الف مبروك لينا
عرض للطباعة
الف مبروك لينا
ماشاء الله تبارك الله ماهذه الروعـــــة والجمال فى الشكل الجديد للمنتدى تسلم الايدى المبدعة وديماً للامام يارب
[frame="9 10"]
مبروك ليكم و لينا اجمعين و عقبال النصر فى السودان
:ask:
[/frame]
[frame="9 10"]
العربية مبرجلة
دة الى كان على لسانى فى الفترة الاخيرة
حالة عريبة اول مرة اتعرض ليها على الاطلاق كان العربية بتقول لية
مش انتا عامل رابطة و شايف نفسك خبير فية طب خد عندك انا حدوخك صح و شوف مين حيعرف يحلها :36_1_2[1]:
وفعلا عرفت تعملها بنت الاية فية
خلتنى اعلن استسلامى معاها
الموضوع بسيط
العربية موتورها بيقف مرة واحدة و هى ماشية
ومدرش نطر و لا مرش
ومرة واحدة تشتغل تانى
وممكن تبطل و تدور على طول
من الاخر شغل لعب عيال
بس على مين يا ماما
دة انا الاستاذ
جمعت كل خبرتى فيها و دخلت التحدى
لما جيت حللت العطل كنت متاكد ان العيب مش عيب كربراتير
و توقعت ان العيب عيب كهربا
رحت الميكانيكى الى اصر انى اروح الاول عند بتاع كربتير يكشف عليها الاول
رحت وانا مش مقتنع و فعلا بتاع الكربتير شاف البوجيهات و اكد ان الحرق ابيض ودة معناة ان الكربتير سليم و رفض يفتح الكربتير :36_6_3[1]:
غيرت الميكانيكى و رحت عند واحد تانى اعرفة من زمان وهوة الى عمل لى العمرة من اكتر من سبع سنين
فك الاسبراتير و طلع الابلتين مخرررررروم
ايوة والله مخروم مش ملدوع
طبعا غيرناة مع الكندنسر و نظف البجيهات
خرجت من عندة خروج المنتصر على العربية بنت ... الى كانت بتتحدانى :ma:
وزى ميكون العربية لسة رفضة تستسلم
بعد حوالى خمسة كيلو رجعت تانى تعمل نفس الحركات :120146b
عزبتنى كتير و بالعفية خلصت مشاويرى و رجعت للميكانيكى
وزى ميكون لعب عيال :36_6_3[1]:
العربية شغالة على احسن ما يمكن وزى الاكس
جربناها
تمام
اكتر من ساعة على انها تعطل تانى محصلش
قعدت احلف للميكانيكى انها كانت بنفس العيب و انها بتوقف الموتور لوحدها :120146b
المهم قال نبص على فلتر البنزين
طبعا كان زى الطين
غيرناة
مشيت من عندة و انا بقول بنت ........ ناوية على اية ؟؟؟:120146b
المهم تانى يوم العيب على بسيط جدا
قلت يمكن يكون لسة فية وساخة فى الكربرتير
النهاردة من اول اليوم وهى معزبانى
وانا راجع من الشغل قطعت خالص عند نهاية المحور
ربنا وعدنى بواحد راكب موتوسكل طلع ميكانيكى :satelite:
المهم سبتة يجرب فى العربية قال دى بوبينة
والغريب انة كان معاة واحدة فى الموتوسكل
ركبتها فى العربية لحد بعد ميدان لبنان و ركنت و قلت نشتغل فى العربية
المهم طبعا بعد اكتر من تجربة فعلا اتاكد ان العيب بوبينة
المهم حاول يقنعنى ان البوبينة بتعتة ممتازة و على ضمانتة
طب بكام ؟؟؟؟؟ 85جنية بس
اقلب فيها واضح ان شكلها مضروب :B4_237:
قلتلة اجيب واحدة بمعلوميتى ولو عايز تركب مفيش مانع
رفض بحجة المتش.....:majd(2):....معلش ميعرفش:120146b
المهم مشى و رحت انا جبت بوبينة و ركبتها
واخيرا العربية سلمت بعد ماكنت حغير الكونتكت و اسلاك البوبينة و فعلا عرفت تخلينى الف حولين نفسى
كل الفكرة ان البوبينة القديمة جافة او كهربا و دى لما تبوظ متفصلش لا تقطع و كمان متسخنش
دة غير المدافع كل شوية :120146b
طبعا لسة محتاج اظبط كهربا العربية تانى على البوبينة الجديدة
لية ؟؟؟؟
البوبينة القديمة كانت بتخرج كهربا ضعيفة و العربية كانت مظبوطة عليها بعد البوبينة الجديدة طبعا قوة الكهربا اختلفت و بالتالى محتاج اغير ظبط العربية :36_1_8[1]:
ادعولى تكون اخر الاحزان مع العربية و لا اتنازل لجلالتها عن رياسة الرابطة :ask:
[/frame]
المقالب دى زى الفلفل والشطه والملح الاكل مش يضبط من غيرهم
بس ايه يا ترى الاسباب اللى خلت الابلتين يتخرم هل قعد فى العربية اكتر من اللازم ولا ايه؟
مهندس / حســـــــــام
الف سلامة عليك من الدوخة والف سلامة على العربية
والحمد لله انها بتمشى وتقف
انا حصل معى فصل مش ممكن اتوقع انه يحصل ؟؟؟
يوم الخميس اللى فات كنت مسافر البلد وكان الكلام دة بالبل وكنت ماشى على سرعة 120 وفجــــــــــــــــــــــ ـــــــــــــــــــــــــ ــــــــأة ............
لمحت امامى جرار زراعى واقف عطلان على جانب الطريق وبدون اى انوار او عاكس مفيش غير حوالى 5 طوبات دبش بجانب الجرار بطول الطريق وكان امامى مقابل نورة شديد جدا جدا
حاولت اتفادى الجرار او الاصدام بالمقابل ( الطريق فردة واحدة رايح جاى )
والحمد لله حصل بفضل الله بس العربية اصدمت بحجر من اياهم من الاسفل وجت الخبطة فى الكرتير بتاع الزيت وانخرم خرم صغير بس صفى الزيت بعد 4/1 ساعة
طبعاً دة وانا واقف مش ماشى وجريت العربية لغاية البلد وفكيت الكرتير ولحمناه بس للاسف اللحام مش تمام بيرشح زيت رحت اشترى واحد مستعمل وجدتة اى كلام وسعرة 100 جنية واللى عندى افضل منة الف مرة
وانا اسف للاطالة بس حبيت افضفض مع اخوانى اهل الرابطة
جرب تلحمه بالانبوبتين بتوع الحديد مع ان ده يعتبر حل مؤقت لحين انك تشترى واحد تانى
شوف حد بتاع استيراد كويس او اسئل الميكانيكى بتاعك ممكن تشترية من فين وهسألك لك عليه عندى ونعرف تمنه فى رينج كام
الف سلامة عليك وعلى المحروسة يا ريس حسام