الموضوع: مطلوب I10

المشاركة الأصلية كتبت بواسطة asaadte

اللى سمعته جديد ان I10 مفيهاش قضبان حماية جانبية فى الابواب او قضيب الحماية قبل المحرك
البيكانتو فيها قضيب حماية فى الابواب
ايه اللى تعرفه عن كدة يا غالى
واستهلاك البنزين عندك عامل ايه

لأ اللى يقولك كده ده بيقول اى كلام و خلاص العربية فيها طبعا قضبان الحماية فى الابواب و عوارض من قدام (انا كنت بشك زيك كده قبل لما اجيبها) و دى صورة توضحها:



انا كنت مصور العربية بس الصور مش هتوضح اذا كان فى عوارض لانى مش مصور ناحيتها.. لكن هى فيها و الدليل ان كومبريسور التكييف راكب قدام.

استهلاك البنزين ممتاز و بعمل احسن من المذكور بواسطة الشركة

فى الاول على الطرق السريعة كنت بعمل 388 كم فى الصفيحة (19.41 كم/لتر) و متوسط السرعة 80-90 كم/س و مكنتش لسه اتعودت على العربية و كمان كانت فى التليين.

دلوقتى بعمل حوالى 347 كم فى الصفيحة (17.36 كم/لتر) فى السواقة فى المدينة و الزحام و ساعات الدنيا بتبقى زحمة اووووووى (من مدينة نصر لابورواش)
و اسوأ استهلاك من ساعة ما سقتها كان فى التفويلة اللى فاتت 539 كم فى 31.25 لتر يعنى فرق بسيييييييييييييييييييط جداااااااا عن المرة اللى قبلها.. و سواقتى دايما هادية و من غير حرق نادرا لما بحرق يعنى 4-5 مرات فى التفويلة بحرق فيهم على الغيار بس.

و بلاش تحكم بواقع سواقتى انا علشان بعمل ارقام خرافيه محدش بيصدقها,,فى الماتريكس ال 1600 بتعمل معايا 315 كم فى الصفيحة ساعات اكتر او اقل.

بالنسبة i10 فى ناس كانوا بيقولوا انها بتعمل معاهم 10 كم/لتر يعنى 200 كم/الصفيحة و هنا بقى تعرف ان الاستهلاك بيفرق من رجل للتانية.

لكن بص فى منتدى الكيا هتلاقى عضو اسمه NaderNabil عامل مواضيع للبيكانتو و استهلاكه مقارب لى,, ف الاستهلاك بيرجع للى سايق.

و التفويلة الحالية استعملت فيها التكييف اكتر من مرة علشان اشوف الاستهلاك عامل ايه.

بالتوفيق