بخار من بيطلع من تحت العمه هل كده محتاج عمرة؟ و اسباب تلف التاكيهات؟

**michohat** · 05-04-2009 01:36 AM

معلش دايما بتقل عليكم بس بحب دايما استفيد بخبراتكم لاحظت ان الميكانيكى فصل خرطوم ( الفايظ) من تحت العمه عندى فلما سألته قال ان الموتور خف وانه كده علشان مش يخنق المكنه وقال لى اعمل حسابك على عمرة وفعلا لاحظت ان فى بخار بيطلع من الخرطوم ده ولاحظت برضه ان مفيش نقص فى الزيت بيحصل ومن خلال متابعتى هنا عرفت ان لما العربية بتكون عاوزه عمرة يكون فى نقص زيت و انه بيتخلط مع البنزين او حاجه نتيجه تلف الماتور فهل كده فعلا عاوزه عمرة ؟
ولو اه طب الميكانيكى بيقول لى كل ما كانت اسرع كانت اسهل واوفر لاننا هنلحق حاجات قبل ما تبوظ ولا استنى لما تخلص خالص

العربية جوان وش السلندر فى تنفيس او رشح لبره والتنفيس ده مش مأثر على حاجه و مش مأثر فى مستوى الزيت نتيجه انى مشيت والسير مقطوع والحمد لله بنا ستر

السؤال التانى انا لسه ظابط تاكيهات العربية من 3 شهور ودلوقت التاكيهات طلع ليها صوت تانى وسمعته للميكانيكى قال لى مفيش ضرر منه وقال لى اقعد بيها شوية فايه السبب ان التاكيهات ظبتطها تبوظ وايه سبب الصوت اللى بيحصل وازاى اطول عمرها؟

**tmedhat** · 05-04-2009 02:22 PM

العربيات ال2 كامة دى ممكن الكامات نفسها تخف فى البيت الالومنيوم و تعمل نفس صوت التاكيهات
و دة بيكون نتيجة ان الزيت مش كويس
او بتطول فترات تغيييرة
اما لو الموتور بيبخر من الفايظ يبقى فعلا خفيف
لكن ممكن تمشى بية شوية طالما ما فيش صوت تخبيط فى الكرنك تحت
لكن لو فية صوت تخبيك فى الكرنك لابد من فك الموتور فى اسرع وقت

**sab3aawy** · 05-04-2009 02:33 PM

اعتقد ان عودة صوت التاكيهات سببه ان الطبقة السطحية الصلبة لركب الكامة تآكلت وبالتالى اصبح معدل التآكل فيها سريع وده معناه ان كل فترة هتحتاج ظبط تاكيهات لحين العمرة، بالنسبة لكراسى الكامة تقدر تعرف اذا كانت خفت جوة البيت الألومنيوم بتعاها وللا لأ لما تكبس بنزين للعربية لو سمعت صوت وررة من راس المتور وانت بتكبس عند RPM معينة(غالبا بتكون بين 2500 و 3000) او سمعت الوررة وانت بتشغيل رجلك من على البنزين يبقى كراسى الكامة متاكلة، لكن لو مجرد صوت تاكيهات يبقى ركب الكامة بتخف مع الوقت

بالنسبة لخفية الموتور، ممكن تعيش بيه شوية لو مش بيدخن من الشكمان ولو العربية مش بتسخن بشدة ولا بتاكل زيت بزيادة ولا مية بزيادة مع استعمال زيت محرك ثقيل ، مثلا شل x100 ويمكن استعمال اضافة زيت شنبر لما تبتدى تلاحظ بداية ظهور دخنة من الخلف،

لو الموتور مكانش مفتوح قبل كدة يبقى كل ما تفتح بدرى كل ما يكون احسن لأن كدة هيكون فيه احتمال كبير(غير مضمون لكن احتمال عالى) انك متلاقيش عتب ومتحتاجش خراطة، لكن لو استنين عليه ممكن يربى عتب، لكن لو الموتور مفتوح قبل كدة ومعمول له شنبر بيقى مش هتفرق وامشى بالعربية لحد ما يجيلك مزاجك تعمرها او الموتور يتعب خالص او يكون عندك فحص بيئة فى المرور ايهم يأتى اولا

**michohat** · 06-04-2009 01:05 AM

نسيت اقول انى سمعت الصوت لما كان الكبوت مفتوح والميكانيكى اكد رباط على مسامير الوش لان كان فيه تسريب زيت خفيف على جسم الماتور من بره
والصوت بيكون مع الضغط على البنزين و مش بيتسمع كويس الا لما اسيب البنزين وصوت الماتور يهدى اقدرساعتها اميز الصوت
فهل كده تبقى كراسى الكامه وايه حلها

بستخدم زيت إسو اللى فى الجركن الرصاصى وبغيرة على 1000 او 1500 بكتير

معرفش ان كان الموتور اتفتح قبل كده ولا لا الحاجه اللى عملتها قبل كده فى الماتور انى غيرت جوان كارتيرة الزيت فهل فيه حاجه اعرف بيها ان كان الماتور اتفتح ولا لا لان العربية كانت لوالدى وكان هوا تانى مالك ليها بعد مالكها الاول اللى كان رافعها

وفيه سؤال يا ريت الاقى اجابه عليه ازاى اعرف الميكانيكى ده او الصنايعى بيخلص فى شغله وبيعمله صح لانى لما بحس العربية مش مضبوطه بروح وبقول شوف ايه اللى فيها فساعات بيبقى فيا شك او خوف انى بيضحك عليا