[frame="9 10"]
الف مبرك
على فكرة اسمها حساس الزيت
انا بردة عمل كدة معايا
بس كان بيهرب زيت الموتور
المهم عرفت العيب مع المتابعة و غيرتة بنفسى
المهم مبروك
لو كان طرمبة الزيت لا قدر اللة كان حيكلف اكتر من كدة بكتير :K_crying[1]:
[/frame]
عرض للطباعة
الف حمدلله على السلامة مهندس حسام
ايه اخبار اهل الرابطة عملين ايه
انا من كام يوم عملت زى فى مسابقات الرالى
المهم انا طلعت على ارتفاع حوالى متر ونصف فى الهوا ونزلت على رديم آخر بالعجلتين الأماميتين الحمد لله غيرت القنطرة والستارة والردياتير
المستفاد من الحادثة
1) لو كان عندى اضاءة امامية جيدة كنت شفت كوم الرديم
2) نزول مية النار من البطارية مكنتش احتجت لسحب العربية عشان الناحية التانية كانت كويسة ومتعصرتش من عزم الضغطة
3) لما اخت الخبطة العربية مدارتش والميكانيكى قلى فيها صبابات والحمد لله وديت العربية لميكانيكى تانى طلع من عزم الخبطة حصل ان الترس رحل سنتين عن فجبت سير تقسيمة جديد والراجل قسم من جديد واشتغلت العربية
وادعولى ان شاء الله حستلم العربية من السنكرى انهرده وحروح بعدها للعفشة وربنا يستر
جبت الردياتير استعمال حالة ممتازة بـ 125 جنيه الحديد بتاع الفبريكة
وسألت على الكربراتير بتاع العربية الأصلى نوع ويبر الراجل قلى 300 جنيه هل ده سعر مناسب عشان انا مركب بتاع لادا
وفيه ناس نصحونى انى اجيب بتاع العربية الأصلى
الحمد لله انك كويس وسليم والحمد لله انها جت على قد كده
معرفش الايام دى العربية متعفرته معايا برضه
فى عندى تسريب فى كهرباء العربية
والمساعدين باظوا (مركبهم فى شهر يناير اللى فات) و عملوا تشعيرة (شرخ) فى المكان اللى ما بين الصاجه اللى متركب عليها البطاحه و الرفرف ( دى مضيقانى اوى)
ومروحه الردياتير بقت بتشتغل على درجه حرارة 70 بعد ما كانت بتشتغل على 90 ولسه امبارح المروحه عامله صوت غريب جدا زى ما يكون فى حاجه محشورة فيها
بجد انا محبط
الا صح هوا الكاربراتير ده جديد ولا استيراد وده لموتور كام كامه واحد ولا اتنين
يريت حد يفدنا فى الموضوع ده هل الكربراتير بتاع الواحد كامة يفرق عن الاثنين كامة ولا هما الاثنين زى بعض
بالنسبة للسعر ده استعمال
[frame="9 10"]
هية كدة العربية لما تفتح تكون بزيادة و من غير لازمة و مرة واحدة
نا بردة عندى شرخ زية و كل مالحمة يرجع تانى :fdsa:
بالنسبة للحرارة كدة كويس انها تشتغل بدرى خصوصا فى الحر دة
بالنسبة للصوت جرب تعمل صيانة ليها عند اى كهربائى نظيف و يخدم عليها:3_3_102[1]:
[/frame]
قدر الله و ماشاء فعل .... الحمد لله ان التلفيات جت على قد كده .
الكربراتير كده سعر الكربيراتير كويس لو حالته كويسه ... خصوصا ان سعره جديد بيعدى الالف جنيه .
الريداتير الصراحه كان الافضل تجيب واحد جديد نحاس و لو 3 ماسوره كان يبقى افضل و افضل .... الحديد بيسخن بسرعه و بيبوظ بسرعه . بس عموما هو سعره رخيص يعنى امشى بيه لغايه مايجيب اخره و هات النحاس .
الشرخ الى عندك سببه المساعدين المضروبه الى جبتها ...اكيد حجرو وعملو كده فى علب المساعدين ..... انا حصل عندى الموضوع ده بعد المساعدين الزباله البولندى الى جبتهوم قبل المونرو .... الغريب ان كل الناس شكرت فيهم و هما عباره عن قطعتين خرده .
مروحه الريداتير تقريبا كده باظت لانها لو بتشتغل على 70 يبقى بتشتغر اكتر من الازم ...و ممكن تجيبها استيراد فى حدود 100 .. الى 150 جنيه .
و الترمستات الحراره عندك بايظ و عاوز يتغير .... بس خلى بالك ان الاغلبيه العظمى من الترمستات الى فى السوق مضروب ... يعنى تجيبه و تركبه على التجربه لو بايظ تفكه و ترجعه تانى .
اية حكاية الشرخ دة
انا عندى نفس الشرخ بردة
حل الشرخ دة اية ؟؟؟؟؟؟؟؟؟؟؟؟؟
السمكرى وبتاع العفشة بيقول لى مفيش حاجه عادى وان التشعيرة دى تشعيرة معجون بس انا قلقان لانها ظهرت لما المساعد باظ
هوا المساعد مش حجر بس هوا فيه زى عضة لما بيطلع وبينزل
هحاول اصور ليكم التشعيرة دى و هشوف رأى اكتر من واحد سمكرى علشان اطمن لان كله الا اساسات العربية
الف شكر على ردودكم معايا احب اعرفكم الحاجات الى اتكلفتها
ردياتير استعمال 125 وتسليك وتركيب 25
قنطرة تركى الى بتشيل الردياتير 40 جم
ستارة 75 جم
مصنعيات شد العربية و السمكرة كلها + دهان انتركوتر بالانتركوتر 250 جم
الكهربائى قفلى الفوانيس وكام لمبة محروقة 20 جم
اشتريت الكربراتير الويبر الاصلى بتاع العربية 250 جم بس طبعا انا اخت الميكانيكى بتاعى معايا والراجل كان فصله معايا 300جم
وحبقى اقلكم على تطورات الكربراتير
بالنسبة المروحة انا مركب المروحة على الموتور مباشرة وبصراحة مريحانى كتير عن العذاب بتاع الثرموستات وعشان اعوض الفرق مركب فلانشتين عشان اقربها نحية الردياتير واهى مشية كويس والحمد لله
هى ال 131 انواع مش قصدى موديلات يعنى سنين يعنى فيها انواع ؟؟؟؟؟؟؟
ولو عايز اجيب عربية اية احسن سنه صنع واحسن نوع منهم وحدود سعرة
وشكرا جدا ليكم
وانا عند الميكانيكى شوفت الردياتير بتاع عربية بيجو حديثة كان الردياتير بتاعها عريض فيه 2 مروحه فبفكر اعمل الفكره دى عندى تنفع ولا لا؟ علشان يبقى مروحتين شغالين على طول ومروحه تشتغلها ساعه الردياتير
السلام عليكم جميعاً عشاق الاسطورة 131
اعتزر لكم جميعاً عن عدم المشاركات فى الفترة السابقة نظرا لضغط العمل
معلش انا عندى سؤال ماهى درجة الحرارة التى يمكن ان تصل لها العربية دون مشاكل تحدث فى المحرك ؟
لاننى حدثت معى مشكلة بمروحة التبريد ( الكهرباء) وارتفعت درجة حرارة العربية حتى 120و125 وجفت المياة من الردياتير ولم استطع الوقوف فى وسط الشارع ( صلاح سالم ) علشان اشوف العطل او حتى ازود الردياتير مية نظرا لكثافة العربيات فى هذا اليوم الغريب لكن الحمد لله رب العالمين ربنا سترها من عنده ومحصلش حاجة حتى تمكنت من الوقوف وتزويد العربية مية
وهل ممكن عمل مروحة مباشرة من المحرك للردياتير دون الحاجة للمروحة الكهرباء ؟
ولكم جزيل الشكر والعرفان
دى صور لبطاحه (اللى ناحيه السواق) المساعد ( اللى بايظ) اللى فيها تشعيرة (شرخ صغير) والسمكرى طمنى ان مفيش حاجه ( بس لسه مش مطمن) فعاوز اسئلكم دى فيها حاجه ولا اساسات العربية حصل فيها حاجه
http://img39.imageshack.us/img39/2579/abcd0001xxf.jpg
http://img39.imageshack.us/img39/2579/abcd0001xxf.jpg
ودى صورة التشعيرة اللى خايف منها( دى فى البطاحه اللى ناحيتى)
http://img3.imageshack.us/img3/5007/abcd0003swe.jpg
http://img3.imageshack.us/img3/5007/abcd0003swe.jpg
صورة قريبة للشرخ
http://img341.imageshack.us/img341/7070/abcd0006gne.jpg
ودى صورة للشرخ من الجنب
http://img7.imageshack.us/img7/6397/abcd0008k.jpg
http://img7.imageshack.us/img7/6397/abcd0008k.jpg
ودى صورة لشرخ زية فى الناحيه التانيه من البطاحه ناحيه قربة المياه
http://img413.imageshack.us/img413/2571/abcd0007p.jpg
http://img413.imageshack.us/img413/2571/abcd0007p.jpg
ودى صورة نفس المكان بس للبطاحه التانيه ومفيش فيها الشرخ ده
http://img413.imageshack.us/img413/3068/abcd0011e.jpg
http://img413.imageshack.us/img413/3068/abcd0011e.jpg
لا ماتقلقش ... هو كده فعلا الموضوع بسيط جدا و مش مستاهل ... انا عندى شقوق اكبر من كده فى عربيتى بسبب " الزباله " الى بيسموها مساعدين البولندى ..... و غيرت المساعدين و سيبتوهم ... بس عندك الموضوع بسيط جدا جدا و فعلا مش مستاهل .
بس غير المساعدين فى اسرع وقت .
طمنتى الله يخليك
طيب مفيش حاجه بيها اضمن ان الشقوق دى تفضل ثابته ومش تزيد
وهوا عندى مساعد واحد بايظ فكده هركب واحد استيراد امشى بيه لانى مستحرم المساعد التانى
ازيكم يا اعضاء الرابطة؟
يا ريت اشوف اراءكم في الموضوع اللي غلبني ده
http://www.nilemotors.net/Nile/showthread.php?t=82549
للاسف مافيش حاجه تضمنلك ان الشقوق ماتزيدش بس المساعدين النضاف بيساهمو كتير فى الحفاظ على سلامه الشاسيه و علب المساعدين من التشريخ. و المساعدين لو ناشفين او محجرين " بيدمرو " الشاسيه و علب المساعدين و بتقضى عليهم . فكره المساعدين الاستيراد انا الصراحه ضدها ... بس لو مش حينفع تجيب 2 جداد " و ده الحل الصح " يبقى مافيش غير المساعد الاستيراد كحل " المؤقت " بس بامانه شديده انا ضد تركيب المساعدين و المقصات استيراد ....
طب ايه عيوب المساعدين الاستيراد
لانى بفكر اجيب مساعد استيراد (يبقى حل مؤقت ب 100 جنيه) لان المساعد التانى سليم و مش ينفع اشترى مساعد واحد بس ولازم جوز
ولا اجيب اتنين جداد والسؤال فى الحاله دى ينفع احتفظ بالمساعد السليم للطوارئ ولا له تصريفه (يتباع مثلا)
احبابى
انا لما ركبت الكربراتير الويبر الاصلى بتاع الـ 31 مع العلم ان انا كنت مركب بتاع لادا لقيت خرطومين واحد تغذية وواحد راجع للتانك
هل الراجع ده مهم عشان الميكانيكى لغاه وقلى ملهوش لزمة مع العلم انه قبل ما يلغيه ودور العربية كان بيجيب بنزين كتير قوى
طيب لما لغاه هل الزياده دى بتروح بلاش ولا بتاخد دورها وتتحرق
ايه فايدة السخان عشان قلى ملهوش لزمة
فيه حاجه تانية حاسس ان بعد مركبت الويبر (الكربتراتير الاستعمال) لقيت السحب بتاع العربية بقى بطيئ بخلاف بتاع اللادا يعنى لو بضغط ربع ضغطه فى اللادا بضغط نصف ضغطة فى الويبر
نرجو الافاده
يعنى يا جماعه اجيب جديد ولا استيراد انهى افضل استثمار
عيب المساعد الاستيراد انك مش عارف هو اتعرض لظروف شكلها ايه و مشى كام كليو متر .... و مافيش حاجه تضمنلك انك حتركبه و يمشى كويس ... لانه ممكن يضرب بعد يومين .. اسبوع و ممكن يضرب بعد 5 شهور و انتا و حظك ...... يعنى من الاخر بتحط فلوسك فى حاجه ملهاش قيمه .
حضرتك قدامك حل من اتنين
الشغل المظبوط : تجيب مساعدين مونرو جداد بالضمان من احد الموزعين و حلال فيهم الفلوس
الشغل المؤقت : تجيب مساعد استيراد و انتا و حظك يضرب كمان اسبوع .. كمان شهر كمان سنه .. الله اعلم و ماتعرفش المساعد التانى السليم حيضرب امتا ... لان المايلى الى فى مصر كلو مضروووووووووووووووب .
و الاختيار ليك .
اعتقد ده سؤال اجابته معروفه :colsmil: الجديد طبعا
عاوز الشغل الصح ... لازم الى يظبط الكربراتير واحد متخصص كربراتير مش اى ميكانيكى .
بالنسبه للسخان فايدته انه بيساهم فى تسخين العربيه الصبح و هى بارده بيرفع السرانسيه لحد ما العربيه تسخن و السرانسيه يرجه طبيعى تانى .
بالنسبه لباقى الاستفسارات الحقيقه معنديش فكره عنها
بس ممكن يكون موضوع السحب سببه ان البيكات ضيقه او ظبط الهوا مع البنزين مش مظبوط و ده هو الحل الارجح . عموما راجع حد متخصص كربراتير و شوف رأيه ايه .
[frame="9 10"]
وحشنى جدا يا احلى رابطة
معلش تانى انا مقصر
وبردة معلش نفس الظروف الشغل و الحمل للمدام طبعا:ask:
بطمنكم انا مبعتش العربية لسة
بس حركات الندالة شغالة على ودنة
المهم الحمد للة على كل شيء
على فكرة الف مبروك ميلاد الشهر الجديد من عمر الرابطة
واكيد حنزل جدول اعمال الشهر الجديد
وحشنى كلكم :36_3_18[1]:
[/frame]
[frame="9 10"]
جدول اعمال الشهر الرابع من عمر الرابطة
1- تحديث المواضيع المهمة فى الرابطة (من الشهر السابق )
2- تحديث ترتيب السادة الاعضاء (فى حالة انضمام اعضاء جدد )
3- موضوع البور فى 131 بعون اللة (معلش اتاخرت عليك )
4- ادعولى لان المدام فى التامن خلاص :ask: (مهمة كل اعضاء الرابطة ):36_1_1[1]:
[/frame]
انا سمعت عن مساعدين مونرو انهم ناشفين شويه فهل كده هياثروا على الشروخ الموجوده عندى واللى رفعت صور ليها
وفيه شئ محيرنى وهوا انى راسلت شركه مونرو وسئلتهم هل عندهم انواع تمشى مع عربيه زى عربيتى قالوا لى معندهمش حاجه تنفع الا بس للمساعدين اللى ورا فكده منين توكيل مونرو اللى فى مصر عنده مساعدين تنفع فى ال 131
الرابطه منورة بيك يا حسام باشا والله كلنا عازرين بعض الشغل الايام دى مش مخلى الواحد يروح بيته ( بروح الفجر)
و ربنا يكمل للمدام على خير ان شاء الله ويقومها بالسلامه
فرحتنا انك لسه مش بعت العربيه وايه ادوار النداله اللى بتعملها معاك فضفض معانا وقول اللى فى نفسك عنها
[frame="9 10"]
على فكرة الموضوع دة فية كليب حلو جدا
وكمان هوة هدية للرابطة
احب اعرف رايكم اسبتة و لا لا
http://www.nilemotors.net/Nile/showthread.php?t=7955
[/frame]1
اكيد الموضوع ده لازم يتثبت وكمان نعمل طلب انتساب للعضو ash_rsi ف الرابطه فيديو جميل
[frame="9 10"]
الف شكر ردك و زوقك :36_3_18[1]:
ونبى متنساش تدعلنا :ask:
فعلا الشغل الفترة الاخيرة اصبح استعباد :fdsa:
ربنا يرحمنا من عندة :ask:
بالنسبة للمحروسة:whtauwant:
1- مقلب محترم من ترموستات الحرارة على طريق المحور رفع حرارة العربية الى 130 درجة من 80فى اقل من دقيقة
الحمد للة انى على المحور عينى على طول على العدادات علشان العربية متجريش منى و اتاخد ردار
2- فى نفس اليوم و قبل ماغير الترموستات الى انا عملت كبرى علية علشان اعرف امشى غير طبعا حوار المية و السخونية
فى نفس اليوم العجلة الى قدام يمين هوت و انا الكوريك عندى مفوت
وكانت العربية مركونة مايلة شوية وطبعا كان حوار ابن ......... بس الحمد للة خلصتة
3- بليل بعد الشغل و انا بغير الترومستات بنفسى مية الرديا تير ضربت فى ايدى و اتحرقت
بس الحمد للة الحرق على خفيف دة طبعا بعد الزل علشان اعرف اجيب مفتاح يفك البية
على فكرة انا كان ممكن اعملة عند ميكا نيكى بس بصراحة مش مستهلة :rfds:
كل دة فى يوم واحد غير حجات تانية بس متفرقة و خفيفة فى ايام تانية
بس اليوم دة كان عقاب من العربية
الحمد للة على كل شيء:3_3_102[1]:
[/frame]
[frame="9 10"]
كمان فية موضوع علاج الصوت لل131 و الشاهين و الدوجان
http://www.nilemotors.net/Nile/showthread.php?t=81151
محدش طلب انة يسبتة
يمكن معجبش ولا اية ؟؟؟؟؟
[/frame]