الموضوع: احزرو يا جماعة من مصيدة العكسي؟

المشاركة الأصلية كتبت بواسطة badawy66

ايوة يا جماعة العنوان صح مصيدة العكسي . الموضوع دة حصل معايا امبارح كنت في الشارع الموازي للخليفة المأمون كنت بشتري حجات من مول هناك . المهم وانا راجع في الشارع الجانبي في صنية في نص الطريق واقف عندها امين شرطة شافني داخل يمين مكلمنيش وسابني مع اني دخلت الشارع دة 100 مرة قبل كدة
المهم وبعد موصلت لنص الشارع لاايت امين شرطة تاني جايلي من الناحية التانية مخصوص قاصدني وبيتكلم في الموبيل وبيؤل للي بيكلمة خلا خلاص وصل اهه طبعا صحبنا الاولاني بتاع الصنية . والي الرخص واطلعلي ادام علشان تبقى محبوكة ادام الظابط اهه خارج من الشارع عكسي اشهدو يا ناس انا طبعا فهمت الموضوع ومرضتش اخرجلة على اول الشارع وركنت على جمب في نص الشارع ورحت للامين مشي هو كان مستنيني على اول الشارع لما لااني جايلة مشي وبدا يتحرك في اتجاة الظابط الى انا اصلا مشفتوش واحتمال كمان ميكنش في ظابط المهم اعدت الاغي فية بتاع 10 دقيايق وهو يؤلي مينفعش تمشي عكسي والتلة مفيش يفط تؤل ان هنا ممنوع الدخول يمين وكمان انا معدي ادام امين الشرطة الى واقف في الصنية ومكلمنيش الى اصل دة واقف علشان يشوف الي جاي من بعيد طبعا حجة فارغة ومش مقنعة خالص المهم انا خلصت معاة بعد مخد 100 جنية والله مش مسمحة فيهم علشان دة نصب رسمي . وخدت الرخص ورجعت الشارع وخدت العربية وجبت مرشدير وانا برجع المفأجة الكبري كان صحبنا الى واقف عند الصنية كان بيدخل واحد تاني عكسي رقم 2 وهاكذا . انا بعدها مباتش عارف الشوارع الى انا ماشي فيها صح ولا غلط الشوارغ كلها دخلت في بعضها . لان ببساط تبقى ماشي في شارع جانبي وتيجي تحود تفاجا اناك ماشي عكسي منغير اي سابق انزار ولا حتى ورقة متعلقة على الحيط . المهم يا جماعة اتمنى ان محدش ياع في المصيدة دة تاني وخلي بالكم توقعوا الغدر في اي شارع جانبي . وربنا يسترها معانا جميعا . اسف على الاطالة .

الامين ده اسمه ايمن
وبيرتبوها مع بعض دايما
واللي دخلك ده بيدخل كمان اللي جاي من شارع السخاوي ويدخل الشارع اللي فيه كوين مول من الجنب يطلع على الخليفة المامون في وش او ذا رن
تلاقي واحد تاني يقولك انت داخل الشارع ده عكس
ومفيش ظابط بيقعد هناك
وهما دايما بيلعبو اللعبة القذرة دي
والامين ايمن ده بقالة هناك بتاع 5 سنين وكانت سببوتة قبل كدة ركن العربيات
وبعد ماعملو الشوار اتجاه واحد بقت السبوبة اضعاف اضعاف
بس من غير زعل
في اكتر من يافطة بتقولك ممنوع الدخول
وواضحة جدا
انت اديتهم فرصة انهم يبتزوك