http://img104.herosh.com/2010/09/26/463620735.jpg
عرض للطباعة
[frame="9 10"]
الحمد لله
لازم حد يتجوز علشان تبان تانى
عندك غيااااااااب كتير يا باشا:36_1_50[1]:
وحشنى جدا جدا
متحرمناش من وجودك فى فعليات الرابطة:Ob_mak1[1]:
[/frame]
حبيبى المهندس حسام
ما اقدرش اغيب عنك بمزاجى اكيد ده غصب عنى مشاكل العمل كتيرة و ضغط العمل فوق طاقتى
انت وحشنى جدا جدا وجميع اعضاء الرابطة
و اكرر لمجدى مليون مبروك و حضرتك عارف غلاوة مجدى عندنا
وانا النهارده بالذات كنت طالب رايك الفنى لانى غيرت المساعدين الامامى بمساعدين مستعمل حسب نصيحة سابقة لمجدى لان الان موجود مساعدين مغشوشة و الجديد زى القديم المهم المساعدين توفوا بعد اسبوع
وانا محتار الان يوجد قريب لى بينصحنى اروح لعفشجى بيعمل تعديل للمساعد القديم و يضع داخله مساعد دايو و النتيجة 100 100 على حد تعبيره و حتى لو عطل المساعد بيتغير ب 50 جنيه بالمصنعية بعد كده لكن اظن ان مساعد الدايو مصمم لسيارة اخف وزنا من ال 131
الحل التانى اجيب جديد لكن عايز ماركة تتحمل و ما يعطلش بسرعة ارجوا النصيحة
عندى سؤال ياريت حد يجاوب عليه
انا اشتريت العربية من سنتين و نصف و معايا توكيل للتعامل مع المرور ودفعت بيه الضريبة مرتين و فى المرة الاخيرة من سنة بالضبط غيروا لى النمر بنمر جديدة
السؤاااااااااااااااااااال
عندى فحص 4-11 القادم و العربية لسه باسم صاحبها و معايا توكيل البيع و توكيل المرور ايه اجرءات الفحص و التسجيل بالتفصيل الممل و لما اجى اسجل العربية التوكيل فيه النمر القديمة و العربية الان ليها نمرة جديدة فى الرخصة
اعمل ايه قبل الذهاب للمرور
ياريت لو حد مر بنفس الموقف يرشدنى و له الاجر من الله
:mad2::mad2::10D5C8w1107::10D5C8w1107::mad2::mad2: :10D5C8w1107::10D5C8w1107::10D5C8w1107:
:dzey::dzey::dzey::dzey:
[frame="9 10"]
فية مسعدين موجودة بالضمان 131
انصحك تجربها
بالنسبة للتعديل من مساعد131 الى دايو
فى اعتقادى ان موتور131 اكبر و اتقل من الدايو
وممكن ميعش مع وزن الموتور
وممكن تتاكد من حجم المساعد الدايو
فى الغالب حيكون اصغر من 131
بالنسبة للتجديد و الرخصة
انصحك تسجل لنفسك و تخلص
التسجيل فى حدود 80 جنية و ممكن تتاكد فى الشهر العقارى
انا فاكر انى سئلت عليها لما بعت عربيتى و كانت فى الحدود دية
خلينا فى بالك و الرابطة كمان:satelite:
و ربنا يقويك على المشاغل الى عندك:ask:
[/frame]
[frame="9 10"]
الى السادة اعضاء الرابطة الكرام
موضوع من مدة عايز اكتبة
يمكن من قبل السفر
والحمد لله لاقيت الوقت الفارغ علشان اكتبة و افيد بية السادة الاعضاء:ask:
ارجو التفاعل و المشركة
و ياسلام لو التقييم كمان اكون شاكر:ma:
ودة الرابط
http://www.nilemotors.net/Nile/184134-a.html
[/frame]
ألف الف شكر لحضرتك يا باشمهندس محمد عبد القادر
ايه التصميمات الجميلة دي تسلم ايدك
عاوز يبقي فى حضور من الرابطه يا جماعه
بالنسبة لموضوع المساعدين فعلا الجديد اللى جربته مش كمل معايا السنه وضرب فلجأت الى المستعمل و الحمد لله لحد دلوقتي ماشي معايا كويس من غير قلق
في مساعدين جداد للفيات 131 بالضمان المساعدين اسمهم مونرو و اتكتب عنهم اكتر من موضوع فى المنتدي هنا وكل اللى بيتقال عنهم انهم ناشفين فاظن انهم بالنسبة ليا مش هيكونوا مريحين واعتقد انهم ممكن يأثروا على اساسات العربية عندي (خايف من كلمه ناشفين دي)
فالنوع اللى كنت ركبته جديد كان مايللي المفروض انه الماني والله اعلم والعهده على التاجر اللى اشتريت منه وركبتهم ومشيت بيهم و واحد منهم ضرب بعد 6 شهور و غيرته بواحد مايللي استيراد ( لاحظت فرق في العلامه المدقوقة على المساعد الاستيراد عن المساعد الجديد) فمن هنا ظنيت ان المساعدين مش اصلي و لما دورت على توكيل مايللي مش لقيت له توكيل في مصر فازاي البضاعه بتدخل من غير ما يكون فيه توكيل
على فكره انا برضه محتار نفس الحيرة دي لان المساعد التاني شكله بيشاور عقله الايام دي
الحمدلله ربنا وفقني و لقيت عربيه 131 كويسه جابهالي ميكانيكي العائله
العربيه موديل 76 ماتور 1600cc حسب نصايحكم :D
العربيه كانت مرفوعه 7 سنين الي فاتو بس كان فيها شويه شغل بسيط ف الكهربا و العدادات
حد جرب يركب علبه باور للدركسيون ؟؟
و التكيف بردو ايه نظامه :d ؟؟
[frame="9 10"]
عرسنا اهوة:Ta_clap[1]:
والله كويس انك لسة متابع الرابطة وسط الشغل و الطلبات الى عندك
ربنا يكون فى العون:ask:
على فكرة مش شرط يكون مونرو علشان ييجى بضمان دة فية انواع صينى نزلت بالضمان
وكل الموجود او على الاقل تسعين فى المية صينى
بس بصراحة المستعمل بطيخة اكتر من الجديد
وربنا يوفق الجميع
[/frame]
شكرا حبيبى مجدى
شكرا لحبيبى وخبير ال 131م حسام
انا محتارجدا جدا و باسافر للقاهرة كتير و بامشى فى شوارع لو قغدت 100 سنة اوصف سؤها و حفرها لن استطيع
و المساعدين الاثنين محجرييييين جدا
ومحتار اشتر الصينى و لا الالمانى و لا الاسبانى
حد جرب الصينى؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟
:beatdeadhorse5::beatdeadhorse5::beatdeadhorse5:
:ma::ma:
:B4_237:
الله يبارك فيك
العربيه ب 17 الف عشان موديلها قديم شويه بس ماكانتش محتاجه شغل كتير
هي العربيه الميكانيكا بتاعتها كويسه و اول حاجه بصيت عليها الكرونه و كانت سليمه الحمدلله
و الماتور كويس و بيجري
الحاجات الي كانت فيها محتاجه تصليح
العدادات و الانوار بتاعتهم
المرايات تعبانه جدا
لمبات الفوانيس و الكلاكس
انا صلحت العدادات و الانوار كلها و ظبط المرايات علي ما اجيب حاجه نضيفه شويه
لكن غير كدا الي هصرفه هيبقى كماليات
انا بسأل بس و لو الباور سعره معقول ممكن افكر فيه
لكن التكيف مستبعد لان مصاريفه ع الاقل 2000 جنيه غير التعديلات
فيه سؤال كمان
انا سوقت كذا 131 و الدركسون كان اخف م الي عندي ف مش عارف المشكله منين ولا هو كدا اصلا ؟؟!!
انا جايب العربيه فيها جنوط 14 بتاعه التمبرا مش عارف بقي دي السبب ولا الدركسيون السبب عشان صغير ؟؟
ولا فيه مشكله في الاسكترا ؟؟
[frame="9 10"]
الف مبروك عليك
العربية كدة كويسة جدا جدا
ربنا يبارك ليك فيها و يكفيك شرها
فعلا التكييف فى حدود 2000جنية
و ممكن يكون ارخص فى الشتاء
بالنسبة للدريكسيون
لازم تكشف عليها عند عفشجى محترم مش ميكانيكى
لو بايظة غيرها بالنوع القابل للتصليح مش الكبس
و ممكن تكون اصلا من النوع القابل للاصلاح و تغير طقم فبر و خلاص
او يكون الموضوع ابسط من كد و يكون رجلاش الاسكارتة عايز يتفك شوية
الخنوط متقلش الدريكسيون لو مش عريضة
بس لو العجل عريض
انصحك انك تخلى ضغط العجل على 30 لو حالتة كويسة لانة فعلا بيتقل الدريكسيون
مقاس العجل 131 الفبريكة
165/13/75
بالتقريب حسب مانا فاكر
ممكن اى حد من السادة الاعضاء ياكد على مقاس العجل
[/frame]
هي الجنوط 14 عريضه
ابن خالي معاه 131 بردو و لقيت فرق كبير بين الجنط الاصلي و الجنط الي عندي
بس انا كان عندي الكاوتش نايم شويه و اما نفخته العربيه بقت احسن
بس بردو تقيل
انا كدا كدا هغير الدركسيون و هجيب الاصلي بالعلبه بتاعته و هبقى اكشف ع الاسكاترا بالمره
العربيه اما اتغسلت بقت حاجه تانيه خالص !!!
و انا من موقعي احب انصح كل الي معاهم عربيات يهتمو بغسيل العربيه من تحت
و ربنا يبعد عنكو شر البرومه ^^
خلي بالك ابعد عن الغسيل باستخدام مسدس ضغط المياه مع ان نتيجته بتبقي جميله وبيشيل الاوساخ الا انه ممكن لو الدوكو بتاع العربية ضعيف يطير ليك الدوكو وغير كمان ممكن يخلي المياه تدخل فى اماكن صعب الخروج منها
وبرضه مش تكتر من غسيل العربية من تحت الا لو حسيت ان العربية اتبهدلت من تحت نتيجه مطر او شوارع مطينه او كده لان ضغط المياه زي ما بتنضف الا انها بتشيل اي شحومات بتبقى حاميه جسم العربية من تحت
وخلي البوهيجي بتاعك يبص على العربية من تحت ويشوف لو محتاجه ترش العفشة من تحت وش اندركوت
( مواضيع عن الاندركوت ) http://www.nilemotors.net/Nile/searc...archid=1861618
ماهي تتغسل كل فتره معقوله كل شهرين مثلا
لكن انا لسه جايب العربيه و كانت كلها طين من تحت و انا مش ناقص بارومه
سؤااااااااااااااااااااااا ااااااااااااااال
منذ شرائى للعربية لم اشحم فيها حاجة
هل ال 131 بتتشحم
و ايه اللى بيتشحم فيييهاااا؟؟؟؟؟؟؟؟؟؟؟؟؟؟؟؟ ؟
:stink[1]::stink[1]::stink[1]::stink[1]::stink[1]::stink[1]:
اللى اعرفه ان اللي بيتشحم حاجه اسمها المشرشر و موجوده فى النص الخلفي للعربية
لسه مغير تيل الفرامل بس خايف ليكون معمول غلط
الميكانيكي بيقولي كل ما تمشي اكتر كل ما التيل هيتظبط معاك
بس طول ما انا ماشي التيل الي ع الشمال ورا قاعد بيتبري و عامل ريحه شياط جامده
مش عارف كدا عادي ولا لا ؟؟!!
و حاجه كمان
انا عندي العربيه اما بتمشي مشوار طويل شويه او اما بمشي ف طريق واقف اما اجي اطلع بيها بتترج شويه و ساعات بتطلع مره واحده
سألت الميكانيكي بيقولي اسطوانه الدبرياج معووجه !!!
و هو عنده واحده مامشيتش 5 ايام ب 120 جنيه
هو الكلام دا صح ولا ايه النظام ؟؟؟
دي تقريبا اخر حاجه هعملها ف العربيه دلوقتي لاني مش هبقى فاضي اقعد الف ع الميكانيكيه بعد كدا الا ف الحاجات البسيطه
[frame="9 100"]
مين الى قال الكلام دة
و مين الى قال فية مشرشر فى الخلف
هوة الكلام دة فى 131؟؟؟؟؟؟؟؟؟؟؟؟؟؟؟؟؟؟؟؟:dzey:
انا العربية فضلط معايا طول عمرها من غير التشحيم
بس خلى بالك
بلى العربية كلة لازم يتشحم مرة كل سنة او اكتر حسب نوع الطريق الى بتمشى فية
يعنى لو اغلب الطريق تراب ممكن مرة فى السنة و اقل مع مراجعة كوتش التراب الخاص بالبلى
ودة بينطبق على انواع و اماكن معينة فى السيارة
يعنى مثلا بلى الاكسات فى الخلف ملهاش تشحيم لان البلية بتكون مقفولة على نفسها و فيها شحم المصنع
مشرشر و بلى مجموعة التوجية ليها شحم
بس الكلام دة لازم الميكانيكى يفك و يشتغل علشان يعملة
علشان كدة الواحد بيعملة مع التغيير فقط و الصيانة لان اهم حاجة فية كوتشة التراب و طول انها سليمة ملوش لازمة اعادة التشحييم تانى
لاكن لو انقطعت بتتغير و يعاد غسيل المجموعة بالجاز و البنزين و تتشحم من جديد
[/frame]
[frame="9 10"]
عادى التيل بيبصم
بس على فكرة
الفرامل القدام ليها تيل
و العجل الخلفى اسمة قبقاب
وهوة بياخد وقت فى التبصيم حسب معدل استخدامك للفرامل
يعنى لو بتستخدم الفرامل كتير تبصم بسرعة و كفائة الفرامل تزيد
على فكرة
راجع سخونية العجلة الى بتشتكى منها
لو لقيت الكفر المعدن سخن
ارجع للميكانيكى و خلية يفك على القبقاب بسرعة لانة كدة هوة فاتح القبقاب بزيادة و بيحك فى الطنابير و دة حيعمل مشكلة و ممكن الفرامل تقفش
لو مفيش سخونة و رحية فقط فى الغالب بيكون بسبب الغسيل بالجاز و حتروح مع الاستعمال
بالنسبة لرجرجة العربية فى مطلع الاول
هوة الاصح انك تغير الطقم كامل
اسطوانة و دسك و بلية
بس طبعا دة مكلف جدا
فلو الموضوع عادى ممكن تستحملة بلاش تغير
لو الموضوع مدايقك و الميكانيكى تعرفة و امين غير وخلاص
[/frame]
[frame="9 10"]
وحشنى كتير اوى اوى يا اهل الرابطة
مبروك علينا عودة افتتاح المنتدى
و كمان بركولى
ربنا انعم عليا و كرمنى بالحج انا و المدام و بنتى الرضيعة
عقبال الجميع بعون الله
[/frame]
مبروووووووووووووووووووووو وووووووك
الحمد لله مليارت المرات عودة المنتدى الغالى فعلا على كل قلوبنا كلنا
:10D5C8w1107::10D5C8w1107::10D5C8w1107::10D5C8w110 7::10D5C8w1107::10D5C8w1107:
:Ob_mak1[1]::Ob_mak1[1]::Ob_mak1[1]:
حبيبى المهندس حسامـدليــل الشـامــل لتـوفيـــر البنزيــــن
ايه اخبارك كل لحظة و انت طيب
يمكن موضوع مشكلة المنتدى و التى تم حلها بفضل و حمد الله هو اللى عامل النوم العميييييق فى الرابطة
عموما ان قرات موضوع جميل و مفيد جدا عن استهلاك البنزين و ده كوبى من اللى قراته
السلام عليكم ,
اكيد كلنا عايزين نوفر فى البنزين بالذات مع ارتفاع اسعاره المستمر , طبعا كتير مننا عارف طرق كثيره لتوفير البنزين , بس كتير مايعرفش طرق Hypermilers واصحاب هذه الطرق هم ناس هدفهم ان يقطعوا بالعربيه اطول مسافه لكل لتر بنزين ومرجعهم الاساسى هوارقام منظمة EPA وهى ارقام تقريبية لمتوسط استهلاك كل سيارة, وكانت بداية ظهورهم على موقع Clean MPG بهدف توفير البنزين والاقلال من العوادم , ولكن فى الحقيقة اول من ظهر من Hypermiler كان فى الحرب العالميه الثانيه اثناء ازمة الوقود سنة 1970
اود ان اذكر ان كل هذه الاساليب اختياريه ومن الممكن ان تنفع مع ناس وناس لأ , فكل واحد له طريقته الخاصه
ولكن عند التطبيق الصحيح فمن الممكن ان يصل معدل التوفير الى 25 % او اكثر .انا ابتديت اعمل كده ولقيت تحسن ملحوظ اوى ساكتب عنه لاحقا ان شاء الله
ويمكنكم جميعا التسجيل فى موقع Clean MPG وسيعطيك معدل استهلاكك اول بأول ويعطيك صورة تبين استهلاكك للبنزين وهو ده شكلها
سوف اتناول 3 انواع من الاساليب
1- الاساليب الأولية
2- الاساليب المتقدمة , ودى اساليب للمحترفين فى القيادة وليس المبتدئين
3- اساليب جنونية وانا لا انصح بها ولكنى وضعتها فقط للعلم
الاساليب الأولية :
1- فى التأنى السلامة , ليس فى التأنى السلامة فقط ولكن توفير فى استهلاك البنزين ,فعندما تزيد السرعه عن 96 كم/س يزيد استهلاك النزين بمعدل كبير , فتقريبا كل زياده 10 كيلو عن هذا المعدل يزيد استهلاك البنزين بمعدل 10% ايضا .
2- لا تفرمل بشدة ولا تبدأ المشى بسرعة , فالتحرك السريع او الوقوف المفاجىء يستهلك بنزين بشراهه , فاحرص على ان تبدأ التحرك ببطىء وبسلاسه , واحرص ايضا ترك مسافه بينك وبين السيارات الاخرى لتجنب الوقوف المفاجىء, فالفرمله والتحرك العنيف يزيد من استهلاك الوقود بمعدل قد يصل ال 30% "فى الطرق سريعه" 5% "داخل المدينه"
3- لا تجعل العربيه دائرة عند الوقوف, اذا كنت ستتوقف اكثر من 7 ثوان فمن الافضل فصل العربيه , لان إدارة المحرك يأخذ من الوقود ما يعادل من الوقوف 7 ثوانى " فى العربيات الحديثه فقط ذات نظام الحقن الوقودى".
4- تجنب الرحلات القصيرة, بما أن موتور العربيه لا يعمل بكفاءة اذا كانت العربيه بارده ويستهلك بنزين اكثر فحاول التقليل من المشاوير القصيرة وممكن ان تتمشى "رياضه برده" او دمج عده مشاوير فى مشوار واحد والذهاب للمشوار الابعد فالأقرب.
5- قم بإزالة اى وزن زائد , لانه كل ما العربيه فيها وزن اكثر كل ما هاتبذل مجهود اكتر كل ما تستهلك بنزين اكثر , فحاول تشيل اى حاجة ليس لها فائدة وتكون بتوزن فى نفس الوقت
6- قلل من استخدام التكييف , فمن المعروف ان التكييف يزيد من استهلاك الوقود بنسبه من 10% الى 30% , ولكن فى حالات السفر ممكن تشغيله بدلا من فتح زجاج السيارة , لان فتح الزجاج يزيد من استهلاك البنزين فى حاله السير بسرعة .
7- لا تقف لتسخين السيارة , للسيارات الجديدة فقط لا تسخن السيارة اكثر من 30 ثانيه "يوجد بها تسخين اوتوماتيكى" ويفضل بالطبع الرجوع لمانيوال العربيه اولا.
8- حافظ على ضغط الإطارات , بالرجوع لمانيوال العربيه شوف ضغط الإطارات وضبطه ذى ما مكتوب بالضبط كل شهر بصورة دورية , ومن الممكن نفخ الإطارات نيتروجين فهو يحافظ على الضغط لمده اطول "تقريبا 6 شهور"
9- تجنب الطرق الغير ممهده , طبعا ده صعب عندنا بس حاول تمشى فى شوارع مسفلته ونظيفه.
10- حافظ على السيارة فى افضل حالة , عمل الصيانه الدورية للسيارة "تغيير فلتر الزيت , سلامة الموتور ,حساس الاكسجين ,ضبط زوايا..."
11- ضع البنزين ذو رقم الاوكتين الموصى به من الشركة الصانعه , فلا تضع بنزين أعلى من الموصى به فكثيرا من الناس لم يفرق معهم فى الإستهلاك او الفرق كان ضئيل مقارنه بفرق السعر .
12- قم بملىء البنزين من المحطات ذات السمعه الطيبه , او ممكن تجرب كذا بنزينه وتشوف احسن محطه ولا تقوم بالغش فى البنزين
13- قم بتثبيت سرعتك بقدر الإمكان Cruise Control, مع عدم زياده السرعه عن 96كيلو
اساليب متقدمة :
1- اتبع تقنيه "التزحلق مع التعشيق" ICE-ON coasting , فعندما تمشى بسرعه فوق الـ 30 والـ RPM فوق 1500 "الارقام تختلف من سيارة لأخرى" و تشيل رجلك من على البنزين والعربيه متعشقه "يعنى الفتيس مش متمور" ومش ضاغط دبرياج يعنى فيه Engine Braking , هنا العربية بتمشى من غير ولا نقطة بنزين خالص ...ايوا ولا نقطة بنزيين ... وده فى كثير من العربيات الجديدة ومنها طبعا الياريس ولكن ليس فى العربيات القديمة .
2- طريقة "التزحلق مع التموير" Nice-On Coasting وهى عبارة عن ترك السيارة تسير والفتيس فى وضع التموير وعدم الضغط على البنزين او الدبرياج فهنا استهلاك البنزين يكون قليل جدا جدا وهنا السيارة ستكون اكثر خفه وستقطع مسافه اكبر مقارنة بالاسلوب السابق
3- نظام اضغط واتزحلق Pulse & Glide وطريقته لما تكون ماشى فى طريق وهاتمشى على سرعه 80 مثلا فتروح ضاغط على البنزين الى ان تصل للسرعه المراده وطبعا الضغط يكون بهدوء "كده نظام الضغط" ثم ترك النزين خالص الى ان تصل لسرعه 60 "كده نظام تزحلق مع تعشيق" , فلو عملت كده يبقى نص الطريق انت مشيته من غير ولا نقطه بنزين يعنى هاتمشى الضعف وللعلم النظام ده هايوفر اكثر من تثبيت السرعه.
4- تثبيت الرجل على بدال البنزينDriving With Load , الطريقه دى مفيده عند صعود كوبرى فبدلا من الضغط زياده عند الصعود للحصول على نفس السرعه واستهلاك اكثر للبنزين قم بتبيت رجلك فقط على نفس المستوى ستلاحظ بالطبع ان السرعه ستقل ولكنها ستعود ثانيه بمجرد الصعود
5- إركن السيارة بحيث يكون وشها للخارجFace-Out Parking , عشان لما تطلع بالعربيه تطلع على طول "لتقوم بتسخين العربيه وانت ماشى" دون الحاجة للرجوع للخلف والضغط على الفرامل لان االسياره وهى بارده تستهلك بنزين اكثر .
6- لا تستخدم مضخم الصوت Amplifier , او اى اجهزة اضافيه غير الكاسيت لانها تستهلك كهرباء اكثر لان الجهاز بيحمل على موتور العربيه وبالتالى تستهلك بنزين اكتر
7- إركن فى مكان عال Potential Parking , لتقوم بالتحزلق عند بداية المشى بالسياره طبعا والعربيه شغاله.
8- اشتر سيارة موفرة فى البنزين , اذا كنت ستقوم بشراء سيارة قريبا فاحرص على السيارات الموفرة , فلا داعى للسيارات ذات القوة الكبيرة اذا كنت تريد سيارة عائلية ستنقلك انت واسرتك
9- استخدم جهاز مراقبة استهلاك الوقود , فسوف يفيدك لمعرفه افضل وقت سيارتك توفر فى الوقود ومن اشهر هذه الاجهزه هو ScanGauge
10- اخيرا فى كلام ان تغييرنوع الزيت لزيت تخليقى يقلل من استهلاك البنزين لانه اكثر لزوجه ويقلل من احتكاك اجزاء الموتور وايضا ماركة الزيت من شركة يفرق فى استهلاك البنزين من شركة آخرى "موبيل , شل ...." , كذلك تغيير نوع فلتر الهواء يؤثر على استهلاك البنزين
اساليبة خطيرة :
مبادىء خطيرة ومجنونة وغير آمنه تماما ولا انصح احد بتجربتها ولكنى وضعتها للعلم فقط وليكن الموضوع شامل لكل الطرق المعروفه
1- فصل العربيه وهيا ماشيه الى ان تقف وتسمى هذه الطريقة Forced Auto Stop
2- اتباع طريقه اضغط واتزحلق Pulse & Glide ولكن يتم فصل العربيه بدلا من ازاله القدم من على البنزين .. يعنى كل شوية وانت ماشى تفصل العربيه
2-زياده ضغط الكاوتش Overinflate tires بأقصى درجة يتحملها الكاوتش وهو الرقم المكتوب على الكاوتش نفسه وليس الموصى به فى مانيوال السيارة
3- ازالة الاطار الاحتياطى والعده والمرايات الجانبيه لتخفيف الوزن
4- السير خلف المقطورات لتقليل احتكاك الهواء بالسيارة
5- المشى بثبات على الخطوط البيضاء المدهونة على الاسفلت Ride the ridge عشان يقلل من احتكاك الكاوتش بالاسفلت وخصوصا فى الاجواء الممطره
ارجوا ان يستفيد كل من يقرأ هذا الموضوع
[frame="9 10"]
تقبل الله منك صالح الاعمال :ask:
موضوع ولا احسن
:S_thum1[1]::verygood::satelite::B4_388::vctry::Ta_clap[1]:
[/frame]
1- اسم العضو /احمد عبدالغفار
2- مهنة العضو / محام
3- سن العضو /33 سنة
4- مكان اقامة العضو / الجيزة
5- سنة صنع السيارة 131 (1976 ) عدد السيسي 1600
6- صورة للسيارة
7- سبب امتلاك سيارة 131 (ان وجد ) عربية محترمة وعائلية وناعمة وقطع غيارها متوفرة وقابلة لاعادة البيع بسهولة
8- هل توجد سيارت ثانية لا
9- الحالة العامة للسيارة فيات 131 معقولة
جارى رفع الصورة
السلام عليكم ورحمه الله وبركاته
ازيكم يا جماعه
بأعتذر علي قله دخولي لعدم وجود انترنت عندي فى البيت
انا دلوقت بحط خطه لعمل لاصلاح و تجديد العربية عندي
من الاولويات اللى عاوز اعملها اغير الكاوتش و اكشف على العفشة واشوفها مظبوطه ولا عاوزه حاجه و عاوز اعالج الكرونه واشوف هعمل ايه فى الماتور علشان الزيت اللى بيتاكل ده ( عمره ولا طقم شنبر ) و اركب شكمان جديد و اركب تكييف و ادخلها فرن علشان من المره اللى فاتت كانت البوية مش حلوه دي الخطوط العريضة فعاوز ارتب المسائل علشان مش تبقي كلها مره واحده وخبطه واحده
فبفكر ابدء الاول بالعفشة والكرونه قبل الفكه الاولي للماتور علشان اظمن اني صلحت الكرونه قبل الماتور وعلشان تبقي التجربه على الماتور قبل فكه
اية يا جماعة هو انا من ساعة مجبت العربية قاطعتو الرابطة ولا اية
1- اسم العضو / وليد شعبان
2- مهنة العضو / مساعد باحث - طالب ماجستير
3- سن العضو /25
4- مكان اقامة العضو / الجيزة
5- سنة صنع السيارة 131 (1978 ) عدد السيسي 1600
6- صورة للسيارة : انشاء الله
7- سبب امتلاك سيارة 131 (كانت سياره الوالد رحمه الله )
8- هل توجد سيارت اخرى (لا )
9- الحالة العامة للسيارة فيات 131 (لسه شاددها من الالف الى الياااااااء:verygood: )
الاستاذ وليد شعبان
نورت الرابطة ونورت الدنيا كلها
اهلا بيك معانا و ارجوا منك ذكر تجديد العربية بالتففصيل الممل و الاسعار حتى نستفيد جميعا من تجربتك و اخر الاسعارو هو من اهم اهداف مواضيع الرابطة
مبرووووووووك لشد العربية
:shyy::shyy::majd(4)::majd(4):
:verygood::verygood::verygood::verygood::verygood: :verygood: