الموضوع: (( رابطة الاسطورة فيات 131 ))

لون العربية فضى ميتالك مدى على رصاصى
الدوكو بتاعها الاصلى فضى مش ميتالك وده موجود تحت الدوكو الموجود دلوقت عليها

المشاركة الأصلية كتبت بواسطة tabeb

سؤال بقي لو تسمحولي
لون عربيتك ايه ويا تري في رأيك ايه هو احسن لون يمشي مع ال131؟

بالنسبالى احسن الالوان فى ال131 بالترتيب
1- الفضى الميتالك " بلا منازع "
2- الفيرانى الميتالك
3- السماوى الميتالك
-----------------
الاخضر الميتالك شغال برده
اى الوان تانيه بصراحه بيبقى شكلها و حش و بحس ان شكل العربيه مش بيبقى مظبوط .
عموما السمه الاساسيه مابين الالوان الى بتليق على ال131 " الميتالك "
-----------------
طبعا زى ما استاذ حسام قال بلاش حضرتك تغير لون العربيه الى لو حتعملها لمزاجك الخاص كده يبقى حاجه تانيه .

المشاركة الأصلية كتبت بواسطة HOSAMSAMSOON

مقايسة اصلاح

انا عملت مقايسة اصلاح و شد و تجديد شامل للعربية فى ابو رواش فى مركز اصلاح سيارات اسمة ترى
ودى مقايسة المصنعيات المبدئية

القيمة بيان المصنعيات
1200 اعمال سمكرة و زرجينة و بارومة
2000 ازالة الدهان القديم و عمل دهان كامل السيارة
800 اعمال فك و تركيب كامل فرش السيارة (العربية تصبح على الصاج )
واصلاح التبلوة و الكنسول
175 اعمال فك و تركيب الفوانيس الامامية و الخلفية وكل الكهرباء الخارجية
و اصلاح اعمال الكهرباء
50 اعمال فك و تركيب و اصلاح الاكصدامات الفبر و الشاسية المعدن و الجرايد
150 اعمال فك و تركيب و اصلاح الزجاج و مكن الزجاج
500 اعمال اصلاح ميكانيكا و عفشة
الاجمالى 4875

وكمان المركز بيجيب قطع الغيار ودى المقايسة

الكمية البيان القيمة
4 مساعد امامى وخلفى 620
1 شبكة امامية اربعة فانوس بالنيكل تركى 105
2 وش فانوس خلفى (طقم استسمارى ) 80
2 مقص امامى تركى 180
2 اوكر باب خلفى 50
2 فنوس كامل اكصدام + رفرف 45
2 بطاحة مساعد 90
2 شداد خلفى صغير 110
1 طقم كوتش استبليزر 10
1 كرسى نصف بالبلية 75
2 قاعدة ماتور كامل 12
1 طقم اصلاح دريكسيون 22
1 مراية شمال 45
4 زرار قائم باب 12
1 بلية دبرياج 43
24.5م كاوتش شنطة 45
25م كاوتش حلق باب 65
27م كاوتش داير باب 50
1 طقم كاوتش كابوت امامى و خلفى 75
1 كوع مياة + مشترك مياة 50
1 ترموستات حرارة واطى 15
2 مخرج مياة مساحات كبوت 5
1 طقم كهرباء كامل 65
2 علاية كبوت 4
1 موتور مساحة 55
2 عتب صاج 100
1 طقم اكر زجاج 15
الاجمالى 2057


يعنى ملخص الكلام

مصنعية = 4875جنية
قطع غيار = 2057 جنية
اجمالى المقايسة الابتدائية =4875+2057=6932جنية
يعنى تقريبا 7000جنية و قابلة للزيادة اثناء العمل والتسليم بعد شهر
السؤال هو ياترى اعمل التصليح دة ولا ابيع ؟؟؟؟؟؟؟؟؟؟
مع انى كارة فكرة البيع دى
ية رايكم يا جماعة؟؟؟؟؟

معلش يا جماعة انا كنت كاتب المقايسة على الورد فى جدول بس واضح انة لما اتنقل الى المنتدى الجدول اختفى و الكلام اتغير تنسيقة
المهم انة بردة مفهوم

الف شكر يا استاذ حسام على المقايسه التفصيليه
الحقيقه اسعار المصنعيات " خزعبليه استهباليه غير منطقيه !!!!!!!!!!!!!! 4900 جنيه مصنعيات ؟ ليه ده حتى لو نقصنا تمن البويه و المعجون و الفيلر و كل الكلام ده مش حيعملو 400.. 500 جنيه على بعضيهم لو حيجيبو خامات " Very Top " .... انا عاوز اعرف هما حيعملو ايه مصنعيات بال4400 جنيه ؟هما فاكرين نفسهم توكيل !!
انا رأيى المتواضع ان اسعارهم غير منطقيه
3200 جنيه سمكره و دوكو !!!!!!! ليه ... ده يوم لما تكون العربيه تعبانه جدا و فيها بارومه فى كل حته و خبطات اخرها اوى اوى 2000 جنيه سمكره و دوكو و برده حيبقى اكتر من حقهم بكتير
175 فك فوانيس خارجيه !!!!!!! ده انا بفكهم بنفسى و بركبهم بنفسى و مفهوش اى نوع من الصعوبه .اى كهربائى بيعمل الشغل ده ب 10 .. 20 جنيه اخره
150 جنيه تصليح مكن ازاز !!!!!!

نصيحه اخويه حضرتك ابعد عن الناس دول ... لانهم فاكرين نفسهم توكيل و بيتعاملو على هذا الاساس
معلش حضرتك ممكن تتعب شويه و تابع مع الصنايعيه و تعمل كل حاجه عن المتخصص بتاعها , بس حتوفر مبلغ مش قليل و حتطلع بنتيجه كويسه .

المشاركة الأصلية كتبت بواسطة HOSAMSAMSOON

السؤال هو ياترى اعمل التصليح دة ولا ابيع ؟؟؟؟؟؟؟؟؟؟
مع انى كارة فكرة البيع دى
ية رايكم يا جماعة؟؟؟؟؟

سؤال وجيه فعلا .بس لو حضرتك حتصلحها عند المركز ده او تبيع .... اعتقد تبيع اوفر , خصوصا ان العربيه كل الى حيزيد عليها ان شكلها حيبقى مظبوط من بره و حتغير عفشه و الباقى كلها حاجات مش حتبقى مؤثره اوى فى اداء العربيه عموما " خصوصا ان مافيش عمره او تغير موتور , او تركيب تكيف او اى كماليه زياده .ف حتحس انك دفعت 7000 جنيه و مخدتش بيهم حاجه تستاهل .

مش عارف ده رأيى و ممكن اكون غلط فيه بس انا حسبتها بمبدأ . حدفع كام و اخد ايه .

فكر تانى برده و شوف حد تانى .
تحياتى لحضرتك .