نصيحه محدش يركب لنسات في فوانيس عربيته

**dj_bex** · 04-04-2009 05:01 AM

السلام عليييكم .. ازيكم يا شباب حبيب انصحكم في حاجه عشان انا وقعت فيها ومش عاوز حد يقع فيها ..
الموضوع اني ركبت 4 رنجات و عدستين فب النور الواطي وكلفوني 850 ج
المهم لما ركبت الحاجه و ركبت الفوانيس في العربيه .. حسيت ان النور الواطي بقى ضعيف جداا و اتجاهه مش مظبوط المهم حاولت اظبط اتجاه النور و العالي بردو اتجاه مش مظبوط اكتشفت ان الاقمره إلى هيه بتعكس النور مش سليمه يعني واحده عاليه و التانيه واطيه عشان كده النور مش مظبوط دي نقطه ..
وبعدين الفني لما بيركب العدسه عمرها ما هتطلع مظبوطه زي الفبريكه .. فياريت محدش يركبها خالص ..
وبعدين انا مش عارف اعمل يعني اروح امسك في الراجل عشان خلاص الاقمره كده بالسلامه يعني الفانوس بالسلامه مع العلم اني ملعبتش في الفانوس الفبريكه انا اشتريت فوانيس تانيه .. حسبيا الله ونعم والوكيل

**M_Nabil** · 04-04-2009 05:42 AM

اعرف كذا واحد مركب لينسات ومفيش مشكله عندهم هو اكيد العيب من الصنيعى روحله وقوله يظبطهم ياما يرجعلك فلوسك

**ahmedsrs** · 04-04-2009 05:55 PM

المشاركة الأصلية كتبت بواسطة M_Nabil

اعرف كذا واحد مركب لينسات ومفيش مشكله عندهم هو اكيد العيب من الصنيعى روحله وقوله يظبطهم ياما يرجعلك فلوسك

+1000000000000000000

**lancerevolution** · 04-04-2009 06:17 PM

المشاركة الأصلية كتبت بواسطة M_Nabil

اعرف كذا واحد مركب لينسات ومفيش مشكله عندهم هو اكيد العيب من الصنيعى روحله وقوله يظبطهم ياما يرجعلك فلوسك

طبعا ما تسبش حققك هو دا الى بيخلى الصنايعية يتنططوا علينا و ما تخافش منه أنت على حق

**AMA** · 05-04-2009 03:34 AM

يا معلمى خش شوط فيه عادى و أنت على حق أكيد زى ما الناس ماقالت
و طبعا مش هيقدر يتكلم معاك عشان أسمة و سمعتة متبوظش فى السوق

**firstknight216** · 05-04-2009 03:43 AM

اتكلم معاه عادي في البداية
لو حسيت انه ح يتنطط علي صوتك شوية بدون ما تغلط (علشان الصنيعية ما يتلموش عليك هاهاهاهاها)بحيث تخلي الزباين اللي وقفين يخدوا بالهم وبتالكيد هو كمان ح يخاف الزباين تطير وديه طبعا سمعته وح يخاف عليها وسمعة الصنيعي زي عود الكبريت هاهاهاهاهاهاها