اهلا وسهلا بيك مهندس شادى ابوغالى نورت رابطة الاسطورة 131
ومنتظرين منك صورة للعربية بتعتك
عرض للطباعة
طب الاستهلاك الامثل يبقى كام
جوه البلد عامل 5 كيلو لكل 1 لتر يعنى 100 كيلو فى الصفيحه
بره البلد عامل 11.30 كيلو لكل 1 لتر يعنى 226 كيلو فى الصفيحه
انهى معدل احسن؟
انا قصدي ان استهلاكك بره البلد اوفر تقريبا بنسبة حوالي 50% عن الاستهلاك جوه البلد وده فرق كتير
يمكن تكون بتقف في اشارات كتير او بتقرص علي البنزين زيادة
بالنسبة لي مشاويري كلها جوة البلد في الزحمة وحسبت الاستهلاك كذا مرة وطلع حوالي 117 كيلو في الصفيحة
يعني تقريبا كل لتر بيمشيني 5,7 كيلو
طبعا استهلاك عالي جدا جدا حسب كلام الناس هنا في المنتدي والناس اللي اعرفها كلهم بيقولوا استهلاك عالي
ناس بيقولوا الكربراتير وناس بيقولوا الموتور خفيف بس هومش بياكل زيت وسحبه معقول
لو اتاكدت ان المشكلة من الكربراتير غالبا هدخل في سكة اني اجيب واحد جديد استيراد بدل وجع الدماغ والتصليح لانه حسب كلام الناس الجديد احسن
بمناسبه الكربيراتير انا برضه عندى مش مضبوط وعامل له اكس وباب
و برضه الموتور خفيف شويه و بيطلع دخان من خرطوم الفايظ (طقم شنبر)
اخباركم ايه يا أهل الرابطة الكرام؟ عايز اسألكم الفرق بين تشحيم العربية وغسيل الشاسيه من تحت وايه الاحسن بالنسبة لكفاءة العفشة؟
1- اسم العضو / أحمد العزب
2- مهنة العضو / صيدلى
3- سن العضو /33
4- مكان اقامة العضو / القاهره
5- سنة صنع السيارة 131 (ان وجد ) عدد السيسي موديل 1981 إيطالى 1300 سى سى
6- صورة للسيارة سوفيتم إلحاقها
7- سبب امتلاك سيارة 131 (ان وجد ) إقتناعى بإمكانيتها و قدرتها على التوفير و ذلك بعد دراسه مستفيضه
8- هل توجد سيارت اخرى (ان وجد )لا
9- الحالة العامة للسيارة فيات 131 ( ان وجد ) جيده جدا
[frame="9 10"]
مرحبا بالعضو الجديد فى الرابطة
سيادتكم العضو رقم عشرون :k32:
تم اضافة سيادتكم الى قائمة الاصدقاء برجاء اضافة باقى اعضاء الرابطة الى قائمة اصدقاء سيادتكم وهو تقليد متبع فى الرابطة
فى انتظار تعليقاتك و مشركاتك
م/حسام كمال الدين
مؤسس رابطة الاسطورة فيات 131
[/frame]
[frame="9 10"]
الف شكر الى كل اعضاء الرابطة
النهاردة بنحتفل بعمر شهرين من عمر الرابطة
عدد الاعضاء عشرون
عدد المشاهدات 4051
عددالمشاركة بالتعليق 410
بالمقارنة باى رابطة فى قسم فيات على الاقل
1- اعلى نسبة مشاهدة فى اقل وقت
2-اعلى نسبة تعليق بالمشاركة بالنسبة لعدد المشاهدة
3-عشرون عضو فى شهرين
شكرا الى كل اعضاء الاسطورة
م/حسام كمال الدين
مؤسس رابطة الاسطورة فيات 131
:satelite:
[/frame]
[frame="9 10"]
جدول الاعمال للشهر الثالث من عمر الرابطة بعون اللة
1-تحديث المواضيع المهمة فى الرابطة
2-بيان كامل باسم اعضاء الرابطة و ترتيبهم حسب اولوية اشتراكهم فى الرابطة
3-الاشتراك بموضوع جديد عن حل مشكلة السماعات فى 131بهندسة الصوت
م/حسام كمال الدين
مؤسس رابطة الاسطورة فيات 131
[/frame]
[frame="9 10"]
مع احترامى لرايك
انا بردة عندى الموتور فى نفس حالة موتورك
وكمان عامل اصلاح للكربرتير اكتر من مرة
وكمان عامل اصلاح اكس و باب
وبمشى وسط بلد اغلب اليوم بمعدل 100كم كل يوم تقريبا
بس استهلاك البنزين عمرة موصل للارقام الصعبة المكتوبة دى
يا جماعة اصلاح الكربرتير مش غلط
المهم عند مين و بيعمل اية؟؟؟؟
طقم الشمبر علاجة
1- زيت تقيل (زيت ديزل )
2-لو منفعش يضاف الية زيت شمبر كمان :verygood:
ربنا يكون فى عنكم
انا موتورى 1600CLواحد كامة يمكن هوة دة الفرق فى استهلاك البنزين بنا ؟؟؟؟؟:shyy:
[/frame]
السادة الكرام عشاق الاسطورة 131
اليكم اجراءات نقل الملكية ( بعد عزاب )
1- شهادة مخالفات ( براءة زمة ) من المرور الى العربية تابعه لية (هام جدا جدا صلاحية هذه الشهادة شهر من تاريخ الاصدار)
2- شهادة بيانات من نفس المرور ( لازم تخلى الموظف يكتب لك عليها تصلح للترخيص )
3-عقد بيع السيارة ( مسجل بالشهر العقارى )
4- بطاقة الرقم القومى الخاص بسعادتك
5- نموزج نقل ملكية من خزنة المرور ( تصور كل الكلام دة وتحتفظ بالصور )
6- تزهب للمرور الى سعدتك تابع لية ومن خلال شباك نقل الملكية او الملاكى على حسب تقسيمة المرور تبعك وتقدم الاوراق
7- يطلب منك الموظف ( المرور الى ح تنقل علية ) الاتى
أ- اورنيك فحص سيارة
ب- وصل طفاية ( ولازم تشترى حتى ولو معاك وحدة زيرو )
8- تّّّّّّذهب للمهندس الفنى لرفع البصمة ( الموتور + الشاسية ) وبعدين يكتب لك على ضهر الاورنيك مطابقة البصمة
9- للأسف ترجع تانى للمرور الاولانى وتطابق البصمة ودة طبعاً بعد الرجوع للملف الاصلى للعربية ( ويختم لك ان الكلام مظبوط )
10- ترجع للمرور بتاعك وتذهب للمهندس الفنى تانى وتقدمة الاورنيك وطبعاً علية المطابقة
11- تذهب للشباك تانى ويطلب منك دوسية نقل ملكية وشنطة ومستلزمتها
12- تدفع الضريبة وايضاً التأمين على حسب الترخيص سنة او ثلاث سنين
13- تقدم كل الايصالات والاوراق الدالة على الدفع للموظف وتنتظر الفرج ( يعنى استلام الرخصة واللوحات )
ملحوظة : لابد من كل خطوة ان تدفع المعلوم واكيد كلكم فاهمين المعلوم علشان تخلص :Y_hi_3[1]:
أوبأوباما بالقاهرة .. "مش هتقدر تخرج من البيت "
http://contactcars.com/Images/News/Large/zahma.jpg
زحام متوقع في القاهرة خلال الزيارة
أشارت مصادر صحفية إلى أن زيارة الرئيس الأمريكي باراك أوباما المرتقبة للقاهرة يوم الخميس سوف تتسبب في بقاء نحو 18 مليون قاهري في منازلهم خلال مدة الزيارة التي لن تزيد عن ثماني ساعات فقط.
وذكرت وسائل الإعلام المحلية والعالمية التي تتابع تفاصيل الزيارة بدقة أن الإجراءات الأمنية التي تسبق هذه الزيارة التاريخية ستدفع الملايين من سكان القاهرة بعدم مغادرة منازلهم في ذلك اليوم.
وعزت مصادر أمنية السبب إلى إن الإجراءات الأمنية التي اتخذتها وزارة الداخلية لتأمين زيارة أوباما ستجعل مهمة الانتقال بين أحياء القاهرة ومناطقها أشبه بالمستحيلة.
وقالت المصادر إن الخطة التي وضُعت لتأمين سير موكب أوباما خلال زيارته الأولى للقاهرة ستؤدي إلى إغلاق العديد من شوارعها وميادينها الرئيسية خاصة أنه سيزور عدد من المناطق المكتظة بالسكان فضلا عن الأماكن الأثرية والحيوية بالقاهرة الكبرى ، ما سيمنع أكثر من مليون سيارة من الحركة لساعات طويلة في العاصمة التي تعاني أساسا من أسوأ أنواع الاختناقات المرورية في العالم.
البقاء بالمنزل هو الحل
وأضافت المصادر أن الحل الأفضل هو بقاء حوالي 18 مليون شخص من سكان القاهرة، أو كلهم، في البيوت طيلة فترة الزيارة التي ستستمر من الساعة التاسعة صباحا حتى الرابعة عصرا.
وكانت وزارة الداخلية قد أعلنت خطتها الأمنية خلال مدة الزيارة والتي تتركز على السيطرة على الأداء في الشارع قبيل وخلال الزيارة ، ومنع المواطنين من التواجد في الشوارع ، فضلا عن تغيير مسارات الطرق إلى طرق أخرى بعيدة عن أماكن زيارة الرئيس الأمريكي لضمان تقليل وتيرة حركة السيارات.
وكذلك مراقبة كافة الطرق والمباني بأنواعها بداية من المطار ومروراً بمحيط الزيارة لضمان بقاء الوضع تحت السيطرة، نظراً لحساسية الزيارة وكونها المرة الأولى التي يزور فيها الرئيس الأمريكي الجديد القاهرة.
http://contactcars.com/Images/News/m..._parking_4.jpg
السيارات لن تجد شوارع خالية للسير بها
برنامج حافل للرئيس الأمريكيووفقا لبيان لرئاسة الجمهورية ، فإن أوباما سيعقد فور وصوله وبعد استقبال رسمي له لقاءا مع الرئيس مبارك بقصر القبة ، ثم يتوجه بعد ذلك لإلقاء خطابه في جامعة القاهرة، ليقوم بعد ذلك بزيارة بعض المعالم التاريخية منها أهرامات الجيزة ومسجد السلطان حسن المجاور للقلعة بحي الخليفة ، ثم زيارة السفارة الأمريكية وسط العاصمة قبل توجهه مباشرة لمطار القاهرة من جديد.
ولفتت مصادر إلى أن موكب أوباما سيتحرك من جامعة القاهرة بعد إلقاء كلمته بقاعة الاحتفالات الكبرى ، إلى مقر نادي الجزيرة ، حيث تنتظره طائرة مروحية أمريكية لتنقله إلى موقع الأهرامات ، بعد أن يكون قد استبدل زيه الرسمي بملابس غير رسمية في إحدى الغرف التي أعدت خصيصا لذلك.
وبعد زيارة الأهرامات والمواقع الأثرية ، ستحمل المروحية أوباما إلى مطار القاهرة حيث تقله طائرته الرئاسية من هناك إلى ألمانيا.
يذكر أن درجة الحرارة في القاهرة يوم الخميس خلال هذه الزيارة التاريخية ستصل في بعض الأوقات إلى 40 درجة مئوية على سماء العاصمة ما يزيد من عناء المصريين خلال زيارة أوباما التي ما أن تنتهي حتى يتم افتتاح معرض "أوتوماك 2009" بأرض المعارض بمدينة نصر!!
.
فعلا الدنيا النهاردة زحمة جدا _كوبري الجامعة واقف_عمال النظافة شغالين بكل جد_ربنا يستر بكره
الاخوة الاشقاء اعضاء رابطة الجميلة 131
هل يوجد عند اى حد من حضراتكم كتالوج الاسطورة 131 ميرفورى مو 1983 ؟؟؟؟ ارجو الافادة للاهمية
أنا سعيد جدا بإنضمامى للرابطه محبى و عشاق 131 و كنت عاوز أعرف هو فيه فرق بين 131 عاده و 131 ميرفيورى
الحمد لله يا جماعه اخيرا كتالوج الميرافيورى
http://www.nilemotors.net/Nile/showthread.php?t=78882
السلام عليكم و رحمة الله
وحشتونى جدا يا جماعة :36_3_10[1]:.... معلش انا بقالى كتير مادخلتش موضوع الرابطة ... علشان مشغول جدا فى الشغل و كمان باعمل شوية تجديدات كده فى العربية :beatdeadhorse5: و ان شاء الله هابقى ارفعلكم الصور.
المهم .... حد من اعضاء الرابطة رايح اتوماك؟ انا ان شاء الله رايح بكرة ... يا ريت لو كذا واحد رايح نتقابل و تبقى فرصة جميلة للتعارف اكتر :dfgf:
بجد انا حزين عشان الناس اللي عايزة تبيع
فيه عضوين دلوقتي عايزين يبيعوا منهم مؤسس الرابطة البشمهندس حسام
بصراحة حاسس ان الرابطة مريحة فعلا
عايزين نفتح اي موضوع للنقاش مثلا ايه اخر الاصلاحات اللي عملتها في العربية وكلفتك كام؟
هبتدي نفسي في المشاركة الجاية
كان فيه شوية شغل كهربا في العربية رحت عملتهم مجبرا بعد مالقيت المفتاح مش بيتحرك في الكونتاكت وكأنه لزق
المهم جبت الكهربائي وشغلنا العربية بتوصيل السلكتين وخدناها للورشة مبدئيا قاللي ممكن يكون الكونتاكت عايز يتغير بس لما فكه لقاه كويس واستخسر يلعب فيه عشان بتاع الفبريكة بس المسوجر كان مضايقه(حسب كلامه)
المهم كان شوية حاجات مش شغالةعندي الانتظار ظبطهولي -الرعاش للاسف مش عايز يشتغل مش عارف ليه وده أزمني نفسيا:shyy:
الراجل فك الضفيرةكلها وحاول يشوف الرعاش بس ما اشتغلش قاللي يمكن تكون محتاج دراعات جديدة
ربطلي التابلوه والكونسول لانهم كانوا بيعملوا صوت في المطبات
ظبطلي زجاج الكهربا باع الباب اليمين لانه كان بيعمل صوت اثناء الطلوع والنزول
للاسف ما عرفش برضه يصلح لسنتر بتاع البابين الاماميين
صلحلي الولاعة
كانت السلكة بتاعة الموسيقي اللي شغالة مع المارشدير واقعة ركبهالي
كان فيه مشكلة تانية ان لمبة الصالون اضاءتها ضعيفة وبتشتغل فقط مع فتح البابين الاماميين
فك الفانوس وجبنا لمبة جديدة ونضفه وركب اللمبة واتضح ان العيب ان الفانوس ما كنش واخد ارضي
كان برضه فانوسين الاشارة اللي ورا مش شغالين غيرنا اللمبة بتاعتهم واشتغل زي الفل الحمد لله
السماعات اللي ورا كان فيهم سلكة بتلمس وكنت كل لما اخد مطب الصوت يعلا فجأة!
الكلام ده تم علي يومين عشان اول يوم رحتله كانت الساعة تقريبا 11
عندي شوية استفسارات ليكم يا ريت تجاوبوني عليها
1-منين الاقي فانوس سقف والفنوسين اللي ورا ناحية السماعات يكونوا كويسين وسعرهم معقول واجيب منين اللمب النيون مش الصفرا؟
2-ايه مشكلة الرعاش اللي مش عايز يشتغل ده ؟
3-السنتر بتاع الابواب اصلحه ازاي؟
مستني مشاركاتكم يا اهل الرابطة اكرام
اعضاء الرابطة الكرام لوحد عايز يبيع 131 تكون بحالة ممتازة انا جاد فى الشراء بس ياريت سعر معقول مع خالص الشكر للرابطة الى اتعلمت منها كثير
ال131 اساسا اسمها ميرافيورى بالاضافه ل رقم 131 و اتسمت على اكبر و اهم مصنع لفيات فى ايطاليا , ميرا فيورى (( Mirafiori لو اترجمت للانجليزى يبقى Miracle flower او الزهره المعجزه:s1[1]: )) .
يعنى ميرافيورى اسم مرتبط ب 131 فى معظم الموديلات :-
ميرافيورى
ميرافيورى سى ال
سوبر ميرافيورى
ميرافيورى سبورت " ريسنج "
بانوراما " استيشن "
ديزل
و كانت بتنزل فى امريكا تحت اسم برافا
الفرق مابين ال131 ميرافيورى و ال131 سوبرميرافيورى :
الاكصدامات
نيكل و فبر من الاطراف فى الميرافيورى
فبر فى السوبر ميرافيورى .
الجنط
عاده فى الميرافيورى
سبور " على شكل ورده او مروحه " فى السوبر
التنجيد الصالون
جلد مع قماش او جلد مع قطيفه بدون مساند رأس فى الميرافيورى
قطيفه بالكامل مع مساند رأس و مسند لليد فى الكنبه فى السوبر
التابلوه
يفتح للاعلى و فى بعد الموديلات بدون ار بى ام
فى السوبر جرار و فى ار بى ام
و طبعا اهم حاجه الموتور
محركات الميرافيورى كلها 1 كامه
محركات السوبر كلها 2 كامه ... سواء 1300 , 1400 , 1600 , 2000 كلهم 2 كامه .
ديه الحاجات الى فاكرها .
1- فوانيس الصالون اشتريتها " 2 خلفين و 1 فى السقف " من التوفيقيه عند النشوقاتى .... هو مشهور جدا جدا فى التوفيقيه انزل هناك و اسأل عليه الف مين حيدلك ..... و تمن الواحده تقريبا 15 جنيه و صناعه تركى .
2- اللمض النيون حتلاقيها عن اى محل كماليات و موجوده فى التوفيقيه .
3- مشكله الرعاش الصراحه معنديش فكره .... بس ممكن تراجه على الفيوزات و ممكن تخلى كهربائى نضيف يفك الدراع مفسه و يبص عليه .
4- السنتر لو بايظ ممكن تغير المكنتين الى قدام بس الى بايظين حتلاقيهم فى حدود 40 او 50 جنيه الاتنين .
الساده اعضاء الرابطة الكرام لوحد عايز يبيع 131 بحالة تكون ممتازه و سعر مناسب انا اشترى لانى بدور على 131 مع خالص الشكر لرابطتكم الجميلة و يسعدنى انضمامى ليكم
حد عنده فكره عن سعر المروحه الالكترونى بكام جديده و مستعمله ؟
لانها امبارح اتحرقت
انا موصلها زرار بحيث انى ممكن اشغلها قبل ماتشتغل مع الترمستات .... المهم انى شغلتها و سبتها ساعه متواصله فى الحر و اتحرقت $-:
نصيحة منى اشترى مروحة الشاهين لان تريدها احسن و هى تقريبا بين ( 6 او 8 ريشة سوداء ) و سرعتها فى التبريد عالية اوى .
انا حصلي الموقف ده من 3 اسابيع كده و غيرتها بوحده استيراد الماني
170 جنيه:mahf(5):من شارع احمد سعيد (لقيتها غاليه عشان بيقلولي نوعها مقطوش حاجه زي كده بس هي اقوي بكتيييييير من اللي كانت راكبه)
سالت عالجديد محدش نصحني بيه قالولي العربيات قديمه وفي الجو ده مش هتستحمل معاك والله اعلم :_Alshmokh22[1]:
الف شكر لحضارتكم على الافاده
انا غيرت المروحه انهارده بواحده استيراد و جبتها ب 110 جنيه " الموتور بالريشه فقط بدون القفص " و سالت على الجديده لقيتها 300 جنيه " ايطالى " و عندى شك انها تكون اصليه و كان فى انواع صينى مضروبه ف كانت الاستيراد هى الحل الوسط .
لا فعلا المقطوشه هى بتاعت ال131 " هى دية الى كانت نازله فى عربيتى بس اتغيرت من زمان " و هى موتورها بالشكل ده علاشان مايخبتطش فى المروحه الى راكبه على الموتور ,الى كانت راكبه عندى و اتحرقت و الجديده بالموتور الطويل ... بس انا عندى كنت قاصص من ريش المروحه الى راكبه على الموتور من الاول و علاشان كده الموتور الجديد ركب عادى .
بس الصح ان الى تركب فيها المروحه الى الموتور بتاعها مقطوش و تركب مروحه على الموتور بحجمها الطبيعى علاشان يبقى التبريد مظبوط .
لو سمحتم يا جماعه عايز مساعده في تسعير سيارتي عشان بفكر ابيع كمان شهر او ا شهرين و اجيب زيرو
هي fiat 131 موديل 1984 اخر ال 131 موتور 1600cl الالماني ا كامه (استهلاك بنزين جيد جداالموتور بحاله ممتازه
العربيه اولا استعمال ولدي وهو راجل كبير يعني مفيش شد و قرص و الكلام من ده
تغيير زيوت(زيوت شل و موبيل و اسو فقط) و صيانه دوريه كل فتره ابل ما تعطل
مدخلهاش بنزين 80 ولا مره
مكيفه و التكيف شغال بكفاءه جيده
فرش جلد في قماش فخم من عند سبير كار
كاوتش بريدج ستون( تيل) مش جديد و مش قديم بحاله جيده جدا
2 مساعدين امام جداد و خلفي سلام
كل قطع غيارها اصلي مدخلهاش ولا تركي ولا صيني ولا مصري الحمد لله
الفتيس جديد وناعم جدا
عفشه سليمه بالكامل لا تحتاج مصاريف
طقم السيور كله جديد (كاتينه و دينامو و تكيف)
التابلوه والكونسول بحاله جيده (يعيبه بعض الشروخ المعهوده):shyy:
عدا
ات كلها شغاله
رشه بره اكيد
جوه رشه نضافه واي سمكري هياخد بالو من انها مجرد نضافه منو لله السمكري المتخلف اللي عمل كده:_Alshmokh11:
كاسيت سوني + 2 سماعه بيونير جداد
مش محتاجه مصاريف خالص
((معلش انا يمكن مش عارف اعمل الاعلان قوي بس انا والله يشهد قلت كل اللي في العربيه بكل امانه)):shyy:
تعمل كام كده يا جدعان ؟؟؟؟
وشكرا:k32:
السلام عليكم يااصحابى واهل الربطة وحشتونى جداوذى حال الربطة انا بألى كتير مش متابع بس مشأ اللة اشترك أعضأ كتير