لو معاك 130 الف تجيب انهي من دول (حاجه تحير)

**Shikaz** · 06-04-2009 06:13 PM

المشاركة الأصلية كتبت بواسطة elm3lem_youssef

شوف الصوره دى وكلمنى على السيراتو ولا السيتى
بى ام دبليو E-46 طبعا

و ده سعرها مستعمل زيهم ! ؟ :)

**Scent7104** · 07-04-2009 04:03 AM

أكيد هجيب تويوتا اوتوماتيك اول فئة بيهمدلوقت لأن سعرها نزل و وصلت 130 يبقى فلوسي متشالة و لوعايزة أبيع في اي وقت يبقى موضوع سهل و كمان قطع غيار معقولة و توكيل بيقولوا من أحسن التوكيلات في مصر ان ماكنش احسنهم فعلا.

**Sameh** · 07-04-2009 01:11 PM

المشاركة الأصلية كتبت بواسطة mohammedsamirabdeen

متشكريين اوي حضرتك كده خلييت السيراتوا مش محترمة ووممكن نخليها كده نجيب بيها كدة طلبات البيت او نعلم الناس السواقة بيها!!!!!!!!ونودي العيال بيها الحضانة

المشاركة الأصلية كتبت بواسطة ghazy12

ههههههههههههههههههههههههه هههههههههه

انت مشكلة والله.... بس انا واثق انه ميقصدش اللي انت فهمتة, هو شايف ان الالماني و الياباني احق بالـ 130 دول و ما فوق... و دي وجهات نظر مش اكتر, مش بيعيب العربية لأن السيراتو عربية اثبتت نفسها طبعاااا و بدون نقاش و دي الحقيقة... السيراتو طبعا عربية محترمة...

المشاركة الأصلية كتبت بواسطة Shikaz

:)
الراجل مش قصده
ده اذواق و كل واحد و ليه تفكيره

انا عن نفسى عجبانى إلإلنترا بس اخرها 105 الف اكتر من كده لأ !!!
يابانى اخره معايا 140 الف فوق كده اخد فئه اولى فى جيتا كسر زيرو

المشاركة الأصلية كتبت بواسطة KHALED AYMAN

مممممم
سيراتو وحشه !!!!
الراجل اكيد مش قصده ...
على فكره انا قولت رايى سيراتو علشان الراجل صاحب الموضوع قال نختار سيراتو ولا سيتى ...
فانا اخترت السيراتو ....
بس طبعا مع احترامى للسيتى و السيراتو ...
انا لو بشترى مش هجيب حاجه منهم ...
استرااااااااااااااااااااا اااااااااا ب 130 الف !!!
المانى ..
اكيد طبعا اثبت من الاتنين و صاجها اقوى و كعربيه عموما هى كفء عنهم ....
هى تقل عنهم فى الاوبشنز ...

الحمد لله إن الأخوة الأفاضل وضحوا وجهة النظر فى الوقت المناسب :)

عارف حضرتك أنا كنت فى نفس موقف الأخ اللى بيسأل ، بس محتار ما بين ميجان وفوكاس ومازدا وعايز عربية أوروبى أو يابانى ، وبعدين لما غيرت رأى و اشتريت كورى اشتريتها تحت ال 80 الف (نوبيرا) لأنى مقتنع إن معطم الكورى قريب أوى من بعضه سواء نوبيرا أو إلنترا أو سيراتو أو ماتريكس أو أوبترا ، وإن الفروق بينهم لازم تكون فى حدود 15 الف مثلا ، عشان كدة وفرت الفرق اللى مالوش لازمة ونزلت لأول حاجة مقبولة فى الكورى بالنسبة لى وكانت نوبيرا ، أما لو هدفع 130 الف يبقى هحرج من الفئة دى خالص وأدخل فى أول الفئة الأعلى منها ، يعنى أول حاجة فى فئة أعلى أفضل من أعلى حاجة فى فئة أقل لأن الأساسيات بتبقا مختلفة تماما مش مجرد شوية كماليات بيضحكوا بيها علينا وندفع عليها فلوس ، أرجو تكون الفكرة وصلت وطبعاً مش المقصود إن السيراتو عربية نجيب بيها طلبات ولا حاجة :) :)

**sswalid** · 25-04-2009 02:31 AM

المشاركة الأصلية كتبت بواسطة Sameh

الحمد لله إن الأخوة الأفاضل وضحوا وجهة النظر فى الوقت المناسب :)

عارف حضرتك أنا كنت فى نفس موقف الأخ اللى بيسأل ، بس محتار ما بين ميجان وفوكاس ومازدا وعايز عربية أوروبى أو يابانى ، وبعدين لما غيرت رأى و اشتريت كورى اشتريتها تحت ال 80 الف (نوبيرا) لأنى مقتنع إن معطم الكورى قريب أوى من بعضه سواء نوبيرا أو إلنترا أو سيراتو أو ماتريكس أو أوبترا ، وإن الفروق بينهم لازم تكون فى حدود 15 الف مثلا ، عشان كدة وفرت الفرق اللى مالوش لازمة ونزلت لأول حاجة مقبولة فى الكورى بالنسبة لى وكانت نوبيرا ، أما لو هدفع 130 الف يبقى هحرج من الفئة دى خالص وأدخل فى أول الفئة الأعلى منها ، يعنى أول حاجة فى فئة أعلى أفضل من أعلى حاجة فى فئة أقل لأن الأساسيات بتبقا مختلفة تماما مش مجرد شوية كماليات بيضحكوا بيها علينا وندفع عليها فلوس ، أرجو تكون الفكرة وصلت وطبعاً مش المقصود إن السيراتو عربية نجيب بيها طلبات ولا حاجة :) :)

اولا الف مبروك ...اختيار موفق وجه نظر حضرتك سليمه وواقعيه ....
فعلا ال130 تدخلك علي فئات كتير اعلي من السيراتو
الي خلوها تتقارن بشركات عريقه مثل تيوتا وفولكس واوبل
وهي اخرها تتقارن مع اختها الهيونداي ........

**sswalid** · 25-04-2009 02:44 AM

المشاركة الأصلية كتبت بواسطة mohammedsamirabdeen

متشكريين اوي حضرتك كده خلييت السيراتوا مش محترمة ووممكن نخليها كده نجيب بيها كدة طلبات البيت او نعلم الناس السواقة بيها!!!!!!!!ونودي العيال بيها الحضانة

الراجل ميقصدش كده ....ومن حقه يقول رايه ...
مش لازم يوافق اراء حضرتك ...وبصراحه رايه سليم ....:10D5C8~1107:

السيراتو متستحقش السعر ده خالص ....اخرها 95 الف جند وكترو عليها

**pharonicking** · 25-04-2009 03:14 AM

الكيا هى الهيونداى مفيش فرق بينهم لان كيا مملوكة لهيونداى وكل الكورى واحد """"
شوف اليابانى حاجة والالمانى حاجة تانية خالص"
والكورى معروف"
قارن يابانى بيابانى والمانى بالمانى وكورى بكورى """
كدة توصل للقرار الصح فى الشراء"

**pro_samir** · 25-04-2009 04:00 AM

الموضوع بالنسبالى محسوم لو معايا المبلغ دة اكيد هجيب Bmw 520 مستعملة

حتى لو القديمة E34 زى اللى مع والدى بس افضل مية مرة فى رأيى من اى عربية تانية جديدة زى الانسر والكرولا والعربيات السيس دى

والله ما حد يقدر الكلام دة غير اللى ركبها .. عربية بتديلك كل حاجة بمعنى كل حاجة ، ثبات وقوة وعزم وفخامة وبرستيج وأمان وقطع غيار معمرة لأقصى درجة يكفى انى اقولك والله المساعدين الخلفى عندنا لحد الأن متغيرتش خالص مع العلم ان العربية موديل 93 والأمامى اتغيرو مرة واحدة فقط والراجل اللى اشتريناهم منة بطل شغل فيهم لأنهم مش بيتغيرو غير على 10 سنين ، سعرهم كان معدى أضعاف المساعدين فى اى عربية تانية اوك بس هيقعدو معاك سنيييييين

وبتستحمل اللى مفيش اى عربية تانية تستحملة حتى لو مشيت بيها من غير زيت مفيش مشاكل

قبلها كان معانا فولفو وكانت نفس الوضع كدة مع الفوارق طبعا لأنها كانت موديل قديم ، بجد ما شاء الله على دى عربيات يعنى

يعنى يا بى ام يا مرسيدس فى رينج السعر دة يجيب حاجات ممتازة حتى لو موديل قديم شوية هتبقى محتاج تشوف العربية عايزة اية وتظبطها شوية فى الأول وبعد كدة هتنساها

انا عارف ان الزيرو زيرو بس اللى يجرب البى ام ولا المرسيدس هيفهم انا قصدى اية لأن اللى جرب مش زى اللى سمع .. زى اللى اول مرة فى حياتة يركب صينى كدة ماهو بيبقى طاير بيها وشايف انها احسن عربية على الأرض وبيدافع عنها باستماتة.. وهوا معذور لأن دى اول عربية يركبها فمش حاسس بالفرق .. نفس الكلام دة ينطبق على كل العربيات بكل فئاتها

**Ahmed Samy** · 25-04-2009 04:40 AM

سيراتو تكسب في مقارنة الزيرو
العربية مدججة بالكماليات و تستحق الدخول في الفئة السعرية دي
موضوع الكوري و الياباني و الألماني ده بدأت ازهق منه
لا اعتراض على سمعة ثبات المانيا
و نعومة اليابان
و لكنى اعترض على استمرار نعت الكوريين بأنهم مقلدين و يقفون خلف اليابانيين
فهم الأن بدأوا يكاتفون العالم بسيارات رشيقة قوية و ذكية و الأمثلة كثيرة
يتميزون بسعر اقل و جودة مقاربة

و يستحقون ان نفك عنهم اغلال الأكسنت و الريو القديمة و الاكسيل و النوبيرا المصري

السيراتو الجديدة هي ايقونة التحرر الكوري في هذه الفئة

يدعمها في مصر قوة وكيلها و ضمانه و الدعاية الممتازة لها و التي ستجعل سعر اعادة بيعها مناسب و قد تكون وريثة البوما في الزيرو

أما السيتي فهي مثال لشركة تعتمد على تاريخها العريق و سمعتها في تلفيق سيارة بدون اي مغريات اللهم علامة الصانع الذي تخلى عن صناعتها في مصنعه الأم ....

البي ام المستعمل فكرة جميلة و لكنها مكلفة
بي ام من اكثر السيارات الألمانية حاجة لمصاريف عمل و استهلاك
وخصوصا الفئة الثالثة من موديلات 2001 و طالع
الفئة الخامسة بالسعر 130 الف هاتكون قديمة و ماشية كتير ومهما كانت بي ام ولا بي اتش هاتحتاج مصاريف ووجع قلب (الا لو غاوي).

الاستنتاج : سيراتو
وربنا يوفك

**chip** · 26-04-2009 10:44 AM

يا عام هات ياريس مستعملة ٢٠٠٧ فبريقة بالكامل عملة مثلاً ٣٠٬٠٠٠ كيلو فل اوبشن أوتوماتيك بحوالي ٨٠٬٠٠٠ أو ٨٣٬٠٠٠ ألف جنيه و أمن عليها وريح نفسك من المصاريف الزيادة ومصاريف الصيانة لحد ٣٠٠٬٠٠٠ كيلو
و أهه نعمة، موتورها حلو وفيها كل حاجة، هي بس عيبها إن العفشة بتاعتها ناشفة شويتين وخفيفة عل سرعة العالية لكن معؤلة مجملاً وموفرة فالبنزين طحن كمان ولما تحوش مبلغ محترم إبئة بعها في ثانية من غير خسارة أوي وهات الحاجة الألماني الجامدة بئة، أنا لو مكانك حاعمل كدة، وبالمناسبة، أنا فعلاً عملت كدة.