امبارح رحت عشان اصلح علبة الدركسيون واظبط شويه في العفشه
المهم رحت للميكانيكي فكلي العلبه في حوالي ساعتين وقالي هاتنزل على فوزي حجاب في شارع شامبليون واداني كارت للراجل
وقالي كمان هاتحتاج تغير مقصات أمامي وصوابع ميزان بس ممكن تأجلها شويه
نزلت على وسط البلد رحت على فوزي حجاب بتاع علب الدركسيون قالي هاتتكلف 350 جنيه طقم اصلاح كامل ما ينزلوش مليم ومعاها ضمان 6 شهور
قلتله ماشي سيبتهاله ساعه ورجعت اخدتها
سألت عليها استيراد وجديده عند الكيلاني
لقيتها جديده ب 4400 جنيه
واستيراد ب 700 جنيه
قلت اصلح بتاعتي احسن
سألت كمان على المقصات لقيت الإيطالي الجوز ب 400 جنيه
والتركي الجوز ب 300
وصوابع الميزان ب 60 جنيه بالكاوتشات
المهم رجعت ركبت العلبه وركبت علايات ورا كمان عشان العربيه كانت واطيه شويه
وكشفت على الفرامل الخلفيه عشان زيت الفرامل كان بينقص
لقيت المساتر الخلفيه عايزه تتغير والطنابير والتيل كمان
المهم سألت محمد يوسف عليهم
لقيت الطنابير ب 160
والتيل ب 90
والمساتر الواحد ب 30 جنيه
ودي ان شاء الله الخطوه الجايه
يارب أكون أفادتكم