هيونداي فيرنا ولا رينو كليو

**Ahmed Fekry** · 11-09-2007 06:52 PM

يا جماعه انا عايز أجيب عربيه جديده ان شاء الله ومحتار بين الفيرنا 1600 فول أوبشن وبين الرينو كليو.......انا الأول كنت ناوي على الفيرنا بس لما غليت وبقت ب69 قولت أجيب حاجه فرنسي أكيد أحسن من الكوري اللي تقفيلها مصري........مع العلم اني مش بحب الجري .......في ناس كتير حذرتني من قطع غيار الكليو انها نااااار ومش بتتباع غير في التوكيل :( بس انا مستريح أكتر للكليو ......... انتو ايه رأيكم :o ؟؟؟؟

**eng / AhmeD** · 11-09-2007 06:57 PM

انا رأيي قطع غيار الرينو غالية موووووووووووووووووووت
و ده عيب
بس أكيد تقفيلها جامد احسن من الفيرنا
و صاجتها اجمد من الفيرنا
بس أضيق شوية من الفيرنا
و الباور بتاع الموتور اقل من الفيرنا 1600
انا ميال للفيرنا
علشان قطع الغيار و سرعة البيع بعد كده
(((((((((((((((((بس الكليو طبعا حلوة)))))))))))))))))))))))))))))

**Ahmed Anwer** · 11-09-2007 07:10 PM

الكليو أشيك و أكثر تميزا بس هيا تقفيل تركي برده
بس لو عايز تبقي مع عامة الشعب خليك مع الفيرنا
عموما لما جيت اشتري برده احترت بينهم برده بس استبعدتها عالطول عشان الأتوماتيك
و ساعتها سألت واحد قريبي كانت معاه بقالها تقريبا خمس سنين و كان هيبيعها شكرلي فيها جدا و قاللي لا تقارن مع الكوري و فعلآ لما كنت بركبها معاه مكنتش بسمع أي أصوات و ناعمة جدا لما سألته علي قطع الغيار قاللي إنه محتكش بيها يدوب الصيانة الدورية ، إعادة البيع قاللي عادي بتتباع
أعتقد إنها بكل الأوجه أفضل من الفيرنا كسيارة بس الفيرنا أوسع و قطع غيارها و صيانتها أرخص، بس أنتا هتفكر في قطع الغيار ليه دلوقت و انتا هتجبها زيرو إلا بقه عشان الحوادث ربنا يعفاينا منها
إعادة البيع أسأل حد بيفهم في الحكاية دي

**Chicco** · 11-09-2007 07:16 PM

بص يا سيدي الكمال لله وحده أى عربية فيها مميزات و عيوب. العبد لله معاه كليو 2007 في مصر والحمد لله ماشيه زي الفل عربية فرنسية إقتصادية وتقفيلها هايل مع إنه تركي توكيلها من أحسن التوكيلات اللى في بلدنا.عن تجربة قطع الغيارالأصلية غالية لكن بتوفر علي المدي الطويل وبتفرق أداء و أمان. توكل علي الله و صلى إستخارة وربنا يوفقك

**mohamedfadel** · 12-09-2007 12:35 AM

انا كان معي رينو كليو, الحقيقة عربية جميلة جدا رائعة
انا شايف ان مسألة قطع الغيار الغالية لانها معمرة
الحقيقة انا بعتها بسبب انها ضيقة من الداخل و خصوصا الكنبة الخلفية مع ان الشنطة بتاعتها كبيرة جدا جدا
و بعدين علي فكرة محدش يعرف يشتغل فيها غير التوكيل حتي لما تحب تغير زيت برة ح تغيره شفط و لن يتمكن احد من ان يفك الطبة الخاصة بالزيت.
الكليو بتسمع صوت الطريق يعني انا شايف ان العزل مش ذي الميجان مثلا
لو انت عاوز عربية عائلية هات الفيرنا علشان اوسع
لو انت عاوز عربية شبابية او لاسرة صغيرة جدا توكل علي الله و هات الكليو
التقفيل التركي مش وحش

**eng / AhmeD** · 12-09-2007 01:25 AM

لو انت عاوز عربية عائلية هات الفيرنا علشان اوسع
لو انت عاوز عربية شبابية او لاسرة صغيرة جدا توكل علي الله و هات الكليو
التقفيل التركي مش وحش

انا معاك
+1

**Ahmed Anwer** · 12-09-2007 01:54 AM

لو انت عاوز عربية عائلية هات الفيرنا علشان اوسع
لو انت عاوز عربية شبابية او لاسرة صغيرة جدا توكل علي الله و هات الكليو
التقفيل التركي مش وحش

عين العقل ، المتطلبات أهم حاجة في العربية
بس يعني الكليو مش صغيرة أوي

**أبو عبدالله** · 12-09-2007 02:01 AM

بصراحه الاختيارين رخمين لو ممكن تشوف حاجه تانيه غيرهم يبقى أحسن لك

وعلى فكره قطع غيار الكليو ليست معمره

انا ليا قريب أخد نقره المساعدين الاماميين اتعوجوا بالبطاحات واسعر الواحد 600 وشويه

انا قريبي ده تقريبا صرفحوالي 20 الف او اكتر على الصيانه وقطع الغيار والله ودي مش مبالغه ده من كلامه هوا نفسه والعربيه ماشيه 115 الف وكمان موديل 2003

المهم كمان انك لو شفت العربيه دلوقتي مش هتحس بالفلوس دي خالص يعني حرام والله

اولا ازاي عربيه سعرها مستعمل دلوقتي حوالي كبيرها يعني 50 الف واروح اصرف عليها وهيا عامله 115 الف كيلو بس يعني لسه كتير قوي اصرف عليها حوالي 1500 جنيه للمساعدين

يعني لما تقارن سعرها بسعر قطع غيارها يعتبر استهبال

انصحك بحاجه تانيه غير الأتنين لأن الفيرنا خاماتها بصراحه زفت ومقارنة برضهبأسعار قطع الغيار تعتبر هيا كمان استهبال اكيد مش زي الكليوا ولكن برضه مش اد كده

**eng / AhmeD** · 12-09-2007 02:59 AM

انصحك بحاجه تانيه غير الأتنين لأن الفيرنا خاماتها بصراحه زفت ومقارنة برضهبأسعار قطع الغيار تعتبر هيا كمان استهبال اكيد مش زي الكليوا ولكن برضه مش اد كده

يا سيدي علي قد فلوس الراجل
ترشحله حاجة تانية في نفس السعر؟