صاحبي اشترى من سوق الجمعه دايو 2006لانوس ب32000
عرض للطباعة
صاحبي اشترى من سوق الجمعه دايو 2006لانوس ب32000
والله اللي شريها دكتور في السيارات وحلاتها زي الفل
لا صعبة شوية دي
مش اوى كده:k26:
اولا العربية اكيد فيها حاجة او صاحبها عنده ظروف
ثانيا ياريت تيقى ببلاش زى بره كدا
المستعمل فى مصر غالى جدا ومغالى فى تمنه فعلا !!!
هي الاسعار نزلت فعلا لكن مش للدرجة دي انا اقل واحدة 2006 اتباعت قدامي كان الاسبوع اللي فات اتباعت على 45,000
و كانت ممتازة لكن 32,000 اكيد فيها حاجة مش طبيعية ياريت تكشفو عليها و تقولنا الاخبار ....
انا ممكن اشتريها من صاحبك ب 35:3mla:
مش سليمة اكيــــــــــــــــــــــ ـــــد
ليه يا جماعه بس..
في ناس بتبقي مزنوقة في فلوس وقتي.. و عايزة تاخد اي مبلغ في اديها.. و في مثل بيقثولك القرش صياد..
و الحالة التانية.. ممكن يكون مسافر ولا حاجة..
في حاجات بتبقي مريبة.. بس برضه في حالات بتبقي لقطة فعلا..
ربنا يبارك للي باع و للي اشترا..
انا كنت فى السوق الاسبوع الماضى
وماشفتش الاسعار دى خالص
لو عايز يكسب خمس بواكى أنا شاري:shyy:
بايع على 35000 ؟؟؟
الموضوع ده فيه انة
مش ممكن
السعر غريب قوي لان العربيه مطلوبه ومجرد ما بيمشي قدام السوق ناس بتوقفه وعايزه تشتري
فسهل انه يبعها
خلى بالك من ورق العربية ممكن تكون مضروبة
حصل قدامى حالات مش قليلة بالمنظر دة بعد البيع يكتشفوا ان العربية ورقها مضروب....
ناس رجعوها ناقصة 5 الاف جنية ( ودى طريقة جديدة للنصب يبيعوا العربية اكتر من مرة وترجع تانى وياخدوا ال 5 الاف جنية... وهكذا.. والناس معذورة طبعا خسارة 5 الاف اهون من خسارة الفلوس كلها )
وناس تانية مالاقوش اصحابها اصلا بعد البيع وخلعوا بالفلوس كلها.
ربنا يستر ...البلد بقت فوضى ومفيش حماية لحقوق الناس
يعنى صاحبها كان عارضها للبيع ومافيش حد من الجيران شافها
ومافيش حد من الميكانيكيه والسمكرية والتجار اللى فى المنطقة شافها وشاف السعر
(ماحدش كان معاه 32 ألف جنيه او يستلفهم وبعدين يبيعها تانى يوم ويكسب 10 : 15 ألف )
تانى يوم ايه ده بعديها بساعة قبل ما يسجل
والتجار اللى فى السوق اللى واقفين من اول انبى من جهة ومن اول الدائرى من الجهة الاخرى ماحدش شافها
ونزل مشى بيها لغاية السوق ووقف جوه ومافيش حد شافها
دى معجزة فعلا بكل المقاييس
انا اسف على الاطالة بس الخبر استفزنى شويه
لو مغيره نص مفيش مشاكل
اكيد اكيد يا جماعة العربية دى فيها حاجة مش مظبوطة . أما فى العربية أو الورق
هل هي معاقين و لم يفك حظرها وصحبك هو اللي هيفكه
بجد السعر مستفز...
ده لو نزل يرميها في أي معرض مش حتجيب السعر ده.
دي احتمال من اتنين مالهمش تالت :
- ورقها مضروب. او مالهاش ورق.
- عليها اقساط للبنك وحظر بيع.
الناس صدقت دة واحد بيشتغلكم السعر طبعا مش حقيقى لو كان قال 34 او حتى 33 كنت صدقتة لاكن 32 دى بعيدة شوية.
ياجماعة واضح ان صاحب الموضوع بيهرج اصلا وأستفز كل الاعضاء
دا اللانوس 99 لو سليمه مبتنزلش عن 38 يبقى ازاى 2006 بـ 32
( دا السعر يخلى صاحبها نفسه يطمع فيها ويشتريها من نفسه كمان مره " فرصه اوى اصلها ولا ايه"
33 , 34 ايه يا عم.. ده بيقولك 2006اقتباس:
الناس صدقت دة واحد بيشتغلكم السعر طبعا مش حقيقى لو كان قال 34 او حتى 33 كنت صدقتة لاكن 32 دى بعيدة شوية.
انت عارف الاخ ده عمل زي واحد صاحبي.
عرفت انه غير عربيته ال 131 بنوبيرا 2001 ودفع فرق 15 الف...
طبعآ انا ماصدقتش ازاي (لاني عارف حالة عربيته كويس ماتجيبش اكتر من 15 الف )
تبقي النوبيرا كده واقفه ب 30 الف.
ولما قابلته شوفت العربيه من غير نمر... واتكلمنا في التفاصيل.
عرفت انها جايه تبع معاق. ولسه ما اترخصتش.
(خد عندك بقي 1000 جنيه تكاليف الرخصه بما فيها الرش )
9600 فك حظر + 500 علشان ورقك يخلص (وانت طبعآ لسه تحت رحمة المعاق)
2000 تسجيل ونقل ملكيه .
نبقي كده 43 الف... ده لو المعاق ماستغلوش و ابتزه.
هى مهما كانت حالتها فهى2006 وكده تبقى لقطة فعلا
وربنا يباركلوا فيها
انا اعرف واحد جارى كان اشترى لانسر بومة 2007 على 45 الف وكان فاكر انة جاب الديب منديلة وانة مفيش حد زية فى الشراء وهو ماشى لاقى لاجنة ومن خلال فحص العربية طلعت مسروقة ومتبعالة بورق مضروووووب
خلى بالكم ياجماعة من حكاية السعر مش مجرد لما حد يلاقى عربية رخيصة يبقى دى حاجة لقتة مفيش حد عبيط فى الزمن دة
الاخdrift_lover
انا جربت حوار المعاقين دة وهو تكلفتة كانت كالتالى الا بقى لو كان وقع مع واحد معاق ابتزازى اوى زى ماقولت حضرتك
انا الموضو كلة كلف معايا 27 الف سعر العربية من المنطقة الحرة(نوبيرا 1)
مصاريف اوراق حوالى 2500من اول تقديم الطلب حتى الترخيص
3000 جنية للمعاق
9500فك حظر .بس لسة مفكتش الحظر ربنا يسهل شهر كدة
يبقى المجموع 42000الف
بس بصراحة حالة العربية كأستعمال جيدة جدة خاصة ان موديلها 99ولو فكرت تجيب حاجة نفس الموديل مش هتكون بنفس الحالة اطلاقا انا صادفنى بعض اعطال فى المكنة بس بعد الصيانة والتظبيت بقت كل حاجة تمام التمام
نصيحة لأى حد عايز يعمل الحوار دة :1عشان تحص بالموضوع لازم تجيب عربية عالية مش اقل من اوكتافيا 55الف لحد 60 حسب الموديل
2_العملية معقدة معقدة معقدة (هتطلع من نقرة هتلاقى دحضيرة)من اول متفكر ترخص لحد متعلق نمر
3-من الاخر عايز واصتة جامدة اوى من المرور نفسة عشان يخلصلك الدنيا الا بقى اقعد جنبها حوالى 6-7شهور لحد مترخص هيفضل يسقط فى الاشارات وياخد 3 شهور ويسقط فى السواقة وياخد 3شهور فى 3شهور وعقبال ميجى معاد الاختبار السواقة تانى هيكون الكمسيون الطبى الى عاملة المعاق عايز يتجدد تانى عشان هو لية مدة اذا لم يستخدم بيسقط
4-العربية هتفضل تحت البيت او الجراج من غير نمر وتبتدى الناس تسئلك بقى انت مرخصتش لحد دلوقتى لية حب استطلاع بقى
5-الابتعاد نهائيا عن السماسرة لعشان بيطلبوا ارقام فلكية عشان يرخصلك العربية دة ان عرف اساسا الا لو جد معة حظ بيكون حظك انت الاضمن يكون حد معرفة او صحبك موسوق فية
على فكرة انا الفترة من اول لما جبت العربية لحد ما رخصتها قعدت معايا شهرين وقت صغير بالنسبة الى بشوفة والله ناس مش عارفة ترخص عربياتها لأن لمرور اخد بالة ان حوار المعوق دة بقى تجارة فبقى غلس جدا فوق الوصف
انا اسف جدا للاطالة وهو دة مش مكان الموضوع بس قولت اوضح للناس بردو عشان فى ناس كتير بتفكر تعمل الحوار دة فلمى يكون عارف اليلة من الاول احسن مايفضل يتصدم كل صدمة وصدمة لحد ما هيكرة العربية على اليوم الى فكر فية فى الموضوع دة اساسا
دانا لو كسبانها فى مسابقة الشمعدان مكنتش حبيعها كده ابدا...اكيد العربية دى لو سليمة يبقى مسروقة او فيها مصيبة سودا
الموضوع ده فكرني باحمد السقا في فيلم حرب اطاليا وهو بيبيع الباجيرو اللي كان سارقها فا راح اختار اغبى تاجر و باعهاله:wink:
الخلاصه ان العربيه دى أنا شوفتها فى السوق وكان عليها زحمه وعرفت قصتها من واحد تاجر قال لى أبعد عنها دى شاسها معوج وفيه لحام ومتبهدله من تحت (أسفلها)
احترامى للجميع ولكل اخوانى بس انا بقى ليا راى وعن تجربة مع ناس اصحابى وقرايبى كمان بالنسبة للعربيات اللى بتيجى او بتتباع فى محافظات الشرقية والمنصورة والغربية ودمياط والمنوفية كلها مقطعة ومشدودة شد كامل بعد حوادث جامدة وبحكم شغلى ليا علاقات بشركات التامين وعرفت ان المزادات كلها بتاعة التوتل لوس بقت احتكار لتجار المحافظات اللى قولتها زى سوق العاشر الجلابية الحرير والكاب البلاستيك والشبشب ابو صباع وفايدة شنطة بلاستيك اوبسوستة تعرف انة تاجر من محافظة ومحدش يزعل منى سلاااااااااام