أيه احسن نوع كاوتش ممكن اشتريه؟

**sab3aawy** · 02-04-2009 11:16 AM

الماركات الكويسة كتير، المهم انك حاول تبعد عن الكاوتش الno name يعنى متشتريش حاجة مالهاش ماركة معروفة، مش عايز اقول مشتشتريش صينى لكن هاقول بكل تأكيد متشتلريش صينى بدون ماركة معروفة، يعنى متشتريش صينى مثلا مكتوب عليه ماركة وونج دونج فوه، او شنج منج لى او اى حاجة لا معنى لها، لكن لو صينى ويحمل ماركة اصلية مش مضروبة فلا مانع لأنه يخضع لمعايير الشركة الأم

بالنسبة للماركات الكويسة فبرضه على حسب ميزانيتك يعنى مثلا لو راكب عربية من فئة الباسات وللا البى ام يبقى حرام تحط فيها كاوتش اقل من الميشلان او على اقل تقدير البريدجستون ، لكن لو انت من ركاب الفئة المتوسطة فالاختيارات كتير منها الأوروبى والأمريكى زى البيريللى والجوديير والدانلوب ، وفيه ماركات اسيوية كويسة زى اليوكوهاما(لو لقيته) والهانكوك والكومهو والجى تى

اما عن تجربتى الشخصية فرأيييى ان الكوتش الجى تى راديال هو افضل قيمة لنقودك، سعر اقتصادى واداء متميز وعمر طويل-فقط تأكد ان عليه اسم جى تى راديال وانه صناعة اندونديسى لأنى شفت حاجات مضروبة صينى وحاطين اسم قريب جدا منه

**mhae20032003** · 20-06-2009 06:58 PM

شكرا احبائى للرد فعلا استفدت كتيرررررررر

**mhae20032003** · 26-06-2009 10:16 PM

شكرا للردود اللى فاتدتنى كتيررررررررر

**EDC** · 18-01-2010 02:21 AM

كلام الأخ سبعاوي صح طبعا وانا مركب بعربيتي سيراتو 2008 كومهو وهو كويس جدا حتى الأن وربنا ينجينا من شوارع المحروسه المليانه بالخيرات مثل المسامير والصواميل والازاز ويحفظنا من فواصل الكباري اللذيذه اللى عملي زي السكاكين و الواحد وهو بيعدي عليها بحس اللي كوتش بيتقطع وبيقطع قلبي معاه

**omar91119** · 20-01-2010 09:19 PM

هو الى ميشلان احسن من البردجستون ولا ايه
ارجوا التاكد

تحياتى

**osoliman88** · 20-01-2010 09:24 PM

المشاركة الأصلية كتبت بواسطة terrible_darsh

مش هترسي على حل معين ..

كل واحد جرب نوع كاوتش وكل واحد عاجبه نوع معين و مش هتلاقى اجماع على كاوتش واحد ..

عموما البريدجيستون نظيف جدا و الكل بيشكر فيه ..

1000000000

**ahmedsamir79** · 29-01-2010 12:19 PM

خليك في حاجه معروفه

**michohat** · 29-01-2010 01:10 PM

من وجهه نظرى الميشلان افضل طبعا بس للاسف مش لاقى مقاس عربيتى منه

**bibo4speed** · 06-02-2010 07:09 PM

بريدجستون سرعات بيبقى متقسم من تحت زى الاسهم كده

-

الموضوع: أيه احسن نوع كاوتش ممكن اشتريه؟

LinkBack

أدوات الموضوع

عرض

-

-

-

المواضيع المتشابهه

عايزه اشترى كاسيت صينى Matsobishi MC81 ، ممكن اشتريه منين ؟

ماهو افضل مودم راوتر وايرلس متوفر بالسوق ممكن اشتريه

احسن موبايل ممكن اشتريه لحد 1000 جنيه .....

حد عنده موتور ففيوريت او فورمان او فليشيا 94,95,69 انا ممكن اشتريه منه مش مهم الحاله

احسن نوع كاوتش اية ممكن يحسن اداء الفرامل مقاس 185/70/13

الكلمات الدلالية لهذا الموضوع

المفضلات

المفضلات

ضوابط المشاركة