موضوعك فية افادة للسادة اعضاء الرابطة :w6266d
وعلى الاساس دة تم اختيارة
برجاء من السادة الاعضاء وضع لنكات مواضعهم الجديدة حتى يتم تفاعل السادة اعضاء الرابطة فى المواضيع
عرض للطباعة
صور من كتالوج فيات 131 ( الكتالوج اللى بيتسلم مع العربية)
http://www.nilemotors.net/Nile/showthread.php?t=74339
الوووووووووووووووة يا اهل الرابطة و الاسطورة
موضوع المقارنة بين السوفت و 131 سخن جدا
فين الدعم ؟؟؟؟؟؟
فين عشاق الاسطورة ؟؟؟؟
دافعوا عن العربية لو انتم فعلا بتحبوها
الرابط عندكم و مستنيكم
:049::049::049::049:
ازيكم يا أعضاء الرابطة؟النهاردة رحت بنزينة شل اللي في البحر الاعظم غيرت زيت الموتور جبت شل الاحمر_وغيرت زيت الفتيس والكرونة نزلت الزيت القديم لانه كان سيئ جدا_الكلام ده كله اتكلف 150 جنيه بس فعلا حاسس بفرق في صوت الموتور وفي نعومية الفتيس_الراجل هناك لاحظ ان زيت الفتيس والكرونة بيسربوا خفيف حد يعرف ايه حل الموضوع ده؟وهل فيه فلتر لزيت الفتيس والكرونة؟
حمد الله على السلامة
الغيبة طويلة ليييييييية؟؟؟:k8:
على فكرة المفروض ان زيت الكرونة و الفتيس يتغير كل عشر تلاف كيلو
زيت الفتيس الاحسن عندنا 90 و الكرونة زيت 140
كمان مفيش فلتر فى الاتنين:K_crying[1]:
بالنسبة للتسريب راجع مع الميكانيكى الوصلات مع متابعة منسوب الزيت فى الاتنين مع كل غيار زيت موتور
انا عن نفسى بعمل كدة:rfds:
الفتيس والكرونة 72 جنيه بفرض انك هتنزل الزيت القديم كله_
موجود اهو يا بشمهندس :120105~352:
بالنسبة لزيت الفتيس والكرونة الراجل قاللي ان نوعية الزيت دي تتغير كل 35 الف بس طبعا انا ان شاء الله ناوي اتابعه كل فترة
طبعا فيه فرق شاسع بين الزيت ده والزيت اللي كنت حاطه في بنزينة التعاون كان سيء جدا ولونه اسود قاتم
بس اللي في شل اخف ولونه اصفر:verygood:
الراجل قاللي ان الاولسيه عايز يتغير
يا ريت تقوللي بقي ايه هو الاولسيه وسعره كام عشان انا اول مرة اسمع عنه؟
وبالنسبة لزيت الموتور انا حطيت شل الاحمر ثمنه 61 جنيه يا تري بيتغير كل اد ايه؟مع العلم اني مش بمشي بالعربية كتير فاحسبها بالكيلو ولا بالمدة؟
علي فكرة انا عملت موضوع عن محطة بنزين البحر الاعظم اللي غيرت فيها الزيت وفي الموضوع اسعار الخدمات اللي في البنزينة
http://www.nilemotors.net/Nile/showthread.php?t=74666
يا باشمهندس حسام يا اخوانا انا مش عارف ايه الى حصل للعربية
انا كنت مبسوط من العربية جدا وكانت سريعة وبتسحب حلو أوى
المهم العربية عطلت من فى الكهرباء يعنى ازاز الباب مشتغلش معايا المهم اتصلت بالكهربائى واخد العربية
وصلحهالى وتمام اوى المهم انا اخت العربية من هنا والسحب بتاع العربية ضعف وبطلت تجرى وبجيب المية بالعفية
ممكن اعرف ايه الى حصل وهل ممكن من سواقة غاشمة تعمل كدا فى العربية
ايه الى نعمله فى العربية عشان تعدى الـ 120 مثلا وانا طبعا عمرى ما عديت المية
واكيد لما العربية تجيب 120 وأكثر من كدا بنقول على العربية دى ماتورها كويس
وانا عامل كل حاجه فى الموتور بس مخرطش خالص كل الى عملته شمبر وغيرت الدلايل والصبابات
والراجل الميكانيكى عمل حاجه هو قلى عليها انها كويس جاب شمبر اكبر من الى راكب وقعد يكله على الحجر عشان يقفل البوش
والعربية حاليها كويسة
ولكم جزيل الشكر
يا جماعة حد يقولي ايه هو الاولسيه وتغييره يتكلف كام؟
والله انا حاتط تعاون بعد موبيل
موبيل اخف و العن
لونة مغمقش ولا حاجة بس انا حسيت ان الكرونة مشكويسة معاة (المهم النوع الى يرتاح مع الكرونة على عمرها وممكن يكون التقيل احسن زى عندى )
معلش العربية دمغها كدة:k48:
بالنسبة للاولسية
هوة قصدة على انة واحد
الكرونة ولا الفتيس ؟؟؟
ممكن تكشف علية عند الميكانيكى او الاحسن عند الحج حمدى فى حدايق القبة بتاع الكرونة والى موجود فى موضوع (انتهت مشاكل الكرونة)
بالنسبة الى زيت الشل الاحمر
انابطلت احط موبيل وبحط النوع دة احسن منة و بغيرة كل 1500الى 2000كم وبصراحة كويس جدا
علشان العربية تعدى المية الموتور محتاج يتلين على السرعات العالية
ودى حاجة تانية غير تليين الموتور بعد العمرة
مميزاتها
1- سرعة تجميع العربية
2- بتقلل من استهلاك البنزين( يعنى لو فرضنا ان الموتور العادى بيمشى سرعة 100كم /الساعة بضغطة معينة والموتور المتلين سرعات بيمشى 130كم/الساعة بنفس الضغطة اكيد دة معناة ان الموتور التانى استهلاكة اقل فى البنزين)
عيوبها
1-اكبر عيب ان لو التليين حصل غلط ممكن الموتور يفوت
2-القرص كتير على الموتور بيقصر عمرة الافتراضى
طيب نلين الموتور سرعات ازاى ؟؟؟
1-لازم الموتور يكون سخن مش بارد
2-بنقرص على النقلات من التالت حتى الخامس
3-ممكن تسقط نقلات من التالت الى التانى وتعد حتى خمسة و ترجع للتالت وتكمل الرابع و الخامس
4-مدة التليين لا تزيد عن خمس دقائق فى المشوار
5- لو فية اى صوت غريب عن صوت الموتور العالى ريح الموتور على طول
6-ممكن مدة التليين توصل الى اسبوعين بالشكل دة
7- الموضوع محتاج حرص و صبر لانة اى غلط فية النتيجة عكسية
8-نصيحة لو مش حتعرف تليين سرعات بلاش احسن
الله انى ابلغت اللهم اشهد
ياباشا الموضوع ده كبير قوى
بس ضرورى ان اعمله بس بجد انا مفهمتهاش كويس
يعنى انا خلال المشى بتاعى
اقرص على الدواسة بتاعة البنزين لحد الآخر هل هو ده معنى القرص
معنى ايه اسقط نقلات
معلش استحملنى انا بجد حنفذها
بس فهمهالى وحده وحده كأنك راكب عربية وشغال باستوب وتش
والف شكر على اهتمامك يا باش مهندس
على ما اعتقد ان الاستاذ / حسام قصدة انك تجيب اخر سرعة فى الغيار .
انا مثلا اخر سرعة عندى فى ( الاول 30 كم )
و اخر سرعة عندى فى ( الثانى 50 كم )
و اخر سرعة عندى فى ( الثالث 80 كم )
و اخر سرعة عندى فى ( الرابع 120 كم )
و اخر سرعة عندى فى ( الخامس 140كم )
و بيكون عداد Rpm عامل تقريبا 2500 لفة .
على ما اعتقد ان دة معدل كويس لعدد الفات و سحب الموتور .
و ممكن اقرص على السيارة اكتر من كدة و هتسحب معايا بدل 2500 لفة ممكن من ( 3000 الى 3500 ) لفة و بيكون الموتور صوتة عالى نوعا من .
ان شاء الله انتظرو منى تقرير عن عمل نص عمره لل131 ... حكتبلكم تقرير مفصل بالاسعار .
بس انا فى موضوع مقلقنى .... هى دلوقتى العربيه فى التلين , عادى مافيش مشكله ,
المشكله انى بسمع صوت التاكيهات عالى جدا ... صوت تكتكه عالى , و بالاخص بعد ما العربيه تسخن شويه ,
كده او كده انا حرجه للميكانيكى تانى كمان 10 ايام علاشان اغير الزيت و طقم الكهربا و ممكن كمان سلك الدبرياج .
بس الى عاوز اعرفه صوت خبط التكيهات ده مش غلط على الموتور ؟
النهاردة غيرت اولسيه الكرونة اللي كان بيسرب للاسف فيه حوالي نص كيلو من زيت الكرونة وقعوا هغيرهم ان شاء الله ده بالاضافة لغسيل العربية بالكامل ان شاء الله
حد بقي يعرف ايه احسن انواع للغسيل؟
يعني انا اسمع مثلا فوم صغير وكبير؟
مين الاحسن؟
وهل يا تري فيه ضرر من غسيل الموتور ؟
وهل لازم اسيبها تنشف في الشمس ولا هما بيجففوها في البنزينة؟
[بس انا فى موضوع مقلقنى .... هى دلوقتى العربيه فى التلين , عادى مافيش مشكله ,
المشكله انى بسمع صوت التاكيهات عالى جدا ... صوت تكتكه عالى , و بالاخص بعد ما العربيه تسخن شويه ,
فعلا عندك حق انا جربت الموضوع دة بنفسي لما عملت طقم شمبر و صوت التكهات كان بيعلى اوي لما العربية بتسخن .
و كان حل الموضوع دة فى ظبط التكهات و تغير اللينات اللى تحت التكهات ،كل وحدة حسب مقسها و، وبعد كدة صوت الموتور هداء تمام .
الف الف مبروك على العمرة .:S_thum1[1]:
ايوة مع النقلة التالتة تبتدى تحمل على الموتور لحد اقصى سرعة للنقلة
بعد كدة الرابع وتحمل
بعد كدة الخامس و تحمل
طبعا التحميل بالتدريج
وممكن كمان تكارك فى النقلات بيجمع الموتور اسرع
تكارك =تدوس بنزين و بعد كدة ترفع رجلك من الدواسة خالص و ترجع تدوس اكتر (كانك بطلع هوا من الفرامل بس مع البنزين )
لما صوت الموتور يعلى متزودش عن خمس سوانى او تعد من واحد الى خمسة وتغير النقلة
لو على الخامس تقلل الضغط على الدواسة
الكلام دة كفاية علي الموتور مرة كل مشوار وفى طريق مفتوح
لو مشحتعرف بلاش:B4_556:
الله انى بلغت اللهم اشهد
تسقيط النقلات
انتا ماشى على التالت او الرابع بترجع نقلة اقل لمدة خمس سوانى او تعد من واحد الى خمسة
طبعا صوت الموتور بيكون عالى جدا =تجميع لكل قوة الموتور
كمان بيرفع سرعتة و عدد لفات الRPMعلشان كدة بقول بالكتير تعد من واحد الى خمسة
لما ترجع النقلة تانى حتلاقى العربية سرعتها عالية مرة واحد
ملحوظة مهمة جدا
1-لو حتسقط نقلات متقرص على النقلة الى انتا حتنزل منها
يعنى لوماشى على الرابع و ناوى تسقط تالت متكونش قارص على الرابع غلط:I_angr1[1]:
2-الغرض من التسقيط رفع سرعة الموتور فى اقل وقت ممكن=تجميع اسرع للعربية
3-لو ماشى على الخامس بتسقط تالت لان الخامس مش نقلة تسارع دى نقلة ترييح موتور
4-الموضوع محتاج تحس بالعربية و بصبر و بهدوء
لو مشحتعرف بلاش:B4_556:
الله انى بلغت اللهم اشهد
الف شكر ليكم جميعا على ردودكم السريعه .
اكيد بكره ان شاء الله حيكون عندكم تقرير مفصل بالاسعار و قطع الغيار الى غيرتها .
قبل النص عمره العربيه كانت بتجرى على فكره . و مره جبت بيها 150 " للتجربه فقط " بس كانت المشكله ان العزم سئ جدا جدا جدا و بتاكل زيت بشكل غير مقبول و طبعا بتاكل بنزين .
بس كسرعه مكانش فيها مشكله على الطرق المفتوحه الى مفهاش تانى و اول كانت بتجرى , المشكله بتبدأ لما تدخل وسط البلد و اول و تانى و فى المطالع .
الله يبارك فيك , ربنا يطمنك , انا فعلا حاسس الموتور نعم بس صوت التاكيهات هو الى عالى جدا زى التكسيات http://www.nilemotors.net/Nile/images/icons/icon7.gif
اكيد ان شاء الله انا متفق مع الميكانيكى على كده هو اساسا فضل انه ميغيرش طقم الكهربا و البوجيهات و يغيرهم مع الزيت و مراجعة الموتور .
ان شاء الله فى الحسبان الى اعمل الاتى
اغسل دوره التبريد
اغير سلك الدبرياج " حاسس بسنه خشونه فيه " بالرغم من ان البدال خفيف
اغير الترموستات لواحد 90 .. بدل الحالى 92
بفكر احط ميه حضراء علاشان الصدا الى مش بينتهى .
و عاوز اشوف حل للفرامل علاشان .... غيرت طنابير خلفيه و تيل فرامل امامى و خلفى و عملت شغل فى المساتر الاماميه و غيرت المساتر الخلفيه .... المفروض الفرامل تبقى كويسه , المشكله انها بتحجر و مش بتمسك
انا شاكك فى السيرفو , ان شاء الله حبص عليه لما اروح للميكانيكى .
الف شكر يا استاذ أحمد والف شكر ليك باشمهندس حسام
لقيت على اليو تيوب فيديو لعربية سيات 131 نفس تصميم ال فيات ال 131 قولت لازم تشوفوا الفيديو ده لان العربية تحفة
http://www.youtube.com/watch?v=Z2ZQAeLFcQM
هو سؤال قد يبدو ساذج شوية بس انا عايز اتاكد هو العداد اللي جنب مؤشر الحرارة اللي علي اليمين ده بتاع ايه؟الزيت؟
والارقام معناها ايه؟
http://i132.photobucket.com/albums/q...6042009097.jpg
حقيقى معرفش الضغط بيكون كام ، علشان انا معنديش الامبير دة فى التابلوة عندة مكانة RPM .
امنا موضوع اللمبة تنور دة بيدل ممكن يكون ( انخفاض الزيت داخل الكرتير او نقصة او ضعف الطلمبة و ممكن لما يكون السلنسية و اطي فى بعض العربيات ممكن تنور او تسرى و لما يزود تطفي )
لكن اخطر حاجة ان لمبة الزيت تنور و السيارة دايرة ( لزم تبطل فى الحال و تعرف السبب ) علشان لاقــــــــــــــــــــــ ـدر اللــــــــــــــــــــــ ـــــــــــــــــه الموتور ميقفش :N_no[1]::stink[1]:
انت قلبت عداد الزيت ده rpm؟
انا عايز اغيره ب rpm _ماتعرفش اعمله فين بحيث يكون شكله كويس وجنب عداد الحرارة مكان الزيت؟
استفسار تاني ايه الاحتياطات اللي لازم تتعمل وانا باغسل العربية؟يعني اغطي حاجات معينة واغطيها بإيه؟