[frame="9 10"]محتاج اعرف الموتور كام سى سى و كام كامة
لانة بيفرق فى السعر:0002014a:
كمان العربية موديل كااام؟؟؟؟؟؟؟؟؟؟[/frame]
عرض للطباعة
الموتور 1600 الماني بس صراحه مش عارف كام كامه والعربيه موديل 84
المهم شوف الشغل الي فيها كله هيتكلف كام
و خلي بالك اهم حاجه الماتور و الاهم الكرونه غير كدا الحاجات التانيه امرها بسيط
انا شايف 21 الف حلو اوي عليها
اسئل الميكانيكى
[frame="9 10"]لانة لو 1600 واحد كامة حيكون موتور ممتاز و استهلاكة معقول جدا جدا خاصة لو كان موتور موديل cl
لو موتور اتنين كامة حيكون اقوى و جراى جدا جدا بس بردة حيكون بنزينة على كانك راكب موتور 2400سى سى
يعنى الاول بيستهلك حوالى لتر كل 12.5 الى 11.5 كم لو حالة الموتور كويسة جدا و العربية مظبوطة و من غير جرى او حرق
التانى استهلاكة تقريبا 8.5 الى 7 كم فى اللتر بدون حرق او جرى
طبعا فرق جامد فى الاستهلاك و اسلوب القيادة هوة الاساس و مع ظبط الموتور
اسئل و قرر
ربنا يكون فى عونك
بس الموديل و الدواخل ممتازين بعون الله[/frame]
الراجل بيتقل عليا مردش عليا النهارده وانا صراحه لو دفعتله 22 الف مش هيبقى معايا اعمل اي حاجه
[frame="9 10"]خلى بالك مهما كانت العربية تظيفة لازم تصرف
اساسا اول حاجة تغيرها حيكون سير الكاتينة حتى لو سليم و بحالة ممتازة
الزيت و الفلتر
طقم الكهرباء و البجيهات
غير ترويق العربية
الكلام دة لو العربية فوق الممتازة
دة اساس التغيير
يعنى لازم يكون معاك على الاقل 1000جنية و بيزيد المبلغ تبعا لحالة العربية
كمان صلى استخارة و سيب امرك لله
[/frame]
وكمان لسه عمولة الميكانيكي هو المفروض اديله كام
بص يا معلم
الحاجات الي هتغيرها ف العربيه
سير كاتينه و سير دينامو
زيت ماتور و فتيس و كرونه
تشييك علي الانوار كلها و العدادات
تشييك ع الكاوتش ( لو حالته كويسه امشي بيه شهرين ولا تلاته و بعدين غير اكتر اتنين متبهدلين )
طقم كهربا و بوجيهات مع ظبط التاكيهات
تظبيط الكلام دا كله مع ميكانيكي كويس
الكلام دا مش هيعدي 500 جنيه و العربيه هتبقى تمام
الميكانيكي كبيره 300 جنيه
[frame="9 10"][caution]السيد العضو المحترم
ارجو من سيادتكم اتاحة الفرصة لنا بالتعرف على سيادتكم
يوجد استمارة تعارف و ضم الى عضوية الرابطة موجودة فى الصفحة رقم 1 من صفحات الرابطة
نتمنى وضع معلومات عن سيادتكم فى هذة الاستمارة و نقلها الى تعليق سيادتكم القادم حتى نتمكن من اضفت سيادتكم الى اسرة الرابطة[/caution][/frame]
اخبار جديده بخصوص مساعدين الفيات ال 131 الاصلي
قمت بالاتصال بشركه مايلي الالمانيه عن طريق موقعهم الالكتروني والذى استدليت عليه من مشاركه المهندس سعد
وراسلوني وقالوا لي ان ليهم موزع فى مصر وادوني نمرته وكلمته اسمه محمد محرم ونمرة الشركة 22055556 و من موقع 140 اونلاين لقيتهم موجودين فى شبرا تحت اسم محمود محرم و علي العسال
و كلمت الموزع وسئلتة عن المساعدين قال لى انهم بيبعوا جمله مش قطاعي و ان المساعدين موجودين فى المحلات و سئلته يكونوا موجودين عند الكيلاني قال لي اه موجودين عنده
وسئلته انا كنت اشتريت قبل كده مساعدين ومش كملوا معايا 6 شهور فكده انا شكيت اني اشتريت نوعيه مقلده ليكم قال لي الموجود اصلي وا ن الشركه بتاعتهم هي الوكيل الوحيد فى مصر
[frame="9 10"]والله مجهود ممتاذ
الف شكر ليك:bravo:
برجاء عمل تعليق او موضوع بكافة التفاصيل و ان كان التوكيل بيستورد انواع اخرى لمركات فيات
ووضع لنك الموضوع فى الرابطة للتثبيت و عموم الفائدة
بعد كتابة التفاصيل فى موضوع او على صفحات الرابطة بعون الله سيتم تثبيتة فى ملخص فعليات الرابطة القادم
ملحوظة:-
يوجد ارقام و عناوين موزعى قطع غيار فيات موجودة فى الصفحة رقم217
الف شكر مجهود سيادتكم[/frame]
يا جماعه انا لقيت شركه اسمها Magneti Marelli موقعهم
| Magneti Marelli
عندها قطع غيار كتير للفيات بس مش ليهم موزع فى مصر
فهل ماركه marelli هي الاصل لماركه meyle ولا كل ماركه مع نفسها
جدير بالذكر ان معظم القطع الاستيراد الاصليه بتكون من صنع شركه Magneti Marelli مثلا المارش
ان شاء الله بكره هروح للحاج حمدي يا رب يبقي الجو كويس ويا رب اليوم يعدي كويس
مكسل اخبط المشوار دا كله :d
ع العموم اكيد فيه حد زي الحاج حمدي قريب مني
لو مالقيتش هبقى احاول اروحله
بس الاحتمال الاكبر اني هرمي الفتيس دا ف الزباله !!
- اسم العضو / مصطفى
2- مهنة العضو / طبيب
3- سن العضو /31
4- مكان اقامة العضو / الجيزه
5- سنة صنع السيارة 131 (ان وجد ) عدد السيسي لسه بدور
6- صورة للسيارة بقول لسه بدور
7- سبب امتلاك سيارة 131 (ان وجد ) صراحه عجباني
8- هل توجد سيارت اخرى (ان وجد )كام معايا سكودا وستروين ax لكن دلوقتي لسه بدور
9- الحالة العامة للسيارة فيات 131 ( ان وجد ) يا جماعه والله لسه بدور
استفسار تاني
انا عرف اني وجعت دماغكم بس عشان اجيب عربيه كويسه
الميكانيكي بتاعي جابلي النهارده عربيه 131 1600 واحد كامه موديل 81 رخصتها خلصانه
الميكانيكي بيقول موتور وكهرباء وكارونه ودفرنس تويوتا وفتيس 10 على 10
مفيهاش تكييف بس 1600 يعني ممكن اركب تكييف فيما بعد ان شاء الله
العربيه لونها اصفر كناري انا روحت شوفت العربيه عند السروجي عاملين فرش جديد وفرش ابواب صراحه تحفه
بني في بيج كده تقريبا العدادات كلها شغاله زي ما بيقول طبعا السروجي كان شغال فانا مدورتش العربيه
طبعا سمكره ودوكو جديد 10 على 10 من بره كاوتش شكله جديد نقشته لسه غويطه مش سطحيه
بطاريه جافه كويسه بيقولا لسه جديده هي مؤشرها اخضر واعتقد كده كويسه
مطلوب 20000 وهيدفع الضريبه والتامين الاجباري في نقل الترخيص
العيب الوحيد اللي تعبني وخلاني افكر انها رشه الشنطه هم بيقولوا تعفير بس عشان كان شكلها جربانه
يعني نظافه وقاعدا يشاورولي على اماكن اللحامات الاصليه ومش عارف حاجات اسمها زنب ايه على الناحيتين شبه بعض يعني مش خبطات ولا حاجه وصراحه انا شفت العربيه على الارضيه من جوه لانهم كانوا لسه بيحطوا الفرش مفيهاش لحامات خالص ولسه بالبلك بتاع بلادها
انا طبعا قلتله لازم ادورها الاول وامشي بيها عشان اشوفها واجرب العفشه كمان انا اولا واخيرا سواق طاره ميهمنيش المنظر اهم حاجه الاداء بتاعها اتفقنا انه هيفنشها واشوفها بكره المغرب ان شاء الله
رايكم ايه يا جماعه
على فكره العربيه فيها سنتر واربعه زجاج كهرباء
زيارة للحاج حمدي
اخيرا جيت
كان يوم طويل وغريب يا جماعه
فى البداية كانت فيه شمس بعد ما طلعت على طريق صحراوي بلبيس قابلتني السيول
ولما دخلت جسر السويس قابلني التلج
وبرق ورعد والحمد لله عرفت اوصل للورشة بعد ما استعنت بالGPS ووصلت بيه لحد موقف الميكروباص بس علشان اتأكد كلمت الحاج حمدي وخدت منه الوصفة صح ومشيت وكملت ووصلت
و كنت عنده ساعه اذان العصر فيه واحد عنده اسمه احمد طلع معايا وسمع الصوت ولما رجعنا رفعنا عجله عجله وطلعت والحاج حمدي سمع الصوت ولقاه من العجله الشمال وشك فى بليه العجله و الحاج حمدي راح معايا لحد واحد ميكانيكي اسمه سعد ( جنب بيت الحاج حمدي ) علشان يفك الأكس و يغير البليه وهناك علشان كنت لسه مش صليت العصر الحاج حمدي فتح ليا الجامع مخصوص علشان اصلي ( ربنا يكرمه) و الميكانيكي فك الأكس ولقي البليه سليمه مفيش فيها خشانه ولا بوش فكان راي الحاج حمدي كده انها الكارونه و خلي الميكانيكي يقفل و علشان الجو مش كان سامح باننا نكمل الشغل لانه كان ممطر و الشوارع مليانه مياه وخصوصا عند ورشة الحاج حمدي فانه قال لي اني اجي له يوم تاني علشان يبدأ شغل من بدري فيها علشان الليل مش يجي علينا و قال اننا كده هنحتاج طقم اصلاح ليها ( أكدت عليه انه هل متوفر من خامه ونوعيه كويسة ) وقال انه هيعمل فى حدود ال 750 جنيه وانه حدد كده بعد ما شاف بليه الاكس سليمه وشاف الاكس رفيع ولا تخين ( مش فاكر الاكس بتاعي تخين ولا رفيع ) قال كويس
اظنه نفس الحل اللى اتعمل للعضو hzmmmk
http://www.nilemotors.net/Nile/67592-131-197.html
مشاركه 1967
الحاج حمدي باعت سلام لكل من مهندس / حسام , احمد رامي ومبطلش كلام عليكم يا جماعه
ان شاء الله احتمال انزل له الجمعه اللي جايه بس ده رهن بحاله الجو علشان يبقي فيه شغل بقي
معلش نسيت اقول ربنا يكون فى عون ساكني القاهرة
القاهره كانت غرقانه خالص
مشوار الرجوع خد من بالضبط 5 ساعات
بدايه العطله بدئت من عند البانوراما وامتدادا الى الكليه الحربية و طريق السندباد اللى فيه العربيات كلها عطلت و وقفت جنب بعض و الطريق وقف مكنش فيه مجال للهرب الا السير عكس الاتجاه والتخريم للوصول الى جسر السويس
ربنا يكون فى عون قاطني القاهره انا اتنرفزت جامد من شوية مياه كده البلد غرقت
انا من قاطني الزقازيق وطبعا حالها مش افضل من القاهره ولكن لما جيت مكنش فيه تجمعات مياه بالمنظر اللى شوفته فى القاهرة
من شوية مياه والبلد حالها وقف امال لو حصل اللي اشد من كده؟؟؟
ربنا يكون في عونك و الف حمد لله علي سلامتك.....
الله يسلمه و هو بجد راجل محترم جداً و امين في شغله....
هو عكس الاسم هو المفروض (رامي احمد) ....
و طمنا عليك يا باشا و بلغنا بالتطورات
هي مش خفيه بس انا للاسف مش من ملاك ال 131 بس معايا بولونيز :-)
اكيد احد الاخوه هنا ممكن يساعدك في الموضوع دا.....
هو بس انا حابب اقول لحضرتك معلومه مهمه ....
اوعي تشتري عربيه راشه دواخل ولا حتي شنطه و بلاش تمشي ورا كلام الناس رش الدواخل لابد ان يكون لسبب و بيبقي 80% حادث و 20% بارومه....
موضوع الكرونه الياباني دا بصراحه انا شخصياً مش بحبه صديقي معاه 131 و عايز يغيرلها الكروته الياباني عشان العربيه عاليه بزياده و مش بتجري (الباشمهندس حسام شافها و الصراحه هو الاقدر انه يفيدك في موضوع الكرونه)....
و اخيراً في اخوه وحوش هنا في ال 131 اكتر بكتير مني و اعتبرني صديق زائر....
يا رب اكون افدت
شكرا يا باشا على ردك بس بصراحه الواحد تعب جدا انا بفكر الغي فكرة العربيه خالص واخلي فلوسي في جيبي واقضيها تكاتك وتاكسات
العربية اللى راشه و الراجل عاوز يبيعها يبقي فيها حاجه لان مفيش حد بيرش دواخل الا لو العربية فيها حاجه و عاوز يداريها
او الراجل عاوز ينظف العربية علشان يقنيها و يحتفظ بها و لاغي فكرة البيع خالص
دي وجهه نظري
بس احتمال كبير انه يكون كان راشش زمان علشان يقنيها ويحتفظ بها بس دلوقتي عاوز يبيع ( احتمال متوقع)
فشوف سمكري تبعك انت يشوف العربية و ميكونش معرفه
او خد العربية واطلع بيها علي بنزينه من البنزينات اللى فيها فحص العربيات زي كالتكس عباس العقاد وشوف رأي الفني اللى هيفحصها
روحت جربت العربيه دلوقت كانك سايق جرار زراعي بالضبط ترزيع في المكنه فظيع
وطبعا الراجل مرداش نفحصها في بنزينه كده عرفت ان فيها حاجه وتستمر رحلة البحث عن سيارة كويسه انا يئست صراحه
الا بالحق امبارح كانت كل المشكله ان ماء المطر بيوصل للعربية ف يعطلها (المطر كان مغطي نص الكاوتشات واكتر) فهل فيه طريقة بها نحمي الاجزاء الغير مفترض تعرضها للماء ( بوجيهات و اسبراتير )
كنت فاكر ان العربية معايا عاليه فكنت ماشي ولا هاممني لحد ما حسيت بالعربية تلتت فدنتني ماشي بيها لحد ما دخلت فى المخالف و لقيت ان فيه ماء على البوجيهات معرفش المياه دي جت ازاي
فعاوز اعرف هل فيه طريقة نحمي الاجزاء دي من المياه؟
قصدى طرطشة المياه لان اللى حصل لى امبارح ان فيه مياه طلعت فوق البوجيهات و غطت بوجيه بالكامل وده اللى خلاه يتلت معايا لحد ما نزلت نشفته
انا قاعد بذاكر ف الرابطه :ma:
عايز اظبط الميكانيكا و الكهربا بتاعه العربيه خلال الاسبوع الجاي :cat34:
المهم حصرت كام حاجه محتاج اغيرهم
اسطوانه و دسك و سلك دبرياج
زيت ماتور و فتيس و كارونه
تشييك ع بلي العجل و الاكسات
تشييك ع الفرامل
فيه حاجه بقى
دلوقتي العربيه ظبط التاكيهات مره و خليته يظبطها بحيث العربيه مايبقالهاش صوت
العربيه بقت حلوه و ناعمه و كل حاجه
بس المشكله بقت تسخن بسرعه و الماتور كان بيتهز اكنه متلت
شويه كدا لقيت التكيهات فتحت لوحدها و بقى صوتها عالي و العربيه مابقيتش تسخن
بس دلوقتي اما روحت للميكانيكي قالي المشكله عندك صبابات عايزه تتغير ولازم نفتح الماتور عشان نعرف مشكلته ايه
طيب حكايه الصبابات دي هتتكلف ف حدود كام ؟؟
و لو ظبطها العربيه صوتها هينعم تاني ؟؟
دي حاجه
الحاجه التانيه بالنسبه للكهربا
انا عندي الدينامو كل شويه شحنه بيضعف و اروح للكهربائي يفكه و يغسله و يظلط الشرابين و يشتغل تمام
بعد اسبوعين كدا يرجع تاني شحنه يضعف !! (بس مش اوي :ops: )
انا خايف ع البطاريه لا تبوظ زي الي قبلها بسببه بردو
ع العموم دي مشكله الدينامو
المشكله التانيه
المارش فيه ونه كدا هبقى افكه بردو و نشوف حكايته ايه
دا الي ف دماغي دلوقتي بما اني ظبط العفشه و الصاج هخليه لاخر السنه عشان محتاج روقان شويه
دلوقتي فيه ايه تاني يحتاج تظبيط او يتكشف عليه بالمره ؟؟
هي اسطوانه الدبرياج خلصانه و مضيعه سحب العربيه غرر طبعا صوت الكركره بيروح اما ادوس ع الدبرياج
انا اصلا ماشي بيها كدا من ساعه ما جبت العربيه و كنت مستخسر اغيرها و العربيه لسه جديده :d
بس خلاص السحب ضعف جدا و مقيتش اعرف اخد اي ملف ع التاني ولا اطلع ع التاني خااااالص
السلام عليكم
انا عايز تسأل على امتى اضبط التاكيهات؟
مع العلم انى مظبتهاش من يوم ماجبت العربية
انهارده اكتشفت حاجه غبيه اوي
فردتين الكوتش الي قدام مقاسهم 14/175/70 تمام كدا
المشكله ف الي ورا واحده 165/60 و التانيه 185/70 !!!!!!!!!!
انا بقيت واقف قدام العربيه متنح و مش عارف اعمل فيهم ايه دووووووووووول !!
لو فكرت اجيب كوتشه جديده يبقى هجيب ع الي مقاسها اكبر ( بس مش هتبقى كوتشه جديده اوي يعني :d )
انا متكدر من ساعه ماعرفت اني هتدبس ف كوتشه جديده
بس السؤال بقى
الكوتش الي قدام مقاس و الي ورا هيبقى مقاس اكبر
كدا فيه مشكله ؟؟
[frame="9 10"]
مرحبا بالعضو الجديد د/مصطفى
سيادتكم العضو رقم 57 فى الرابطة
تم اضافة سيادتكم الى قائمة الاصدقاء
برجاء اضافة باقى اعضاء الرابطة الى قائمة سيادتكم
يمكن الرجوع الى صفحة رقم 82 حيث يوجد روابط جاهزة لضمهم الى قائمة سيادتكم
كما يمكن ارسال طلب على الميل الخاص بى لارسال ملخص للرابطة الى سيادتكم
hosamsamsoom@hotmail.com
كما يوجدملخص لاهم صفحات و فعليات الرابطة فى الصفحة رقم 215
برجاء اضافة شعار الرابطة مع ترتيب سيادتكم فى الرابطة الى توقعكم
يوجد رابط صورة الرابطة فى الصفحة رقم162
[caution]ملحوظة هامة جدا
رابطة الاسطورة فيات 131
جزء لا يتجزء من منتدا نايل موتورز و تسرى علية جميع قوانينة و احكامة
برجاء قرائة قوانين المنتدى و الالتزام بها حتى لا يحدث اى تعليق من السادة مراقبى المنتدى
[/caution]واخيرا
الرابطة اتشرفت جدا جدا بانضمامك الى اسرتهاhttp://www.nilemotors.net/Nile/image..._10%5B1%5D.gif
[/frame]
[frame="9 10"]اعتزر عن التاخر فى الرد على سيادتكم
و قد قرأت تعليقات السادة الاعضاء
و الحمد لله ان كل التعليقات ترتقى الى المستوى المطلوبة
واحب اضيف الية التالى و بعد تجربة سيادتكم للسيارة
1- الميكانيكى اول واحد بيدور على العمولة و ممكن يضيع منك عربية كويسة او يدبسك فى عربية معيوبة
2- لازم يكون الميكانيكى اهل ثقة
3-لا تتنازل عن حقك فى رفع و معينة العربية فى بنزينة بالرغم من تواجد الميكانيكى معاك
4-احتمال تكون البارومة فى الشنطة قليل فى عموم جسم السيارة131
5- شغل السروجى ممكن اى واحد يعملة و مش مقياس لجودة العربية
6-العربية المغيرة موتور و فتيس و كارونة دى عربية تعباااااااااااااااااانة
7- السعر غالى جدا جدا بالنسبة للموديل و للمواصفات المذكورة:36_1_31:
فى النهاية الحمد لله ان ربنا نجاك منها و ربنا معاك و تلاقى احسن منها
[/frame]
[frame="9 10"]كلام مظبوط
بس:what:
الموضوع مش علشان انكماش و تمدد الحديد
لان العربية بتتسخن سواء فى الصيف او الشتاء قبل الحركة
الموضوع ان من مواصفات الصيانة الدورية الصحيحة للعربية 131 ظبط التكيهات و تغيير طقم الكهرباء بعد متوسط 10 تلاف كم ودة فى الغالب بيعمل مرة فى الصيف و مرة فى الشتاء
و طبعا المعدل بيزيد مع الاستهلاك الاكثر مثل التكسيات
وخلى بالك ظبط التكيهات مع سير الكاتينة فى المعاد المظبوط بيفيدك فى
1- تحسين معدل استهلاك البنزين
2-تقليل درجة حرارة الموتور
3-تقليل صوت الموتور
4- تحسين سحب و تسارع العربية
وطبعا تقليل درجة الحرارة مهم جدا جدا فى الصيف[/frame]