اية هي عريبت احلامك؟

**asdy97** · 02-04-2009 11:34 AM

السلام عليكم
يا ريت كل واحد يحكلنا عن تجربته الشخصية مع اول عربية اشتراها

اية اول عربية اشترتها ؟

و اية العربية اللي كنت بتحلم بيها؟

و هل اول عربية اشتارتها كانت هى اللي بتحلم بيها؟

**asdy97** · 02-04-2009 11:44 AM

السلام عليكم

انا حبتدى بنفسي

كان نفسي اشتري عربية جولف موديل 92 و كنت بحوش فعلا علشان اجبها و كنت كل ماشوفها ماشية في الشارع اتمنهاه

و اقلكم حاجة تضحك انا مرة و انا مع اصحابي في الشارع و كنا وقتها في الكلية لاقيت علامة بتاعت سكودا اوكتافيا مرمية في الارض المهم اختها البيت و ولدي لما شافها قلي يا باذن الله انت حتشتري الاكتافيا طبعا وقتها انا مفكرتش اساسا ان ممكن دة ينفع و كنت بستخدم العلامة دى احط عليها كباية الشاى و انا بذاكر و لما اتخرجت و اشتغلت كان معايا واحد صحبي عنده فليشيا و العلامة بتاعتها اتسرقت فادتله العلامة بتاعت العربية لان ملهاش لازمة عندي

بعد خمس سنين من التخرج ربنا كرمني و سافرت دوله خليجية و من كرم ربنا عليا اني استطعت اشتري عربية و دى كان اول عربية اجبها المفجاه انها سكودا اوكتافيا a5 و الغريب اني و انا بشتريها لاقتها مبنية على شاسية العربية الجولف و فيها شبه كبير منها من ناحية الامكانيات و شكل التبالوة

اتمنى اني مكنش طولت عليكم
و اتمنى منكم كل واحد يحكيلي عن اول عربية اشتراها

**SaNisSro** · 10-04-2009 06:48 PM

انا اول عربية اشتريتها كانت الفابيا 2001 وبصراحة مكنش عندي حلم بعربية معينة قد ما كنت بحلم اني يبقة عندي عربية وخلاص..ومن هنا ابتدى حبي بالماركة دي واصبح حلم من احلامي اني اجيب ال سكودا فابيا Vrs ولما طلعت الفابيا الجديدة جبت وحدة وعملت بيها حادثة هههههههههه بس الحمد لله طلعت سليم ولسة برضو بحلم بس دلوقتي اني يبقة عندي الفابيا S2000 وده الحديث من Vrs

**Fadi Ezzat** · 11-04-2009 12:17 AM

انا عربية احلامى بوجاتى فيرون انا عارف انى كدة طمعت بس
انا مش طماع انا بس عايزها لفة
وهديلة اتنين جنية تمنهم

**momomania22** · 14-04-2009 03:05 AM

انا بحب العربيات من ونا صغير
وكانت عربية احلامي ومازلت الميني كوبر
ونا معايا ماتريكس ودس اول عربية اشتريها ومبسوط بيها والحمد لله
انا سألت على الميني كوبر في السعودية ونا هناك لقيت اعلى فئة ب 90 الف ريال
مش عندنا .....
!!!!!!!!111111!!!!!!!!!!!!!!!!!!

**Abdo_Eldesokey** · 14-04-2009 05:26 AM

أنا عايز واحدة زي دي بالظبط ... نفس اللون والجنط

5.7L V8, 16 valves, 368 hp @ 5200 rpm

وسعرها مش غالي أوي ... 46 ألف دولار بس

ربنا يرزق

**therealhatem** · 14-04-2009 05:38 AM

أول عربيه إشتريناها كانت أوبل فيكترا 97 وإشتريناها سنة 2000 وأنا كنت معجب بالفيكترا جدا وبتمناها ساعتها لدرجه إنى مره كنت هموت بسببها لأن كان فيه واحده ماشيه بسرعه جدا وأنا وقفت أدامها فى نص الشارع علشان بس أتفرج عليها عن قرب

أما سيارة أحلامى الأساسيه فهى Audi S5 لأنى بحب الأودى جدا جدا يمكن أكثر من رئيس شركتها نفسه:k8:

**asdy97** · 14-04-2009 06:14 PM

المشاركة الأصلية كتبت بواسطة Abdo_Eldesokey

أنا عايز واحدة زي دي بالظبط ... نفس اللون والجنط

5.7L V8, 16 valves, 368 hp @ 5200 rpm

وسعرها مش غالي أوي ... 46 ألف دولار بس

ربنا يرزق

الصراحه يا باشا انت دماغك عاليا جدا جدا جدا و العربية دى فعلا لازم تكون عربية احلام
اقلك على حاجة تضحك جدا لعربية دى كان عليها عرض رمضان اللي فات في قطر و كان الاستندر بتعها ب 70 الف ريال و ممكن تجبها استعمال لحد 20 الف ريال

انا عارف لية العربية دى مينفعش تنزل مصر
علشان مفيش شارع حيكفيها تمشي في