هو ياباشا اتكلم معايا أيه الى ممكن يعمل كدا تانى بالنسبالى مش معترض على كلامك لأنى معنديش مشاكل فى كل الى قلت عليه وطبعا مينفعش اتكلم بعدك
أحتمال أقابلك النهارده بس هرخم عليك فى حاجه ياريت تجيب معاك الجهاز نكشف على العربيه لو فيها رخامه يعنى
عرض للطباعة
هو ياباشا اتكلم معايا أيه الى ممكن يعمل كدا تانى بالنسبالى مش معترض على كلامك لأنى معنديش مشاكل فى كل الى قلت عليه وطبعا مينفعش اتكلم بعدك
أحتمال أقابلك النهارده بس هرخم عليك فى حاجه ياريت تجيب معاك الجهاز نكشف على العربيه لو فيها رخامه يعنى
حساس الحرارة إبن اللزينة ده لما يبوز يعمل اتالي:
1. تأخير الدوارة وخاصة في الصبح
2. زيادة استهلاك البنزين
3. العربية في Cold Start تبقى متلتة
4. العربية بتبقى مكتومة
تغير الحساس الملعون ده - كل مشكلك فنيتو
بص يا باشا لو عربيتك كربراتير يبقى ممكن يكون الكربراتير بتاعك عايز يتنضف وتغير فلتر الهواء حتلاقيها بقت زى الفل أما لو عربيتك إنچيكشن يبقى حاجة من الأتنين إما الرشاشات أو شحن الدنمو ممكن يأثر شوية على هزة الماتور
--------------------------------------------------------------------
ممنوع استخدام اللون الأحمر في الكتابة حيث أنه مخصص فقط للمداخلات الإدارية، تم تغيير لون الكتابة.( تنبيه أول )
يرجى مراجعة قواعد و قوانين المنتدى
مشرف القسم
--------------------------------------------------------------------
فى كتالوج عربيتى الجيتا موديل 2008 ينصح باستخدام بنزين 95 و كاتب أنه لما تستخدم بنزين اقل زى 92 تحدث رعشة للموتور knock حوالى 2-3 دقائق يبدا بعدهم ما يسمى الميكانيزم المضاد للرعشة anti-knock system فيصبح الموتور طبيعى بدون أهتزاز.
قد يكون هذا ما تسأل عنه!
أختى الكريمه عربيتى البنزين المرشح ليها هو 91 وطبعا دا مش موجود فى مصر فأنا معودها على 92 وساعات كل فتره بحطلها حبه 95 دا عشان أفوق الماتور بس ما أعتقدش أنها تكون زى عربيت حضرتك ربنا يباركلك فيها يارب ويبعد عنك العين والأغبياء الى ما بيفهموش
يا محمد أنا كنت قاعد براجع المواضيع الي شاركت فيها
حضرتك عندك مشكلة في استهلاك البنزين + الرعشة أو بمعنى أصح انك بتحس ان العربية متلتة وبعدين تظبط..
روح عند أشرف واشتري حساس حرارة وركبه وأنا بقولك أدام الناس كلها لو العملية متصلحتش أنا حدفع تمنه
بس كده
موضوع ال Knock Sensor ليه علاقة بفقر البنزين مش بكون العربية بتترعش
في فرق بين إن العربية تكركر (تسقف) وإنها تكون متلتة
تسقيف العربية ده راجع لفقر البنزين وده طبعاً على المدى الطويل حيدمر الموتور وعلى فكرة ال Knock Sensor كل الي بيعمله علشان ييحاول يتغلب على المشكلة دي إنه بيخلي كنترول العربية يرمي بنزين زيادة على البوابة وتكون النتيجة ارتفاع استهلاك البنزين وثانياً تدمير الموتور على المدى الطويل.
مفيش حاجة برضوا اسمها الكتالوج بينصح باستخدام بنزين كذا.. المصنع بيحط شروط الأداء الأمثل وهي بالنسبة لعربيتك بنزين 95 ومفروض انك لو استعملتي البنزين ده يبقى كده العربية شغالة على حسب المواصفات لكن طبعا 92 حيشغل العربية بس بأداء منخفض بالإضلافة إلى التسقيف.
طيب اللى عربيتة الصبح فقط لا غير لما اجى ادوار تعمل صوت غريب كدة ولما ارجع المفتاح وادوار تدور عادى جداا وكمان طول النهار ما تعمليش كدة تانى
يبقى المشكلة فين