شئ غريب ما سمعتها من قبل في السيفيك 93

**adham_medo** · 01-04-2009 12:36 PM

السلام عليكم

انا اشتريت سيفيك si اوتوماتيك 93 من اسبوع ومش فاهم في العربية اوي .

عندما اشغل السيارة الماتور صوتة بيعلي جدا لمدة 3 او 4 دقائق وبعدها صوت الماتور بيقل لوحدة . فهل هذاه مشكلة في السيارة ؟ وما الحل ؟

وما هو نوع الزيت المناسب مع العلم ان العربية عدت اكثر من 130000 الف كيلو ؟

وعايز اشتري مساعدين خلفي اين تباع في القاهرة ؟ وسعرها كام ؟

هنداوي جديد

**Ahmed Hassan** · 01-04-2009 01:07 PM

الموتور بيعلى اول ما تدور العربيه علشان التسخين و ده شيء طبيعي جدا.

انا مش عارف حاله الموتور ايه علشان اقولك على الزيت المناسب. بس ممكنتسأل صاحبها كان بيحط زيت ايه. لو حاله الموتور جيده جدا ممكن تجرب بنفسك. غير فلتر و حط زيت 10000. و تابع مستوى الزيت كل 3 او 4 ايام لمده شهر مثلا. لو لقيت الزيت مش بينقص ممكت تمشي على زيت الـ 10000. لو لقيته بينقص تزوده بالمقدر الناقص لحد ميحتاج تغيير و تغير الفتر تاني و تحط زي 5000 او 3000

**adham_medo** · 01-04-2009 02:28 PM

شكرا يا باشا علي المعلومات الجميلة

انا والمالك الاصلي بنستخدم زيت موبيل 3000 وبغيرة في معادة دائما

**mshamy** · 01-04-2009 03:09 PM

ألف مبروك العربية الجديدة و ربنا يديلك خيرها و يكفيك شرها و شر الطريق واهلاو وسهلا بيك في أسرة الهوندا

**SAMEH_FOUAD** · 01-04-2009 06:55 PM

مبروك العربية ياباشا وربنا يديك خيرها ويكفيك شرها
اولا :دة امر طبيعى جدا انك تلاقى العربية بتعلى فى الصوت لانك لو لاحظت هتلاقى الاربى ام عند 1500 لفة او 1300 لفة وبعد كدة هيبدأ ينزل لحد مايوصل لعدد لفات 850 وهتلاقى مؤشر الحرارة ودة الطبيعى انة يكون قبل النص بشوية صغيرين
بالنسبة للزيت :اول حاجة اكشف عليها بنفسك حالة الماتور وممكن الميكانيكى يقولك علية بسهولة جدا لو لقيتة كويس وحالتة حلوة استخدم زيت شل بلس سعرة 160 جنية بجد تحفة العلبة لونها ازرق ,لو غالى عليك هات شل الاصفر اللى بيقعد 3000 بس بلاش تجيب موبيل
تالت حاجة ودية نصيحة من اخوك غير سير الكاتينة عشان تبقى عارف لانة مهم جدا ولازم تحسب انت مشيت قد اية والاصلى بيقعد فى العربية حوالى 70 ال ودة من التوكيل تمنة 275 جنية برة هتلاقى اليابانى بس مش اصلى بيقعد 50 الف وبحوالى 100 جنية ,وغير البوجيهات وهاتها اتنين شمعة ngk
بالتسبة للبنزين :92 ماتحطش غير دة ماتسمعش كلام حد عشان تحافظ على الانجكشن
لو عايز تجيب مساعدين ورا هتلاقيهم فى شارع دمشق بس ماعرفش سعرهم كام وعاماة هناك هتلاقى كل حاجة ولو عايز تجيب استيراد من عند الحرفيين هتلاقى مسعد
واى خدمة ياباشا لو عايز اى حاجة

**SAMEH_FOUAD** · 02-04-2009 07:54 PM

المشاركة الأصلية كتبت بواسطة adham_medo

عليكم السلام

semsem kane

بصراحة انا مش عارف اقولك اه . ربنا يكرمك وتجيب عربية هامر . بصراحة معلومات مهمة جداا

احنا هنا كلنا اخوات واللى عارف حاجة لازم يقولها للى محتاجها وكلنا بنتعلم من بعض وانا فى الخدمة ياباشا ولو عايز اى حاجة تستفسر عنها ماتتردش
وشكرا ليك ياباشا ولذوقك بس بلاش هامر خليها بى ام

**khaled_kamel** · 23-05-2009 01:57 AM

مبروك ياباشا على العربيه
زيت شل احسن حاجه وانا مجربه

**alaahonda** · 27-05-2009 04:13 AM

مبروك يا باشا السيارة الجديدة غير سير الكاتينة فى اسرع وقت علشان لو قطع منك هيعمل مشاكل كتير والسير الاصلى يشتغل معاك الى 90الف كيلو متر والبوجيهات اما الاصلى او nd دينسو هما امان الصناعة اليابانية وللمعرفة مفيش بوجيهات ngk يابانى فى مصر ومهم فلترالبنزين لضمان سحب جيد للسيارةاما عن نوع الزيت شل الاصفر سعره مناسب وفترة تغييره ايضا كل 3الاف كيلو متر ودائما راعى ان موتور السيفيك si مش بتاع تثبيت سرعة عداد عالى لانه بيجيب سبائك بسرعة عند قفل العداد لفترة طويلة ثلث ساعة متصلة تقريبا وربنا يباركلك فيها وتحت امرك فى اى معلومات (غاوى هوندا)0109997785