عرض للطباعة
ياجماعة حد يقولى على اللى باسمعه ده وفى حد حصله الموقف ده قبل كده : اولا انا باسمع صوت تزييقة بلاستيك فى الناحية اليمين من بين الزجاج الأمامى وبداية حافة التابلوه وبتبان اكتر فى الطرق الغير ممهدة ومش لاقى حل وفى التوكيل مش عارفين يوصلوا لحل بس فى الآخر هما قالوا آخر محاولة انهم يفكو التابلوه كله بس أنا بصراحة خايف انه مايرجعش زى الأول؟
اهلا بيك يا عمرو
ده حصل معايا صوت كان بيينرفز برده من التبلوه - وتخيل كان السبب ورق شجر
انا كشفت كده لما الزجاج الامامي اتكسر من الجيران ولما جيت اغيره لقيت في ورق شجر كثير محشور تحت البلاستيكه الاماميه الاي راكب فيها المسحات - لما نظفته الصورت راح وديه طبعا كانت صدفه-بس علي العموم طلما الصوت ده ما فهوش مشكله ما تخليش حد يفك التبلوه ده راي - وربنا يكرمك ويباركلك في عربيتك .
saaaaaaaaaaaaaaaaaaaaaaaaaaaaaaaaaammmmmmmmmmmmmmm mmeeeeeeeeeeeeeeeeeeeee problem
i hear the same noise and its sooooooooooooooo annoying !
i know what u r talking about , but still how can we stop that noise ?
أنا عندي صوت من الأبانوس اللي في التابلوه
بيبان مع المطبات او الطرق المكيرة خصوصا لو لسه نازل الصبح و الدنيا برد (صوت تكتكة)
فكيت الأبانوس و حطيت Uho الصوت قل شوية بس لسه موجود
و في صوت تاني برده جاي من العدادات بيبان مع الطرق المكسرة حشرت ورقة بين العداد و التابلوه و الصوت الحمد لله راح
بس انا زعلان جدا من الخامات اللي مستخدمة في التابلوه عيب اوي على شركة ميتسوبيشي انها تعمل كده ده العربية لسه ما كملتش 15 الف
انا قعدت فترة بشتكى من صوت تزييق من الناحية اليمين وماعرفتش اوصل لمصدرها بس الصوت ده راح لوحده تقريبا كان ورق شجر فعلا
انا المشكلة عندي صوت تكتكة بيطلع من ناحية الباب اليمين تقريبا جاي من مكان لوحة التحكم بالإزاز او من مساكة الباب وكانه في مسمار مفكوك او قطعة بلاستك مش في مكانها
الصوت بيبان لما أعلي الستيريو او في الطرق الغير ممهدة بس خلاص ودني خدت على الصوت ده:punk:
هو فعلا كده في مسمار مش مربوط حتلاقيه عندمساكة الباباقتباس:
المشاركة الأصلية كتبت بواسطة affosah
حتلاقي بلاستيكة مغطيه على المسمار قم بنزعها بواسطة مفك عادة صغير
ستجد مسمارا قم بربطه انتهت المشكلة ارجو ان اكون افدتك
اولا شكرا على الردود بتاعتكم وعايز اقولكم ان النهاردة روحت التوكيل فى قليوب وسمعوا الصوت وقرروا انهم يفكوا التابلوه وتخيلوا روحت اتكلم مع مدير الصيانة بخصوص ان العربية ضمان وما كملتش 26000 كم قولت ابص على العربية لقيتهم فكوا التابلوه بصراحة حسيت ان قلبى اتقطع ومستنى نشوف النتيجة وعلى فكرة ان شاء الله هاستلم العربية بكرة وشكرا مرة تانية وهابقى اقولكم ايه النتيجة وكان نفسى اشوف ردودكم قبل مااروح التوكيل واجرب انضف البلاستيكة الأمامية من ورق الشجر يمكن يكون فعلا ده السبب عموما بكرة هنعرف
إإن شاء الله تكون شوية نضافة بس ويركبوا الطابلوة زي ماكان بالظبط، إبقى طمنااقتباس:
المشاركة الأصلية كتبت بواسطة amro_26
الحمدلله استلمت العربية والصوت راح الحمد لله وسألتهم ايه اللى كان فيها فقالولى كان فيه حاجات مفكوكة فى التابلوه كانت عاملة الصوت بس هاقول حاجة بصراحة كل حاجة رجعت زى الأول بالظبط الحمد لله كنت قلقان اوى من ان التابلوه مايرجعش زى الأول.
بس النهاردة لقيت صوت تانى فى مكان تانى قريب من الباب اليمين الأمامى بس مش قادر احدده مكانه فين وبصراحة اتحرق دمى لما سمعته النهاردة عشان امبارح فعلا كانت كل حاجة تمامهابقى اشوف ايه الوضع وهابقى اكيد هاقولكم