأفكار هي الأساس وليس السخرية من آراء الناس ..

د, أحمد أشكر لك مداخلتك ..
تقبل تحياتي .. والسلام عليكم ورحمة الله وبركاته ..