الموضوع: هوة ال abs لية لزمة في الساقة اقل من 80 ؟

بص انا ركبت عربيات ب abs ومن غير.
ال abs انقذني كتير من حوادث كانت والله اعلم هتقع
لان الانزلاق ممكن ييجي من تراب ناعم مش لازم مطر او تلج
هقولك موقف :
مره كنت ماشي على 80 -90 كدا ومره واحده الاشاره اقفلت قدام العربيه اللي قدامي وكانت عربيه سبور "infiniti G35" يعني الراجل ضغط فرامل وقفت
انا تصورت اني لابس لابس حتى تخيلت الصدمه هيبقى شكلها ايه بس الغريب ان ال abs اشتغل وقطع فرامل وعربيتي اللي كنت فاكرها هتلبس مسكت قبل العربيه كويس جدا
مش عايز اقول لك قبل اليوم دا مكانش يفرق معايا اوي abs ولا لأ
لكن صدقني ممكن ينقذك من تصليح تلفيات كتير ف العربيه لو حصلت حاجه"وممكن ينقذ حياتك اللي لا تقدر بمال"
بس خلي بالك من اللي وراك لان لو هو مش معاه فرامل قويه يبقى الشنطه راحت يا حلو
وربنا يستر طريقنا جميعا

المشاركة الأصلية كتبت بواسطة MMamdouh

كدة كدة كنت حتقف قبل العربية... الفكرة ان كان عندك امكانية تحود و انت بتفرمل مع الِلآٍ

MMamdouh

هل ده يعنى ان زمن توقف عربيتين نفس النوع مع اختلاف التجهيزات هو نفسه في حاله وجود وحده منهم فيها ABS والتانيه مفهاش بس اللى هيفرق هو السيطره على العربية لو كسر الدركسيون عشان يفادى حاجه قدمه مثلا ؟

هل ده يعنى ان زمن توقف عربيتين نفس النوع مع اختلاف التجهيزات هو نفسه في حاله وجود وحده منهم فيها Abs والتانيه مفهاش بس اللى هيفرق هو السيطره على العربية لو كسر الدركسيون عشان يفادى حاجه قدمه مثلا ؟

مش شرط

على ارض زلقة مثلا ال Abs حيوقفك اسرع + تحكم فى العربية

على ظلط مثلا ممكن العربية الى مفيهاش Abs توقفك اسرع ( مش متأكد اوى من موضوع الظلط دة بس سمعتة فى حتة قبل كدة )

الabs مش بيقوف العربية فى وقت اقل .. بل بالعكس فى وقت اكتر
وفائدة الabs الوحيدة هى انك وانت بتفرمل تعرف تلف وتوجه العربية فى المكان الى انتا عايزة .. يعنى ملهوش دعوة بالانزلاق نهائى

انا شفت فيديو من best motoring كان فيه عربية EVO و العربية عملت حادثة بسبب الABS... السواق داس فرامل قبل الملف و التراك كان مبلول فا العججل كان حيقفش فا الABS اشتغل و القوة الفرملية للعربية قلت فا خرجت عن الline الصح و طلعت برة التراك... بس الراجل مدخلش فى الصور لنة كان عرف يحود و يسيطر على العربية و هى على النجيلة المبلولة

طيب سؤال... لما العربيه بيكون فيها ebd مع الـ abs لما قوه الفرامل بتقل في العجله اللي مفيهاش تراكشن بتتنقل لعجله تانيه فيها تراكشن... و بكده مجموع القوه الفرمليه للأربع عجلات بيفضل هوه هوه زي العربيه اللي من غير abs

ايه رأيك في الكلام ده؟