تمام انا هروحله الجمعه الى جايه بتاع الكاربيراتير وربنا يسهل وشكرا على الرد
عرض للطباعة
[frame="9 10"]سيدى الفاضل
فوق كل زى علم عليم
و انا نفسى يتعلم منكم و من خبراتكم و ليس اذكى نفسى على اى احد
بل الفضل لله وحدة وهو عز و جل العليم القدير
ولاكن لله الحمد تجاربى المؤلمة مع الكارونة فى مصر و السعودية اضافت لى الكثير من الخبرة
ارجو ان تتقبل ردى بصدر رحب فكلنا نسعى لخدمة بعض لوجة الله
املين من الله تقبل صالح اعمالنا فى ميزان حسناتنا
[/frame]
اهلا بكل اعضاء ومحبى الاسطورة 131 واود الاشتراك فى الرابطة
1- اسم العضو / محمد
2- مهنة العضو / مهندس اجهزة طبية
3- سن العضو /30
4- مكان اقامة العضو / مصر
5- سنة صنع السيارة 1980 عدد السيسي 1600
6- صورة للسيارة
7- سبب امتلاك سيارة 131 سيارة ممتازة
8- هل توجد سيارت اخرى مرسيدس
9- الحالة العامة للسيارة فيات 131 ممتازة الحمد الله
وانا عارضها للبيع لو فى حد من الرابطة محتاجها والحمد الله العربية بحالة ممتازة انا طالب فيها 25 الف
رجاء الافادة يا جماعة لانى المفروض ادى كلمة بكرة الصبح ان شاء الله
باختصار
131 موديل 78 1300 دواخل و قوايم فابريكة اللون ابيض
معدل الحتة اللى ورا اللى فيه الفوانيس من الاصلى اللى هو حرف tالمايل للفوانيس الكبيرة مغير الحتة كلها و الناس قالوا مايعيبهاش
الموتور كويس . الرادياتير معقول بس شكله مش هايطول
الصاج من برة راشش طبعا بس حالته كويسة
شغل العفشة فيها خفيف تيل و هوا فرامل و سيرفو
الكرونة كويسة جدا مافيش ونة و لا طقطقة (هى دى ممكن يضحك عليا فيها ؟ يعنى لو الكرونة فيها عيب ممكن يداريها ؟)
ندخل بقى ع العربية من جوة
عشة فراااااااخ و يمكن العشة حالتها احسن الحاجة الوحيدة السليمة فرش السقف بس منظره مش هاقولكم عليه . مافيش اكر البيبان و لا الطفايات و التابلوه يالهوى .
فيها شغل كهربا كتير مش عشان مش شغالة لا بس هو مخلى كل حاجة مش فى مكانها و هاتحتاج دراع جديد كامل و احتمال دريكسيون لو عايز بس ارجع الكلاكس مكانه لسة مش عارف .
الراجل وصل فيها ل 17 بالعافية . ايه رايكم ؟
الصالون اللى جوة ده هايتكلف كام كله عشان يتعمل ؟
و كده سعرها على الشغل اللى فيها كويس ؟
سألت على شغل الكهربا قالو لى كلام فاضى . هو بس الدريكسيون ممكن يعمل 150 و الدراع تقريبا 60 و المصنعية كبيرها 100
افيدونى بسرعة افادكم الله
عربيتى جابت جوان وش سلندر للاسف الشديد
مش عارف من ايه بس الميه كان بقالها مدة كل اما اكشف عليها الاقيها ناقصة وللاسف طنشت وماشوفتش ايه السبب فكانت دى النتيجة
المهم اشتريت الجوان وشويه حاجات كده كلفنى 66جنيه و150 جنيه مصنعيه
بس فى مشكله الميه بكشف عليه فى الريداتير بلاقيها ناقصه لسه مع العلم انى غيرت الغطا وكان فى كاوتشه بتجيب ميه غيرتها بس لسه برضه الميه بتنقص بس مش بنفس المعدل الاولانى
مش عارف اكشف على ايه تانى
برجاء الافادة
يا ريت حد يفيدنى بسعر و مكان بيع
مجموعة دراعات النور بالطارة و الطارة نفسها
عدادات التابلوة كاملة
أنا من المنصورة ينفع حد يوصفها لي مواصلات من المؤسسة أو من رمسيس
و لو حد يفيدنا أكتر و يعرف اذا كانوا هما فاتحين الجمعة و لا أجازة
الســــلام عليكــــــم
1- اسم العضو / احمد رشوان
2- مهنة العضو / مندوب فى شركة اتصالات
3- سن العضو /22
4- مكان اقامة العضو / مصر
5- سنة صنع السيارة 1981 عدد السيسي 1450
6- صورة للسيارة / [IMG]http://store1.up-00.com/2013-12/1388161705971.jpgمركز تحميل الصور[/IMG]
7- سبب امتلاك سيارة 131 / سيارة ممتازة وقطع غيارها رخيصه
8- هل توجد سيارت اخرى / لا
9- الحالة العامة للسيارة فيات 131 / ممتازه الحمد لله
وطبعا تخلي بالك مش اي مياه خضرا لان الغش كتير
[frame="9 10"] السلام عليكم ورحمة الله وبركاته
اسباب تلف جوان وش السلندر
1-السخونة الشديدة فى درجة حرارة الموتور
2-تزويد مياة الردياتير والموتور مغلق بعد ان كان سخن (يتم تزويد المياة الى الردياتير و الموتور يعمل فى حالة ان الموتور ساخن قبل اضافة المياة)
3-نوع الجوان ردىء
جوان وش السلندر بيتلف فى 131 عند تاكل الجوان فى المنطقة بين مسارات المياة و السلندر
او بمعنى اسهل
الجوان عبارة عن كرتونة مخرمة خروم كتير و بمقاسات مختلفة
الخروم علشان السلندر و خروم علشان مسارات المياة و اخرى علشان مسارات الزيت
الى بيحصل ان المسافة بين الخروم ممكن تتاكل فى مكان معين
فى المكان دة بيحصل خلط بي المسارين الى انفتحم على بعض
ودة بيعمل مشكلة فى نظام عمل الموتور
بيكون الحل انك لازم تغير الجوان و ممكن تركب اتنين على بعض غير ان وش السلندر بيروح الخراط بيكشف علية و بيمسحة لو محتاج
طيب لو حصل و لسة مية بتنقص بعد التغيير
بشوف شكمان العربية لو فية اثار مياة فية كدة الوش الجديد مش متركب كويس او فية غلطة فى الاصلاح او نوع الجوان مش اصلى
بس اتاكد كمان من طبات المياة فى الموتور و مسارات و مواسير المياة و الردياتير ممكن النقص يكون من اى حاجة تانية
[/frame]
الاسبيراتير باظ والعربية عطلت بيا عالصحراوى واتبهدلت اخلر بهدلة المهم الحمد لله صحابى جولى وقطرناها
المهم الاسبيراتير عايز يتغير
اجيب اسبيراتير نوعه ايه وبكام ويكون نوع كويس وعايز بالمرة اجيب سير كاتينه وطقم اولسيهات اجيب الحاجات دى منين تكون اصليه
انا ساكن فى الهرم اقرب محل لية فين؟؟؟؟؟؟؟
معرفش حد في الهرم
بس عندنا ف الجيزه في كذا محل كويسين
الاسبراتير اما غيرته جبت استيراد , بس فيه نوع اسمه ميلتون ب 90 جنيه تقريبا و الي جربوه بيقولو ممتاز
المحلات فيه محلين قدام محكمه الجيزه عند نفق الهرم النحيه التانيه , واحد اسمه السني و التاني الخواجه
و في محل نحيه ام المصريين الاخوان ناصف
و فيه في شارع المدبح محسن
دول الي بتعامل معاهم و حاجتهم كويسه
الصبح و ف البرد دا تعريق ميه من الشكمان , يعني الماتور بيحرق مظبوط
لكن لو كميه كبيره و العربيه مبرجله كدا جوان
[frame="9 10"]
اثر مية مع الشتا و الرطوبة بتاعت الصبح (تروح تصلى ركعتين شكر) لان كدة الموتور مظبوط و بيحرق ممتاز
انا بكلم فى كمية مية بتخرج و فى المقابل المية بتنقص فى الردياتير و كمان حتلاقى الموتور مبرجل جامد زى ميكون شغال تلاتة سلندر مش اربعة (رجة جامدة فى الموتور )
غير كدة شوف يكون عندك تسريب فى دورة المياة
راجع على المواسيرو الوصلات
حط العربية فى مكان ناشف و دور الموتور و تابع فى اى مية بتنزل من تحت الموتور و علمت فى الارض
(علشان كدة بنبة حطها فى مكان ناشف و جرب)
راجع غطا الردياتير فية زى الطحينة علية؟؟؟؟
غير كدة الشمبر بعون الله 100% ممتاذ و المشكلة مش من عندة[/frame]
انا سيارتي ١٩٨١ ١٤٠٠
ما رايكم في تغير الاسبراتير الي الكتروني. وما هي الانواع الجيدة
[frame="9 10"]الاسبراتير الالكترونى بيكون من غير ابلاتين و لا كوندنسر
يعنى مش محتاج تغيرهم مع طقم الكهربا زى المعتاد فى عربياتنا
و دة موجود فى كل العربيات الحديثة
بس المهم اية الى ممكن يركب على 131 ومين يركبة صح من غير ضرر للموتور و تقليل الكفائة
انا كنت حاولت زمان و فشل الموضوع دة
يمكن يكون دلوقت فية انواع تنفع تركب و الله اعلم[/frame]
[frame="9 10"] السلام عليكم ورحمة الله وبركاته
اخوتى فى الرابطة
يمكنكم التواصل معى عبر الواتس اب برقم 0966540749575
لطفا ارجو ايضاح فى رسالة الوتس ان الراسل من نايل موتورز و من جروب الاسطورة فيات 131
سيتم بعد ذلك عمل جروب على الواتس اب خاص برابطة الاسطورة
فى انتظار مشاركتكم
[/frame]
جبت اسبيراتير صينى للاسف عشان ملاقيتش غيره
استفسار هام لاهل الخبرة:انا عربيتى بتتعبنى جدا فى الدوارة وهى بارده مع انى لسه عامل جلب مارش ومافيهوش اى مشكلة بس فى حاجه غريبه جدا اما بركن العربيه على ارض مايله يعنى الجزء الامامى بيبقى مايل لتحت بدور الصبح بتدور من اول مرة فياترى ده يكون عيب ايه
[frame="9 10"]دة ممكن يكون من اكتر من سبب
1-عيب فى سلك الكهرباء المغذى للمارش (بيكون بيهرب شحن مع الرطوبة الصبح)
2-ضعف طقم الكهرباء من بجوهات و ابلاتين و كوندنسر
3-الكربرتير يحتاج الى نظافة و بالذات بك السلانسية
4-ضعف فى البطارية (بطارية قديمة)
5- ضعف فى شحن الدينامو و مش بيشحن البطارية كويس
6- يكون المارش محتاج سرفيس و نظافة او شربون جديد
7-ضعف فى بوبينة كهرباء السيارة
ممكن يكون السبب عيب او اكثر مما سبق
طب الحل
دايما فى المشاكل الى بيكون سببها متشعب بنبتدى نراجع على الحلول الارخص فى الاغلى لحد منوصل للسبب
يعنى ممكن تراجع على البطارية و شحن الدينامو الاول و دة رخيص و ممكن ببلاش لو البطارية فى الضمان
و بعد كدة نراجع وصلات الكهرباء و المارش لو كان بيدور ضعيف الصبح
لو المارش بيضرب قوى الصبح و بالرغم من كدة العربية مش بدور (معنا كدة ان البطارية و الدينامو و المارش كويس و العيب مش من عندهم)
حيكون العيب فى طقم الكهرباء او فى الكربرتير و احتمال البوبينة
والله الموفق[/frame]
[frame="9 10"]تم بحمد الله انشاء رابطة للاسطورة 131 على الواتس اب
الف شكر للعضو مجدى اول عضو للرابطة على الواتس اب[/frame]
اولا شكرا على سرعة الرد يااستاذ حسام
بس معلش ياباشا واحدة واحدة كدة بالنسبة للكهربا انا لسه مجدد نص الدفيرة الامامى كله من اول التابلوه لحد الحوض كل السلوك والفيش والكلبسات كله جديد ولسه عامل جلب للمارش وجايب اسبيراتير جديد ومغير طقم الكهربا كله هوممكن يكون الكاربيراتير فعلا عايز يتنضف
بس السؤال هنا اما بتبقى سخنه بتدور على طول وايه موضوع اما بركنها والجزء الامامى مايل لتحت بتدور على طول ده ممكن يكون ليه علاقه باية؟؟؟؟واسف على الاطاله
[frame="9 10"]لا شكر على واجب
بس غريبة موضوع انها بدور على طول و هى مايلة للامام
ممكن تراجع على الكربراتير و تشوف الاكس و الباب و كمان البكات و بالاخص بك السلانسية
يمكن يكون من عندة السبب
معلش
فى اعطال فى العربيات بيكون اكتر من سبب بيعمل نفس العطل و دة بيكون متعب جدا فى اصلاحة و محتاج صبر
كمان خلى بالك
فى عيوب غريبة بتظهر لاسباب غريبة
انا مرة عندى العربية عزبتنى اكتر من شهر و كلفتنى كتير بسبب ان العربية مع السرعة بتكتم و بعد تغيير حجات كتير طلع العيب سدد فى خراطيم دورة البنزين
صلحتة عند بتاع كوتش ببلاش بانة نفخ فى خرطوم البنزين هوا من طرف طرمبة البنزين و كان طبعا غطا التنك مفتوح
وخلاص العربية ظبطط بعدها
المعنى الموضوع محتاج صبر
جرب تنظف الكربرتير و اشرح للفنى العيب و بعون الله خير[/frame]
السلام عليكم
انا متابع الرابطة من فترة وبجد ربنا يبارك فيكوا ناس محترمة وربنا يجعله ف ميزان حسناتكم
ربنا اكرمى واشتريت فيات 131 موديل 80 ، 1600 cc
لكن من وقت ما جبتها وانا عند الكهربائى فالمكانيكى ، ثم العفشجى ثم كهربائى ثم بتاع الكربراتير
كل يوم عند واحد
المهم الحمد لله ربنا اكرمنى وظبط اللى اقدر عليه واخيرا بغير زيت لاقيت الراجل بتاع الزين بيقولى ان الماتور بيرشح ماية والزيت كله ماية
عاوز اعرف ده من ايه ؟
وازاى تصلح ؟
وعاوز اغسل الماتور ايه رايكوا
[gdwl] دة جوان ودي بسيطة روح للميكانيكي حيعملهولك بدل ما يبقي طحينة والزيت يدخل علي المية والعربية تتلخبط معاكه
واغسل الماتور عادي بس خلية يغطي الاسبراتير ووس السلندر عند البوجيهات ورش جاز قبل ما تغسل الماتور عشان ينتر المية عموما بتاع الغسيل فاهم ومتقلقش لو بعد ما غسلتة ومشيت بيها لقيت الماتور بيطلع دخان ابيض دة حيكون من الجاز الي اترش علي[/gdwl]
شكرا على ردك السريع
وفيه حاجة عاوز اعرفها
ساعات وانا ماشى بلاقى فيه دخانة طالعة من الكبوت
وبحس ان الدريكسيون تقيل رغم ان العفشجى بيقول كويس وظابط زوايا
ممكن اعرف ده من ايه
السلام عليكم
لو سامحتوا عاوز مشوراتكم
كنت عاوز اغير طقم الجنوط والالاطار
ايه افضل انواع الجنوط والاطارات
وفين الاقيهم ؟
ايه ياجماعة حكاية فرع شركه النصر الى غمرة ده هل فى قطع غيار تستاهل فعلا ولا زيه زى بره؟
غمره و وادي حوف
قطع غيار كتير جدا نواادر و اصليه ايطالي
الاسعار طبعا فيه حاجات رخيصه جدا و فيه حاجات اغلى من برا
هم شغالين صيانه للشاهين ,حاجه العفشه كلها خلصت و جايبنها من السوق
دخنه لونها ايه ؟
بتشم ريحه عادم في العربيه ؟
الدركسيون عشان يبقى خفيف , لازم تكون علبه الدركسيون سليمه و الشحم مظبوط و الزوايا مظبوطه تمام
و طبعا الكاوتش مايكونش نايم , دلوقتي في الشتا اظبطه علي 30 و في الصيف علي 28
لو الجنط عندك اكبر من 13 لازم الدركسيون يبقى تقيل شويه , و كل ماعرض الكاوتش يزيد كل مايتقل بردو
بخصوص شركه النصر وادي حوف
كنت دورت على نمر التلفونات وكلمتهم من وقت كبير قالوا لي ان قطع الغيار في فرع غمره معرفش هل اللي كلمني مش عارف ولا بيكبر دماغه
فلو حد من الاعضاء قريب منها يا ريت يتأكد لانه كده هيفيد الاعضاء اللي محتاجه القطع الاصلية والنوادر