1- أتعلمت السواقة على عربية نوعها أية ؟
128 موديل 82
2- ماهى أول عربية خاصة بيك ؟
فيات اونو موديل 97
3- كان عندك كام سنة أول مرة سوقت فيها ؟
حوالى 13 سنه
4- أية أغرب موقف حصل معاك و أنت سايق ؟
كتييييييييييييييييييييييي ييييييييييييييييييييييير
1- أتعلمت السواقة على عربية نوعها أية ؟
128 موديل 82
2- ماهى أول عربية خاصة بيك ؟
فيات اونو موديل 97
3- كان عندك كام سنة أول مرة سوقت فيها ؟
حوالى 13 سنه
4- أية أغرب موقف حصل معاك و أنت سايق ؟
كتييييييييييييييييييييييي ييييييييييييييييييييييير
أسف يا جماعة على التأخير فى الرد عليكم
بس والله أنا مش بدخل كتير الأيام دى و ملاحظ كمان أنكم كلكم متعلمين من و أنتوا صغيرين جدا السواقة و دى حاجة كويسة والله جدا
و ربنا يوفقكم
منور الموضوع يا باشا طبعا و ربنا يكفيك شر المخاطر بتاعة أى عربية موجودة و يديك خيرها إن شاء الله
بجد أنتى أغرب موقف و الحمد لله ربنا ستر و عديت على خير هههههههههههههههههه
خلى بالك بقى المرة الجاية تكون فى تاكسى إن شاء الله هههههههههههههههه
تابع الردود و أنت هتعرف :POINTI~2[2]:
منور الموضوع يا باشا و بجد تلاقيك دلوقتى أستاذ سواقة بسم الله ماشاء الله و بجد موقف رخم أوى أن واحد يبقى واقف أدام حد و معطلة كدة ماهو محدش مقدر ظروف حد و ربنا يوفقك إن شاء الله
ربنا يرزقك إن شاء الله بعربية نضيفة و إلى تكون فى دماغك و يعطيك خيرها إن شاء الله و يكفيك شرها
بس أنا يا معلم لو أدامى حاجة كدة دا أنا أطير مش أقف أزمر بس هههههههههههههه
منور الموضوع يا باشا و ربنا يكفيك شرها و يعطيك خيرها إن شاء الله
والله بتكلم جد
ايه المشكلة لو حولت العربية سولار
مفيش ارخص من كدا
ووزي الفل اسألوا مجرب
- أتعلمت السواقة على عربية نوعها أية ؟
على 128 فى مركز تعليم من حوالى سنه تقريبا
2- ماهى أول عربية خاصة بيك ؟
فيات 128 موديل 74 لسه شاريها فى رمضان الى فات
3- كان عندك كام سنة أول مرة سوقت فيها ؟
كان عندي 21 سنه
4- أية أغرب موقف حصل معاك و أنت سايق ؟
كنت مروح بيتنا الساعه 2 بليل وانا مش عارف الطريق قوى والدنيا كانت زحمه تحت قلت اخدها من على الدائرى:dzey:
مشيت عكس على الدائرى وانا ممعيش ولا رخصه شخصيه ولا رخصه عربيه ولا فى جيبى شلن حتى وعديت على لجنه ومن حسن حظى الظباط كانو واقفين تحت الدائرى علشان يقفشو الى طالع
واللجنه مكنش فيها غير امين شرطه غلبان قلت اعدت احور عليه وقلت له انى بيتى تحت الكوبرى والطريق مسدود ..............
المهم مشيت فى الاخر:hlopaet_prv:
ولسه مطلعتش الرخصه لحد دلوقتى:dzey:
1- أتعلمت السواقة على عربية نوعها أية ؟
تويوتا نص نقل موديل تمانين تقريبا مش فاكر كان السواق بيعلمني عليها
- اول عربية اركبها لوحدي مرسيدس 200 مو83 وكانت اوتوماتيك
2- ماهى أول عربية خاصة بيك ؟
سيات - اتوس
3- كان عندك كام سنة أول مرة سوقت فيها ؟
تقريبا 12 سنة - سنة تسعين
4- أية أغرب موقف حصل معاك و أنت سايق ؟
وانا باتعلم عالنص نقل عارف ازاي اسوق نظريا لكن عمليا مش عارف اتعامل وعدى قدامي تاكسي في تقاطع وانا قفشت وكل اللي طالع عليا ادوس بنزين عالآخر وانا مش عارف الفتيس على انهي نقة ولا فاهم حاجة اساسا والراجل مرعوب وعمال يقوللي خلاص قلبك ابيض وانا قافش أحصله !! مش عارف هعمل له ايه بس دايس بنزين وخلاص والعربية اصلا تعبانة وعمالة تسقففي مكانها
موقف تاني وانا في نفس السن برضة راكب مع واحد صاحب والدي عربية 132 كانت تحفة وقعدت اقنعه اني باعرف اسوق لحد الراجل ماصدقني وخلاني سقت وبرضة في تقاطع ولسة باطلع بالعربية وجبت اولاني والعربية بدأت تتنطط لقدام وانا اشيل رجلي من عالبنزيين واحطها تاني ومش فاهم حاجة برضة والعجل بيصفر وينتش وانا ببص للراجل واقول له هي العربية بتعمل كدة ليه وهو يقول لي أقف الأول وبعدين نبقى نشوف بتعرف توقفها وراح شادد الهاند ماستناش اصلا يشوف بعرف ولا لأ واستنتج اني مش بعرف اوقفها والراجل طبعا وشه جاب كل الألوان حتى الميتاليك الموقف دا ماخدشي اربع خمس ثواني بالظبط
المرسيدس سقتها بقى هادي وماشي على ستين واقلب نور للعربيات النقل اللي في وشي وعامل فيها ايييه الكلام دا كان في حلوان زمااااااااااااااااااااان وتقريبا ماكانشي في غيرنا في الطريق عشان كدة والدي وافق تحت ضغط رهيبببببببببببببببب واستغرب لما لقاني باعرف اسوق لانه ماكانشي علمني ومش هو اللي علمني بس بعد كدة بقى بيقوللي تعليماته - تعليمات الناس بتاعة زمان اللي مش نافعة طبعا دلوقتي
إتعلمت على فورد جراندمرقيس ٤٦٠٠ سي سي مو٩٤:funny34d:
أول عربية مفيش لسا طالب بس مقلب عربية الوالد طول الوقت
إبتديت سواقة ١٣ سنة
أغرب موقف السنة الي فاتت أكلت غرزة بين عربية بوليس ومرسيدس بتاعت وزير في تشريفة على الدائري على ١٧٠:khd: كنت متأخر على الإمتحان بتاع الكلية
بس عديت على خير:B4_611:
1- أتعلمت السواقة على عربية نوعها أية ؟
دايوو لانوس1 2000
2- ماهى أول عربية خاصة بيك ؟
يا رب اى حاجه بس تكون بتمشى نفسى اجيب عربيه قبل مااتخرج
3- كان عندك كام سنة أول مرة سوقت فيها ؟
فى 1 ثاناوى يعنى بتاع 14او 15 سنه
4- أية أغرب موقف حصل معاك و أنت سايق ؟
مواقفى كلها بسبب ان نظرى ضعيف بس مش قوى يعنى باليل بس مش بشوف كل حاجه واضحه
واولهم زمان لما كنت باتعلم السواقه كان بيعلمنى والدى فقالى احود شمال من هنا وانا مكنتش شايف اى شمال خالص وبقوله ايه هو فى شمال هنا
والتانى بردو اما كنت باتعلم على الدائرى زمان فا قلتلو انت بتشكك فيا ولا ايه اصله كل شويه يقلى خلى بالك فى مطب فى عربيه من على اللمين كده فباقولو ده انا حتى شايف الالعربيه اللى جايه من الملف اللى هناك ده وكنت هالبس فى جرار قدامى فراح قايلى طب خاى بالك من اللى قدامك ال اول وطبعا هاتك يا زعيق للصبح ده غير كام مره اكون هالبس فى واحد اروح مديها بنزين وربنا بيستر هاهاها