الموضوع: مشكله صغيره كده بتقابلنى الصبح

المشاركة الأصلية كتبت بواسطة momomero

ياجماعه الصبح لما بدور العربيه بحس ان المتور بيهتز بطريقه غريبه شويه ومفيش لحظات مجرد ما يسخن حاجات بسيطه ألاقيه ظبط مع انى غيرت البوجيهات وفلتر البنزين هى مش مشكله عويصه قوى بس أنا الى موسوس حبيتين من ناحيه العربيه لأنى بعتز بيها هو ممكن تكون عشان بتبقى بارده وعمتا أنا حبيت أسأل عشان أطمن هل دا طبيعى

بيحصل عندي نفس المموضوع دة في الابيزا بالرغم اني عامل سيرفيس كامل و منظف البوابة كمان. و برضه الصبح ألاقيها بتترعش كدة و ال RPM علي 1.1 مش واطي يعني. علي ما تسخن ألاقي الرعشة راحت و بقت مضبوطة.

بالنسبة لحساس الحرارة أنا مش فاهم قوي علاقته ايه بالموضوع خصوصا انه شغال مضبوط عندي علي حد علمي , و كنت مغيره قبل كدة في التوكيل كمان من حوالي 25000 كم؟

المشاركة الأصلية كتبت بواسطة momomero

هو علاقته بانو يعلى العربيه الصبح لحد ما تسخن وبعد كدها يوطيها تانى لو فى مشكله فيه بتلخبط العربيه

تمام. بس العربية فعلا بتبقي عالية بشهادة ال RPM. بتبقي 1.1 أو 1.2
ولا المفروض تبقي أعلي من كدة؟

المشاركة الأصلية كتبت بواسطة momomero

النورمل 750الى 800 ولما بيعليها يبقى على 1000 يعنى معنى كده أنو عندك مخرف شويه ولو عربيتك 98 يبقى هي فوله وأتقسمت نصين مع عربيتى

فعلا العربيتين تقريبا واحد في كل حاجة.
بس أنا مستغرب أن الحساس يخرف بعد فترة قصيرة نسبيا كدة خصوصا انه أصلي و متركب في التوكيل.

طيب بعيدا عن حساس الحرارة, هل يوجد أفكار أخري عندك ممكن تكون سبب الرعشة دي؟

يعني انا بفكر في طلمبة الزيت ,أول نا بتشتغل ممكن تعمل كدة لو هي تعبانة شوية ؟

المشاركة الأصلية كتبت بواسطة momomero

لو طلمبه الزيت على طول لمبه الزيت تنور معاك ايه الى ممكن يعمل كدا تانى أن يكون فى تتليته فى العربيه بمعنى أن فى بوجيه بيقطع ويرجع يشتغل أو فى مشكله فى سلوك البوجيهات أن يكون فى واحد بيهرب كهباء أو شكوش الأسبراتير عايز يتغير أو البوابه عايزه تتظبط على الجهاز والكشف على رجلاش الواير بتاع الأكسلتير من عند رجلاش البوابه

100 100.

أعتقد لو العربية متلتة, أو أسلاك البوجيهات أو شاكوش الاسبراتير عاملين مشكلة, يبقي ممكن تحصل في أي وقت مش شرط الصبح بس.

ظبط البوابة علي الجهاز دي أنا مش عارف تأثيرها ايه بصراحة. بس أنا كانت عندي المشكلة دي قبل ما أعمل السيرفس و أنظف البوابة, و الحقيقة برضه فضلت موجودة بعد كدة.

رجلاش الواير دة تفكير منطقي أيضا, خصوصا اني عندي أول سم في الدواسة مش بيعمل حاجة , و احتمال يكون له علاقة بالمشكلة. :)


اسمحلي أقولك أن المناقشة معاك ممتعة و مفيدة .شكرا لك .