اقتباس:
المشاركة الأصلية كتبت بواسطة saadelden
طيب انا لغيت مروحه الكرنك دي لانها اتكسرت عندي و انا علي طريق سريع ! و ركبت مروحه كهربا بترموستات 88-72 تقريبا
المهم العربيه ساعات امشي بيها الاقيها سخنت و مش راضيه تبرد و المروحه شغاله علي طول
اول ما اقف 5 دقايق كدا العربيه تبرد و المروحه تقف !
فكرت في تركيب ترموستات الكوعه بحيث تثبت درجه حراره الماتور و تقلل الحمل عن المروحه
و انا بردو طريقي يوميا علي الدائري و طرق مفتوحه ف ماعتقدش ان العربيه بتلحق تسخن و ساعات بتسخن زياده و تعدي 90 و بضطر اني اقف 5 دقايق ع الاقل لحد ما تبرد و ابتدي اتحرك
[frame="9 10"] معنا كلامك ان عندك قصور فى دورة التبريد
او بمعنى تانى ان دورة التبريد غير فعالة او غير قادرة على السيطرة على حرارة الموتور
اسباب القصور و الحرارة العالية بالموتور
1-وجود شوائب فى دورة التبريد تسبب ضيق مجارى المياة (حاجة كدة زى تصلب الشرايين و الجلطة عند الانسان)
2-انسداد فى ماسورة او اكثر فى الردياتير
3-تلف طرمبة المياة (بتبان لو مكان الطرمبة بتنقط مياة)
4-انسداد الريش الردياتير نفسة (و دى سهلة بيتنظف من الخارج)
5-ضعف موتور مروحة تبريد الردياتير او تلفها
6-تلف ريش المروحة او انعكاس اتجاة التبريد للخارج بدل الداخل
7-قطع او اكثر فى خراطيم الدورة(و دة بيبان بمتابعة منسوب المياة يومى)
8-نوع الردياتير سىء و غير اصلى او متهالك(ردياتير 131 الاصلى بيكون حديد مش نحاس ولا الومنيوم و بالرغم من كدة تبريدة ممتاااااااااز و بيتجاب من عزبة شلبى بالمطرية)
9- عدم الغاء ترموستات الكوع مع عدم الغاء فتحة راجع المياة بالموتور
10-وجود مشاكل فى تكيهات السيارة (بيتم ظبط التكيهات كل ستة اشهر)
11- سداد او ضيق فى مسار الشكمان و وجود تنفيس او كثر فية و التاكد من عدم سداد المسار و علب الشكمان
على فكرة كوع الترموستات معمول للبلاد الباردة و عدم وجود لا يؤثر فى زيادة تبريد العربية لان وظيفتة زيادة حرارة الموتور مش العكس و ذلك بمنع جزء من مياة التبريد من العودة الى الرياتير للتبريد و الحفاظ عليها داخل الموتور و الحفاظ على حرارتة
علشان كدة بيالغى فى مصر و غير مرغوب فيىة و كمان بيتسد مكان كوع الراجع فى الموتور
خطوات الاصلاح و ظبط حرارة الموتور
1-التاكد من الغاء كوع الترموستات و غلق الفتحة الراجع بالموتور (ودة بيتعمل عن فنى ردياتير او ميكانيكى ولو عارف مكانها ممكن تعملها بنفسك كمان.. موضوع بسيط و مهم)
2-الكشف على الرياتير و تسليك مواسيرة و الريش او تغييرة و تنظيف دورة التبيرد و استعمال المياة الخضراء
3- الكشف على كفائة موتور و ريش مروحة التبريد و التاكد من اتجاة الدوران الصحيح
4-ظبط التكيهات الموتور
5-مراجعة الشكمان و العلبه و المواسير و الجونات فى الفرن الواصل بين مواسير الشكمان و الموتور
6-مراجعة مسار المياة و الخراطيم و طرمبة المياة[/frame]