الموضوع ده يا جماعة للناس اللي بتستخدم لينكس أو الناس اللي عايزة تجربه.

أنا بستخدم اللينكس من 6 سنين. طول الفترة دي كنت بستخدم توزيعة اسها Arch Linux بس مؤخراً بقيت بستخدم Ubuntu كتير.

ال Arch Linux توزيعة للي عايز يتعلم. توزيعة بتنزل فاضية تماماً (من غير حتى أي واجهة) وانت بتثبت البرامج وتعدل في التظبيطات براحتاك. المنحنى التعليمي بتاع التوزيعة دي ميله جامد.

ال Ubuntu كلكم عرفينها.

الموضوع بيبتدي بتوزيعة سهلة بعدين تنقل على توزيعة صعبة للتعلم وبعد لما تكبر في السن وصبرك يقل تنقل على توزيعة سهلة تاني.

أنت بقى ايه التوزيعات اللي بتستخدمها؟ ايه/مين اللي خلّاك تستخدم لينكس؟ بقالك كام سنة؟

اللي عنده برضو أي اسئلة أو حتى عايز يجرب لينكس يقول ونحاول نساعد بعض.