الموضوع: (( رابطة الاسطورة فيات 131 ))

المشاركة الأصلية كتبت بواسطة saadelden

الي تم يوم الجمعه
روحت لكمال الخراط في الظاهر
حكيتله المشكله
فك الكردان و اول كلمه قالها الكرونه دي متعدله لشاهين ! (اول مره اعرف كدا الصراحه)
طب ايه العمل يا عم الحج ؟ قالي هانظبطه
طب لو ركبنا نص كردان شاهين يشتغل ؟ قالي اكيد
سيبته يتعامل

اول حاجه الفلنشه طالعه حتتين و هي الي كانت عامله رعشه جامده و صوت التخبيط فوق ال 80
تاني حاجه بص علي الصلايب قالي كويسين , هم اصلا راكبين من 3 شهور
تالت حاجه ابتدي يرف الكردان و ظبطه . بس قالي الشغل دا مش عاجبني
طلع نص كردان شاهين من عنده و ركبه و ظبطه و طلعت اجرب
خدت لفه ع السريع ماكنش فيه مشاكل ف رجعت احاسبه , مارضيش ياخد فلوس غير اما اجرب علي سرعه
المهم حاسبته و قولتله لو فيه اي حاجه هرجعلك ,لكن لو ماشيه تمام مش هاجي تاني

طلعت ع الطريق و اول ماعديت ال 40 لقيت فيه رعشه و بتزيد !
روحت راجعله . فك الكردان تاني و بص علي العربيه
لقي كرسي النص ناشف جدا , غيره و ركب و طلع معايا صنايعي من عنده و جربنا جبت لحد 90 و الحمدلله مفيش مشاكل

رجعت حاسبته علي الي الفلنشه و قعد يتأسفلي انه عطلني و قعدت معاه كتير

اسعار الحاجات الي ركبت
40 جنيه فلنشه تركي
30 جنيه كرسي نص (المفروض ب 40 بس اداهولي ب 30 عشان اتاخرت عنده )
60 جنيه نص كردان شاهين خلفي
40 جنيه مصنعيه

[frame="9 10"]الف مبروك
نفسى اجيب الجيب مصر و اظبط العفشة و الكارونة
طبعا الاسعار الى بتحكى فيها خيال فى السعودية
انتا ممكن تغير التيل الامامى بس ب 100 ريال مصنعية يعنى 162 جنية
تخيل :019f3b~14:
عمار يا مصر
[/frame]

المشاركة الأصلية كتبت بواسطة zekwa

1- اسم العضو / اسلام سيد
2- مهنة العضو / طالب
3- سن العضو /17
4- مكان اقامة العضو / القاهره
5- سنة صنع السيارة 131 (ان وجد ) عدد السيسي لا يوجد
6- صورة للسيارة لا يوجد
7- سبب امتلاك سيارة 131 (ان وجد ) لا يوجد
8- هل توجد سيارت اخرى (ان وجد ) لا يوجد
9- الحالة العامة للسيارة فيات 131 ( ان وجد ) لا يوجد

مرحبا بالعضو الجديد ا/ اسلام سيد
سيادتكم العضو رقم 89 فى الرابطة
تم اضافة سيادتكم الى قائمة الاصدقاء
برجاء اضافة باقى اعضاء الرابطة الى قائمة سيادتكم
يمكن الرجوع الى صفحة رقم 82 حيث يوجد روابط جاهزة لضمهم الى قائمة سيادتكم
كما يمكن ارسال طلب على الميل الخاص بى لارسال ملخص للرابطة الى سيادتكم
hosamsamsoom@hotmail.com


كما يوجدملخص لاهم صفحات و فعليات الرابطة فى الصفحة رقم 301
برجاء اضافة شعار الرابطة مع ترتيب سيادتكم فى الرابطة الى توقعكم
((يوجد رابط صورة الرابطة فى الصفحة رقم162 ))
[caution]ملحوظة هامة جدا
رابطة الاسطورة فيات 131
جزء لا يتجزء من منتدا نايل موتورز و تسرى علية جميع قوانينة و احكامة
برجاء قرائة قوانين المنتدى و الالتزام بها حتى لا يحدث اى تعليق من السادة مراقبى المنتدى
[/caution]واخيرا
الرابطة اتشرفت جدا جدا بانضمامك الى اسرتها

المشاركة الأصلية كتبت بواسطة michohat

صوت ف العربية هيجنني
مش عارف هو من ايه ولا سببه ايه
من ساعه ما غيرت الكارونه وانا ملاحظ اني مثلا لما اقف بالعربية في الزحمه واتحرك بيها عجله عجله في صوت تكه لما وصفتها للميكانيكي قال لي دي من الصلايب وشحمت الصلايب وبعدها بفتر ه الصوت رجع تاني وديتها له ف يوم علشان يكشف ويشوف المهم قال الصلايب سليمه وربط على صامولة عمود البنيون
الصوت منع شوية ورجع تاني
الميكانيكي مش سمع الصوت بودنه لان العربية مش بتعمله على طول ومفيش مره كنت فيها عنده وعلمت الصوت ده
...يوم الخميس اللي فات كان فيه واحد صاحبي راكب في الكنبه الورانيه قال لي ان الصوت ده من ورا وانه صعب يكون صوت صلايب
بعد شوية صاحبي طلع ركب جنبي قدام والصوت حصل تاني و قال لي المره دي الصوت اكنه من نص العربية
روحته و طلعت على ميكانيكي تاني بتعامل معاه
قولت له ع الصوت وانه مش بيحصل دائما وكده خلا واحد ينزل يكشف على عمود الكردان انه متربط كويس وعلى الصلايب
طلع قال لي العمود سليم والصلايب سليمه بس الكرونه فيها نص لفه
الميكانيكي قال لي الكارونه مبوشة
وسئلني بتعمل معاك صوت وانت ماشي
قولت له لا مش بتعمل اصوات مع ان الزيت اللي فيها زيت خفيف 90 ولو فيها اي صوت هيطلعه

اعمل ايه ف الصوت اللي هيهبلنى ده مش بيظهر عند اي حد من الصنايعية
و بيحصل دائما عند الانتقال من وضع السكون الي الحركه ودائما في الزحمه ( هل له علاقة بالسخونه او الحرارة الله اعلم )

اغير الصلايب واجرب ولا ايه؟؟؟؟

[frame="9 10"]روح عند سمكرى و اكشف على علب شاسية العربية يكون عندك كسر ولا حاجة
انا كان عندى بداية كسر فى العربية و كان بيعمل صوت بردة
ولو صحيح نظفة و الحمة
و بعون الله بسيطة[/frame]