أخذت بنصيحة الأعضاء لمبة الـ Check نورت !!!
عجبني موضوع الحساسات وفائدتها + موضوع Jumper بنزين 90 - 92 اللي تحت رجل الكرسي بجانب السائق فقمت بعمل الآتي :
1) خلعت فيشة البنزين وكان عليها ستيكر أبيض مكتوب عليه 95 وهي فعلا زي jumper الهارد ديسك تقريبا.
2) قمت بفك 4 حساسات وهم :
أ) حساس الهواء.
ب)حساس البوابة.
جـ)الحساس اللي في خرطوم الهواء بعد الفلتر مباشرة .
د) حساس الأكسجين أو العادم اللي داخل على الشكمان من الموتور من الأمام .
ثم قمت بتنظيفهم جيدا بـ WD-40 ونشفتهم جيدا وكان عليهم بلاوي ، ثم قمت بتركيبهم كما كانوا تماما بالفيش بتاعتهم .
3) شغلت العربية اشتغلت تمام التمام والسحب ممكن نقول تحسن بنسبة 20-30% ، ولكن لمبة الـChek نورت أحمر ومش عايزة تطفي إلا بعد لما RPM يعدي 3000 لما أشيل رجلي من على دواسة البنزين ترجع تنور تاني ، مع العلم إنها عمرها ما نورت معايا خالص من قبل .
4) ركبت jumper البنزين مره تانية لكن نفس الحكاية منورة اللمبة برضه .
هل من حل ؟؟
ملاحظة : ( العربية ليجانزا أوتوماتيك مو 1999 - عاملة 150 الف كيلو وحالتها ممتازة ، أنا بس عجبني الموضوعين قلت أجرب وآدي النتيجة اللمبة منورة !)
ياريت أهل الخبرة يفيدونا وشكرا للجميع