الموضوع: Opel Astra Sedan 2009

السلام عليكم،

بجد شكراً ليك جداً يا شاركي وشكراً إلى أحمد عبد المقصود عشان عرفتني ازاي أنزل البروشور على نايل موتورز،

اللي كنت معروضة في منصور اللي هي كوزمو وسعرها ١٥٠ ألف جنيه مصري وبجد شكلها حلو جداً. دي وجهة نظري.

شوية صور ليها...

المشاركة الأصلية كتبت بواسطة askafrawy

عربية جامدة جدا..بس هى بلد المنشأ ايه؟

المنشأ يا باشا مصنع أوبل في بولندا - يعني أوروبي برضه ماتخافش.
أنا شفت العربية على الطبيعة في معرض الطيران و تفيلها نضيف جدا بصراحة بس كان لي ملاحظتين :

1- هل الموتور قوته فعلا 115 حصان زي البروشور مابيقول على الرغم انه موتور ايكوتك 1600 سي سي زي الفيكترا يعني بالظبط وهو 105 حصان؟.

2- مسند اليد الأمامي في المعرض مكسور لأنه رفيع جدا و تحس انه اتركب بعد العربية ماقفلوها بس كانوا نسيوه تقريبا.

3- السعر 150000 جنيه كاش وأعتقد انه كتير عليها لأني ممكن أزود 5000 جنيه و أجيب الفيكترا الاليجانس ب 155000 جنيه.

تحياتي لكل أعضاء أوبل من أخوكم في المنتدى الألماني المجاور - فولكس.

محمد حمدي

رأيي الشخصي الهاتش باك احلى كتير. دي ضهرها aveo خالص

السلام عليكم،

هي وجهات نظر، طبعاً لو معاك تزود ٥ الأف،وحابب الفيكترا يكون الفيكترا أحسن بالنسبة إلى الشاري

الفيكترا اخرها السنة دي وكل الموجود تقريباً بواقي الفاض بتاع ٢٠٠٨ يعني ممكن تلاقي فئة الاليجانس وممكن لأ.
الاسترا السيدان الكوزمو زيادة عن الاليجانس، مشغل MP3 ووصلت
aux وشاشة المعلومات كامله يعني مش وقت وحراره بس، بصراحه دة اللي فاكره مش عارف في حاجة أنا مزوده و لا لأ. الاسترا فرش جلد في قماش، حجم أصغر من الفيكترا فممكن تكون التسارع أحسن والله أعلم.
بالنسبه إلى قوة الموتور، فعلاً المبيعات بتقول ١١٥ حصان زي البروشور بس أنا فعلاً مش عارف إذا دة كان صح ولا لأ؟

المسند ممكن يكون فيه حاجة باظت من كتر الناس اللي بتشوف العربيه والله أعلم، بس أنا محستشي إن فيه حاجة.
ممكن تكون الصور تبين انها زي الافيو بس في الواقع محستشي كدة خالص، دي وجهة نظري.