أتعلمت السواقة على أية ؟ أول عربية خاصة بيك ؟ كان عندك كام سنة ؟

**AMA** · 05-04-2009 03:47 AM

بسم الله الرحمن الرحيم
السلام عليكم ورحمة الله و بركاتة

كل واحد فينا أكيد عمرة ماينسى أول عربية ركبها فى حياتة و ساقها
ولا عمرة ينسى أول مرة مسك فيها فتيس و داس على البنزين
أكيد الأحساس بيختلف بين واحد و التانى
فيه واحد بيبقى ماشى خايف جدا و كأنة ماشى بمقطورة و فيه واحد تانى بيحس أن الدنيا واسعة عليه و هوا مجرد عصفورة متحركة

فكلنا لازم نشارك فى الموضوع دة ونجاوب على الأسئلة دى

1- أتعلمت السواقة على عربية نوعها أية ؟
2- ماهى أول عربية خاصة بيك ؟
3- كان عندك كام سنة أول مرة سوقت فيها ؟
4- أية أغرب موقف حصل معاك و أنت سايق ؟

**lancerevolution** · 05-04-2009 03:51 AM

1- أتعلمت السواقة على عربية نوعها أية ؟
زيستافا مو 1985
2- ماهى أول عربية خاصة بيك ؟
أوبل فيكترا
3- كان عندك كام سنة أول مرة سوقت فيها ؟
فى 2 إعدادى يعنى تقريبا 12 سنة
4- أية أغرب موقف حصل معاك و أنت سايق ؟
محصليش أى مواقف غريبة أفتكرها دلوقتى

**Chucky** · 05-04-2009 05:05 AM

1- أتعلمت السواقة على عربية نوعها أية ؟
بيجو 404

2- ماهى أول عربية خاصة بيك ؟
سيات ابيزا

3- كان عندك كام سنة أول مرة سوقت فيها ؟
و انا عندى 13 سنة

4- أية أغرب موقف حصل معاك و أنت سايق ؟
انى كنت ماشى على الاوتوستراد قبل كده على 130 و كان فى ورق بتاع شغل والدى على الرف بتاع السماعات و مرة واحدة الورق ده طار وقع فى الارضية بتاعت العربية ما بين الكرسى اللى انا كنت قاعد عليه و الكنبة و من كتر ما انا كنت خايف لحسن الورق يطير برة العربية لفيت و قعدت الم الورق كله و ارتبه و بعد كده اتعدلت اكتشفت انى كل ده كنت لسة سايق على 130...

**ecybrarian** · 05-04-2009 09:17 AM

- أتعلمت السواقة على عربية نوعها أية ؟
لادا 1500

ماهى أول عربية خاصة بيك ؟
سوبر فيورا 86

كان عندك كام سنة أول مرة سوقت فيها ؟
14 سنة

أية أغرب موقف حصل معاك و أنت سايق ؟
يووووووووووووو بلاوي

**mrghost** · 05-04-2009 10:03 AM

- أتعلمت السواقة على عربية نوعها أية ؟
الدبابه فيات 125 اللى كانت بتمشى فى اى حته

ماهى أول عربية خاصة بيك ؟
والله لسه بس تعتبر الشاهين

- كان عندك كام سنة أول مرة سوقت فيها ؟
كنت داخل اولى اعدادى ومكنتش بطول البدالات !!!!!!!!!!

أية أغرب موقف حصل معاك و أنت سايق ؟
حصل حاجات كتير
بس اغرب موقف كانت الشاهين لسه زيرو ورايح اجيب والدى من عند محطة المترو ورحت ماشوفتوش خالص وكان فى رمال على الاسفلت قولت بقى لازم الواحد يعمله حركه ولا حاجه طلعت حته امريكانى وخليت العربيه تلف حوالبن نفسها وبعد ماوقفت لقيت ابويا جاى جرى عليا اتارى هو كان هو واقف وانا مشوفتوش وطبعا مش عاوز اقول عمل ايه فيا !!!!!!!

**shekoz** · 06-04-2009 03:45 PM

1- أتعلمت السواقة على عربية نوعها أية ؟
لادا
2- ماهى أول عربية خاصة بيك ؟
سيات 133
3- كان عندك كام سنة أول مرة سوقت فيها ؟
17 سنه
4- أية أغرب موقف حصل معاك و أنت سايق ؟
كتيييييير .. انا هقولكوا حبت مواقف حصلتلى مع عربيتى القديمه دى و مش عارف اذا كنتو هتصدقونى ولا لا زى مثلا العربيه السيات قبل كدا كنت باخد بيها ملف بس جامد شويه راحت ماشيه على عجلتين..اه و الله متستغربش مشيت على عجلتين و قبل كدا كنت بجرى بيها على الكورنيش كالعاده كنت دايس على دواست البنزين على الاخر (معنى انى بجرى بالسيات انى ماشى على 80 او 90 بالكتييير بس بتبقى حاسس انك طاير بالصوت اللى بتسمعو طالع من الموتور المهم كان معايا 4 اصحابى واحد قدام و 3 ورا و لبست مطب بس الحمد لله مكنش مطب جامد .. العربيه طارت من على الارض و نزلت تانى و قبل كدا حبيت افرك بيها فاتعافيت على الموتور شويه هوب لقيت الفتيس فصل عن العربيه .. ساعتها قطرت العربيه بعربيت واحد صاحبى بحبل الغسيل..اه و الله بحبل الغسيل عملناه مجوز و قطرنا بيه العربيه ولما روحت الميكانيكى قالى ان الاكس اتكسر..
اكيد اللى هيقرا المواقف دى هيفتكرنى بحكى فيلم كارتون بس دى نبذه صغيره عن المواقف الغريبه اللى حصلتلى

**أبو إياد** · 06-04-2009 04:56 PM

1- أتعلمت السواقة على عربية نوعها أية ؟

فيات 128

2- ماهى أول عربية خاصة بيك ؟

لانسر بومه 2007

3- كان عندك كام سنة أول مرة سوقت فيها ؟

13 سنه

4- أية أغرب موقف حصل معاك و أنت سايق ؟

ركنت العربيه ونسيت المفتاح فيها والعربيه شغاله لمده 8 ساعات فى شارع الجلاء برمسيس
واكتشفت الكلام ده لما ملقتش المفتاح واخدت معايا الاسبير

**mido_919** · 07-04-2009 12:16 AM

اتعلمت السواقة علي عربية فيات125 بولندي 1979
كان عندي 15 سنة
اول طلعة طلعتها قرصت علي البنزين والعربية فوت مني وابويا كان اعد حنبي راح مزعق وقايلي اقف اقف

**icehearted girl** · 07-04-2009 12:24 AM

1- أتعلمت السواقة على عربية نوعها أية ؟

كانت شاهين في المدرسة اللي بتعلم فيها زمان

2- ماهى أول عربية خاصة بيك ؟
فيات 128

3- كان عندك كام سنة أول مرة سوقت فيها ؟

كان عندي 18 سنة

4- أية أغرب موقف حصل معاك و أنت سايق ؟

ياربي كان حتت موقف مش هنساه ابدا كنت لسه بتعلم في مدرسة معاقة كدا

وكان السواق اللي بيعلمني كنت مظبطاه فاحيانا كان بيخليني اطلع لوحدي

المهم مرة لقيتهم جيبنلنا عربية نص نقل صغيرة كدا

ههههههههههههههههههه

اه والله نص نقل

والسواق بيقلي يالا يا دكتورة

شهقه عميقه

اناااااااااااااااااااااا.. ..........هسوق نص نقل؟؟؟

بعد عديد من المحاورات سقها فعلا وكنت لابسة نظاره شمس كبيرة عشان محدش ياخد باله منني

المهم انا ماشية مكسوفه جدا..اقوم الاقي واحده ست كبيرة اوي بتشاورلي توقفني

وقفتلها لقتها بتقلي والنبي يابنتي تخديني معاكي لاول اللشارع

عادي جداااااااااااااااااا

الست دي مستغربتش اني اناللي سيقه

قلتلها اركبي

قلتها طلعت في الصندوق من ورا

ههههههههههههههههههههههههه هههههه

مش هنسي ابدا الحكاية دي

كويس انها مدتنيش فلوس وهي نازلة كان هيبقي برستيجي في الحضيض

-

الموضوع: أتعلمت السواقة على أية ؟ أول عربية خاصة بيك ؟ كان عندك كام سنة ؟

LinkBack

أدوات الموضوع

عرض

أتعلمت السواقة على أية ؟ أول عربية خاصة بيك ؟ كان عندك كام سنة ؟ - انشر الموضوع فى :

-

-

-

-

المواضيع المتشابهه

عندك عربية يبقي لازم تعرف عالأقل فكرة عمل كل جزء بالتفصيل

اية عقوبة سواقة عربية اجرة برخصة خاصة ؟؟ذذ

تعلم مراتك السواقة و تجبلها عربية ولا لأ؟؟

عايزة عربية اتعلم عليها السواقة فى الاول

لو عندك عربية ادخل وجاوب .......

الكلمات الدلالية لهذا الموضوع

المفضلات

المفضلات

ضوابط المشاركة