من فضلكم,,,,اريد معرفة 1- سرعة السياره القصوى
2- اسعار قطع الغيار و هل متوفره خارج التوكيل ام لا
3-مراكز الخدمه (اوماترا) في القاهره و الاسكندريه
شكرا...........
عرض للطباعة
من فضلكم,,,,اريد معرفة 1- سرعة السياره القصوى
2- اسعار قطع الغيار و هل متوفره خارج التوكيل ام لا
3-مراكز الخدمه (اوماترا) في القاهره و الاسكندريه
شكرا...........
السلام عليكم
هو انا جبت بالعربية 160 كم / س
بس اعتقد لو شديت اكتر ممكن تجيب 170 بس اعتقد ده اخرها و مش هتزود عن كده لانها في الاخر 1242 سي سي
و هيبقى اجهاد عليها لو مشيت اكتر من 140 مدة طويلة
هو مبدئيا في مصر بيهتمو باحسن اداء من 0 الى 100 كم / س
و هي تسارعها من 0 لـ 100 رهيب ما شاء الله
انا طلعت من تويوتا كورولا 1300 من 0 لـ 100 و من 100 لـ 140 كنا نفس التسارع تقريبا
و بعد الـ 140 الكورولا بدأت تطلع مني. فا انت هتجيبها هتديك احسن عزم لعربية 1300 و عزمها احسن من اللانوس و الأفيو الـ 1500 عن تجربة
بالنسبة لاسعار قطع الغيار خش على اللينك ده
http://www.nilemotors.net/Nile/showthread.php?t=20531
ده فيه قطع غيار لحاجات كتير في البونتو
بالنسبة لمراكز الخدمة خش على اللينك ده كمان:
http://www.nilemotors.net/Nile/showthread.php?t=10373
و نسيت اقول ان الكورولا موديل 2007 اللي هو الشكل قبل الأخير على طول مش عربية قديمة يعني
بسم الله ماشاء الله واضح انها بجد تحفة
بس ازاي تطلع من الكورولا ده حاجة وتمنين حصان وده 60 حصان
والكورولا بردوا اعلي في العزم ! هل ده يرجع لوزن العربية ؟
نفس الكلام في الانوس والافيو اعلي في الهورس باور وفي العزم
ياريت يا باشا تكلمنا في النقطة ده.
علشان العربية ده بدات احبها اوي :B4_007:
مش عارف انا برضه مستغرب و اعرف ان موتور الكورولا 85 حصان تقريبا
انما دي 60 بس و غم كده انا طلعت منه لغاية الـ 100 يمكن عشان فرق الحجم لان الكورولا اكبر بكتير من البونتو
الله اعلم
بس المشهور عن مواتير الفيات عزمها الرهيب
يعني مثلا اثناء الشد كان فيه عربية هيونداي اكسنت 1300 الشكل القديم ده
اللى هي كاربراتير كان عايز يدوس معانا بس اساسا محصلناش انا و الكورولا سحبنا قدام و هو معرفش يحصلنا و انا فعلا ليا صديق معاه نفس الاكسنت دي و كان بيجري جري جامد بس البونتو تعديه بكتير يعني عشان كده مستغربتش
مع ان الاكسنت كاربراتير و المفروض ان سحبها رهيب لانها بترمي بنزين لما بتحرق انما فعلا معرفش يحصلنا عشان يعمل حاجة اصلا
انا عموما مشدتش كتير بالعربية لاني عايز احافظ عليها بس عزمها ما شاء الله بيسخني و خليني اجري :) بس بحاول امسك نفسي قد ما اقدر
و عموما انا بعشق العربية عشق
سيبك من انها سريعة من 0 لـ 100 لا هي كمان ممتعة جدا في القيادة و بجد ليها باور خفييييييييييييف جدا لاقصي درجة جيت اسوق صني بعدها حسيت و كإن الدركسيون متخشب مع ان الصني باور
باور الصني تقيل جدا بالنسبة للبونتو و كذلك اللانسر و عن تجربة لانهم مع اخواتي الاتنين
بص هو مبدئيا انت متبصش في القدرة الحصانية المكتوبة في العربيات الكوري و الصيني
عندك مثلا الالنترا المفروض انها 121 حصان بس انا طلعت منها بالصني ال 120 او 118 حصان مش فاكر
و هم الاتنين نفس الموتور و القدرة الحصانية اعلى في الالنترا بس الصني عدتها
ليه؟
في رايي الشخصي ان الشركات الكورية و الصينية بيحطو قدرة حصانية وفقا لحجم الموتور و قياسات غير دقيقة لامكانيات الموتور ده
فا ممكن تكون القدرة الفعلية للالنترا مثلا 110 حصان
عندك مثلا الفيرنا هي تطلع من البونتو الكلاسيك طبعا بس بفرق بسيط انما متطلعش من الجراند بونتو الـ 1400 الـ 77 حصان بالرغم من ان الفيرنا 1600 و 106 حصان
اعتقد انك فهمت قصدي.
بس برضه ده ميجاوبش على ازاي طلعت من الكورولا لانهم الياباني مفيهوش العيب ده و القدرة اللى بيحطوها هى الفعلية
بس اللى اقدر اقولهولك ان فيات واخدة اعلى Rank لاحسن مواتير في العالم و ان واحد شغال في البافراية بنفسه قال ان مواتير الفيات تقفيلها انضف من الـ BMW و بدليل ان محدش نهائي اشتكى من مواتير الفيات انما الـ BMW كل شهرين او 3 يجيلهم موتور فيه مشكلة.
شكرا على اهتمامكم..
طب يا باشا البونتو بتجيب ال 100 في كام ثانية ؟
لاني جربت السبارك وجبت ال 100 في 13.6 ثانية
السلام عليكم
سوري على التأخير
هو البونتو بتجيبها تقريبا في 12 ل 13 ثانية بس مش متأكد بالضبط
هجرب و اقلك في اقرب فرصة ان شاء الله :)
البونتو باور كهربائي فعلا
هو بمجرد انك تشغل العربية الباور بيبدا يخف تدريجيا بشكل سريع خلال ثانيتين مثلا مش زي اللانوس بمجرد انك تلف مفتاح الكونتاكت على On الباور يخف
و نفس الكلام لما تطفيها برضه بيخف تدريجيا
فيه زرار اسمه سيتي ده لو هو مطفي الباور بيفضل تقيل طول ما انت ماشي و على اي سرعة
لو انت مشغله الباور بيكون خفيف جدا جدا من 0 لـ 60 كم/س بعدها بيتقل و بيزيد تقله لغاية 100 كم/س تقريبا و بعدها بيفضل بنفس التقل.
لو انت طافي السيتي و انت على سرعة منخفضة و شغلته هتلاقي الموتور و انت ماشي بيخف واحدة واحدة بتدريج سريع برضه
و الباور بيفضل تقيل طول ما العربية مطفيه حتى لو مفتاح الكونتاكت على وضع التشغيل On
بس هي دي وظيفة زرار السيتي ببساطة
السلام عليكم
استاذ يوسف مصطفى
انا الحمد لله جربت التسارع من 0 لـ 100 في البونتو و كانت بتجيبهم في 12.30 ث
و دي اقصى حاجة وصلتلها
بس انا اكتشفت حاجة غريبة من 0 لـ 80 العربية بتتسارع بشكل مذهل انما من 80 لـ 100 بتاخد وقت طويل نسبيا معرفش ليه
بس انا لاحظت كده, و معرفش ده عيب فيا في حرق البنزين ولا العربية هي اللى كده
و بالنسبة لما قلت بيخف واحدة واحدة قصدي على الباور مش الموتور
انا اقصد لو العربية مطفية و شغلتها الباور بعد التشغيل بيخف واحدة واحدة بتدريج سريع خلال ثانية و نص او ثانيتين.
و الباور لما بيبقى تقيل بيبقى بالنسبة لاي عربية تانية خفيف برضه لان باور البونتو خفيف بشكل رهيب بس مش اخف من اللانوس
انما لو شغلتا لسيتي بيبقى اخف من اللانوس بكتير
مرة واحد معاه صني و جرب العربية من غير السيتي ميكون شغال قال كده تمام اوي
قلتله امال لو جربت السيتي هتقول ايه
و ممكن تفتح السيتي على طول مفيهاش اي حاجة
بس هما مديين امكانية فتح و غلق السيتي حسب الرغبة للى يحب الباور الخفيف او التقيل مش اكتر
ألف شكر بجد على الرد ..
و بالنسبة للسرعة بتاعت من 80 ل 100 ده طبيعى لأن العربية 1242 سى سى 60 حصان بس ...
و تسارعها جامد على السرعات القليلة عشان همة مديين الموتور عزم قوى جدا على السرعات القليلة يعوض فرق الأحصنة ...
و حضرتك لو عايز تشوف هل التسارع عندك طبيعى من 80 ل 100 أو ممكن يكون أقل من الطبيعى شوف الفيدوهات بتاعت التسارع للبونتو 1.2 على اليوتيوب
http://www.youtube.com/watch?v=ORqOd...eature=related
فعلا انا لاحظت في الفيديو ان التسارع بيقل جدا من 80 لـ 100 و قبل كده تحفة زي ما حصل معايا بالضبط
شكرا يا باشا :E_braces[1]:
يا جماعة انا فعلا جبت بالعربية 170 كم/س و كانت داخلة على 180 بس ملحقتش عشان زحمة العربيات برضه
حد يا تري جاب 180 قبل كده؟
مفتكرش يا باشا بس كلامك مظبوط لأني شفت اكتر من عربية عملت الموضوع ده
فعلا عربية حلوة و ربنا يبارك ليك فيها و بلاش السرعة دايما عشان انا خفت عليك بصراحة
و شكراا جدا جدا جدا علي المعلومات اللي اديتهلنا و متأخرتش
بعد إذن السادة الأعضاء
المقصود بالسرعة القصوى لأي عربية (من الكتالوج) هو السرعة التي تضمن بها الشركة المصنعة للعربية القدرة على التحكم في العربية حتى السرعة المعنية , مع إمكانية العربية لتجاوز تلك السرعة .
أمنياتي للجميع بسلامة الطريق .