الموضوع: انا لسه جايبه ميرا 2002 ساعدوونى بليييييز.

المشاركة الأصلية كتبت بواسطة rrchico

العربية تحفة و قطع غيارها مش غالية قوى و فى ناس متخصصة فيها فى الحرفيين زى سيد اللفراش و زى اوشين و انا معايا اختها و مدلعها جدا و العربية ما شاء الله وهمية و الناس بتتفرج عليها عشان انا مظبطها احلى من الكوبر و لو حبيتى حاجة ليها ايا كانت قوليلى و حقولك تروحى لمين ... مبروك عليكى

هو سيد الفراش دا مضمون
أصلى رايح له يكره إن شاء الله علشان سيارة أختى الميرا صوتها عالى شوية

فى حاجة كمان يا شباب للميرا غريبة قوى .. فى منها قطع غيار اصلى او قطع غيار يابانى يعنى فى منها يابانى بس مش اصلى ... مش كفاية الصين ضربانة لاء و اليابان ضربت نفسها يا اخواناااااااااااااا... ما علينا .. انا كنت اروح اشترى يقوللى اصلى ولا يابانى .. و الفرق بتاع 200 جنية او اكثر لبلية الكاتينة مثلا

المشاركة الأصلية كتبت بواسطة Sharky

هو سيد الفراش دا مضمون
أصلى رايح له يكره إن شاء الله علشان سيارة أختى الميرا صوتها عالى شوية

ايوة يا جميل دا راجل فاهم و محترم جدا و شاطر و اسعارة كويسة انا بتعامل معاة بقالى 4 سنين و لما تروحلة قللة انا جايلك من نايل موتورز هو بيظبطلك كل حاجة

المشاركة الأصلية كتبت بواسطة rrchico

ايوة يا جميل دا راجل فاهم و محترم جدا و شاطر و اسعارة كويسة انا بتعامل معاة بقالى 4 سنين و لما تروحلة قللة انا جايلك من نايل موتورز هو بيظبطلك كل حاجة

شكرا يا باشا
بس للأسف هو مش موجود بكره لكن قالى إنه عنده صنايعية كويسة و حيظبطوه السيارة
تعرف حد منهم ؟

شكرا بجد يا جماعه انتو فيدتونى كتيير انا ماكونتش متوقعه ان المنتديات كويسه خالص بس دلوقتى عرفت انا حاسسه انى قاعد فى عشاء عمل كلله بيتكلم وبتخدوا راى بع
بس سؤال اخير وانا عارفه ان دى غلاسه بقى مننى....العربيه دى تودينى العين السخنه...و هبقى مرتاحه ولا هاتقرفنى..وهاوصل بسرعه ولا هاترجع ايام زوبه تاااااااااااااااااانى ؟

المشاركة الأصلية كتبت بواسطة Sharky

شكرا يا باشا
بس للأسف هو مش موجود بكره لكن قالى إنه عنده صنايعية كويسة و حيظبطوه السيارة
تعرف حد منهم ؟

مفيش داعى تروح غير لما يكون موجود، لإن هو اللى معاه اسعار قطع الغيار والمصنعيات، صحيح الصنايعية اللى عنده كويسين لكن ساعة الحساب هيتصلوا بيه - من موبايلك - وهو يحدد السعر، وغالبا هيتصلوا بيه برضه يشرحوا له المشكلة فين قبل ما يشتغلوا.

هو أصلا مهندس و بالتالى لما يكون موجود ويطلع يجربها معاك هيشرح لك أكتر إيه المشكلة اللى فى العربية وممكن تفاصل معاه و تتعرف عليه بحيث لما تروح تانى يعمل لك واجب.