العربية ليجانزا مو 99
تقريبا ما عملتش حاجة قريب في العفشة وصوت النقر ده بقاله فترة بس كنت مطنش شوية هو بسيط بس عايز أضبطه علشان خلاص ابتدى يضايقني
عرض للطباعة
العربية ليجانزا مو 99
تقريبا ما عملتش حاجة قريب في العفشة وصوت النقر ده بقاله فترة بس كنت مطنش شوية هو بسيط بس عايز أضبطه علشان خلاص ابتدى يضايقني
اكيد طبعا التخصص مفيد بس لما يكون فى مجال فعلا معقد م حتاج حرفية خاصة
يعنى مثلا زى المتخصصين فى صيانة الفتيس الاوتوماتك و الفتيس العادة و اسمع ان فيه فيه ناس متخصصة صيانة كربراتير لان المكونات دى معقدة بعض الشىء و محتاجة فعلا تخصص
انما العفشة مش بالتعقيد الكبير دة اللى تحتاج معاه عفشجى...يعنى احنا بنتكلم فى جوز مساعدين و سوست مع بطاحتين و كوبايتين... طقم بيض دركسيون و مقصات و تضيف عليهم المقصات بجلبها و الميزان بجلبة مع سكترة يبقى خلصت عفشة قدام... ورا دفرنسية و جوز مساعدين و سوست و دمتم
و معظم ان لم يكن كل المكونات دى مببتصلحش انما بتتغير... يمكن بس السكترة اللى ممكن يتعملها طقم حشو او كدة... فيما عدا ذلك انت مش محتاج غير مهارة الفك و التركيب للشغل فى العفشة... بالتالى التخصص مش مطلوب
انا مرة وقفت مع واحد بيفك فتيس عادة و جالى حول من كتر التروس و التيل و اطقم البلى اللى فكها لدرجة انى مكنتش مصدق انة حيعرف يركبة تانى زى ما كان... و الراجل رجع كل حاجة مكانها بالمللى... دى معلش حاجة لازم فيها واحد متخصص... تخيل بقى الفتيس الاوتوماتك محتاج ايه
MMamdouh
اذا احنا اتفقنا على ان الحرفية بتاعت الصنايعى امر ضرورى و حتمى بغض النظر عن كونة ميكانيكى او عفشجى او بتاع فتيسات
اللى احنا مختلفين فيه هو تخصص العفشة... انا فى رائى ان التخصص يجب ان يكون مبنى على طبيعة المكون اللى بنتخصص فيه... و كل ما كان المكون معقد اصبح التخصص مطلوب
يعنى لو بنتكلم فى فتيس اوتوماتك حتلاقى خطوط زيت هيدروليك و بلوف و كلتشات و كونات كتير جدا جدا محتاجة فعلا واحد يكون دماغة فى القصة دى فقط... تخيل لو واحد ميكانيكى فاكك فتيس اوتوماتك وسط شغل الميكانيكا العادى... اعتقد عمرة ما حيبقى عندة تركيز يشتغل صح فى الفتيس يا اما حينفض تماما لشغل الميكانيكا عشان يقفل الفتيس
نفس الموضوع ينطبق على الفتيس العادة بس بدرجة تعقيد اقل... ممكن برضة الكربراتير يخش فى الموضوع و ان كنت مش شايف اوى انة اختراع لانى فكيت كربراتير قبل كدة و لو بنتكلم فى طقم اصلاح يبقى العملية سهلة
العفشة يمكن تحتاج مجهود فى الفك و التركيب... لكن مفيش فيها ضبط مقارنة بالفتيس اللى ممكن تيلة طولها نص سنتى تفرق معاك فى شغل الفتيس... و انا بالفعل حضرت كذا مرة شعل عفشة و مش شايف فيه صعوبة تدعو الى التخصص... و بالامانة لولا انى معنديش مكبس سوست كنت غيرت انا المساعدين بتوعى بنفسى بدل ما اروح لميكانيكى
عموما احنا مازلنا عند اتفاقنا ان الدقة و الامانة ضرورية سواء اللى اشتغل فى العفشة ميكانيكى او عفشجى
MMamdouh
[عموما احنا مازلنا عند اتفاقنا ان الدقة و الامانة ضرورية سواء اللى اشتغل فى العفشة ميكانيكى او عفشجى
MMamdouh[/quote]
تمام كدة متفقين الدقة والامانة بس لاسف لو لقينا واحدة مبنلاقيش التانية
وعموما انا اتعودت انى لا اثق فى اى صنايعى ولازم اقتنع باللي بيعملة واكون واقف على دماغة
انا لقيت بعض الناس اللى بيجمعوا بين الاتنين و الحمد لله شغلهم زى الفل و ناس كتير هنا جربتهم
MMamdouh
انا من خلال تصغحى للمشاركات عرفت انك بتتعامل مع ميكانيكى اسمة محمد عبدة وانا زى ما ذكرت فى المشاركة دى انى وانا بغير البطاحات اكتشفنا ان المساعد بايظ وكمان بعد ما غيرت البطاحات فى صوت تكة فى اليمين مع دوسة الفرامل
إن شاء الله لو فى نصيب ورايح قريب لمحمد عبدة ااقابلك عندة ونعمل التغيير عندة وبالمرة نجرب شغله انا هاعمل عنده بناء على اقتناعك بية
فى شغل العفشة واكيد انت مجربة بس يا ترى اسعارة اية
يعنى لو هيغير جوز مساعدين امامى بياخد كام
لا مش عارف بصراحة... انا غيرت الاربعة ب 100
MMamdouh
عموما تغير الاربعة ب100 جنية معقول بس مردتش انت رايح امتى عشان احاول ااقابلك عندة او اظبت نفسى على ظروفك