السيريون باور كهرباء ولا باور هيدروليك ؟

**معاذ الشرباصى** · 05-04-2009 05:41 PM

المشاركة الأصلية كتبت بواسطة Youssef_Mostafa

بجد يا جماعة انتو ناس زي العسل والف شكر علي ردكم

انا والله قريت موضوع زيت الباور في مواضيع عن السيريون يمكن اللي قالها كان يقصد عربية تانية

غير السيرون

علي العموم حصل خير و الف شكر علي ردكم

يوسف باشا

هو فعلا كهرباء ... لكن فى مهندس فى مركز الصيانة كان بيفتى بالموضوع ده و يقول للعملاء انهم زودوا زيت الباور ... و المهندس لسه موجود لغاية دلوقت هناك فى مركز الصيانة

و الكول سنتر عندهم لسته محفوظة تقريبا نقلينها من حتة تانية مكتوب فيها برضه زيت باور

لكن هى كهرباء يا باشا متقلقش

**TheInfernal** · 05-04-2009 06:33 PM

طب ايه أخبار ال1.0 لتر؟

**عمرو عمارة** · 05-04-2009 06:39 PM

المشاركة الأصلية كتبت بواسطة TheInfernal

طب ايه أخبار ال1.0 لتر؟

كله كهرباء

**YoussefMostafa** · 05-04-2009 06:56 PM

لا هو بصراحة اللغبطة مش من التوكيل

الموضوع اني كنت بتكلم مع محمود موتورايزر في موضوع الصيانة والاسعار وكده وجابلي سيرة زيت

الباور وبردة قريت مشاركة للاستاذ عمرو عمارة في موضوع

(تصحيح لمعلومة خطأ بخصوص تغيير زيت السريون)

المشاركة رقم 70 جاب بردوا سيرة زيت الباور علشان كدة اتلغبطت وحبيت افتح الموضوع للتاكيد

وبجد كلكوا ناس زي العسل

**YoussefMostafa** · 05-04-2009 07:02 PM

معلش نسيت اسال ايه اخبار الباور الكهرباء هل هو زي البونتو ؟

لاني جربت الباور بتاع البونتو وبجد مكنش فيه اي مقاومة (ميه) بجد

**Imhotep** · 05-04-2009 07:31 PM

على فكرة العربيات اللى فيها باور كهرباء عند بدء تشغيل السيارة بيكون من الحاجات اللى بيعمل لها كمبيوتر السيارة تشيك فى الاول هو باور الكهرباء، وبتلاقى لمبة بتنور اسمها(Electric Power Steering( EPS. انا معرفش اللمبة دى موجودة فى السيريون و لا لأ، لكنها موجودة مثلا فى النيو اكسنت. اتمنى اكون افدت.

**mecho_392** · 05-04-2009 10:58 PM

ايه ده السيريون كهرباء.. يبقى العربية دى جامده فى كل حاجة لانى كنت فاكر الباور هيدروليك.
عن تجربة (فى سيارتى i10) الباور الكهرباء ملوش حل فى النعومة و السهولة و تحريك الدريكسيون فيه متعه جامده.. و الالنترا زيها بس اخف حاجه بسيطة و انت بتلف الدريكسيون و العربية فى مكانها (لان اكيد الموتور الكهربى بتاعها اكبر علشان وزن العربية اتقل),, صدقنى لما بركب عربيات هيدروليك بحس بفرق جامد جداااااا زى الماتريكس بلاقى الدريكسيون تقييييييل جداااااااااااااا و كذلك الالنترا ال 2006 القديمة (((لانهم هيدروليك))).

و فى النهاية, ابن عمى جرب العربية فى ملفات و مطالع و و...و و لما سألته ايه رأيك فى الباور,,,,قالى.. انا محستش انى عملت اى حاجه الدريكسيون بيتحرك بلمسة.

و الباور الكهرباء بجد بجد مريح جداااا فى الزحمة و بيسعف فى المواقف المفاجئة الحمد لله.

لو ليك اى استفسااار اتفضل اسأل يا باشا,, انت غيرت رأيك و ناوى على سيريون و لا ايه.. انا رفعت صور لل i10 فى قسم البوم سيارات الاعضاء

اللينك:
http://www.nilemotors.net/Nile/showthread.php?t=66214

احب اعرف رأيك.

**mecho_392** · 05-04-2009 11:10 PM

المشاركة الأصلية كتبت بواسطة أبو عبدالله

الأتوماتيك جميل في 1.3 وعن تجربة
وتأثيره على التكييف قليل
يعني مش زي عربيات كتير
يعني لو هتعطيه درجه هتبقى مش هتقل عن 8 من 10 مثلا

انا بصراحه عن رايي الشخصي شايف ان 1300 سي سي مناسبة جدا للعربيه خصوصا علشان البنزين

يعني انا عربيتي 1300 سي سي ومش بحس نهائي حتى بالحمولات انها معجزة او مش قادره
بالعكس انا بجري بها كويس جدا وهيا محملة

طبعا يا باشا.. 1300 سى سى و كامتين Dohc و تكنولوجيا Dvvt من دايهاتسو المبدعة مش محتاجه كلام + وزن عربية خفيف = سحب رائع
المانيوال بتعمل تسارع 0-100 فى 11.7 ثانية.

يعنى الاتوماتيك اكيد مش وحش او ضعيف. لو لانسر اقولك ضعيفة

ربنا يباركلك فيها

**YoussefMostafa** · 05-04-2009 11:51 PM

المشاركة الأصلية كتبت بواسطة mecho_392

طبعا يا باشا.. 1300 سى سى و كامتين Dohc و تكنولوجيا Dvvt من دايهاتسو المبدعة مش محتاجه كلام + وزن عربية خفيف = سحب رائع
المانيوال بتعمل تسارع 0-100 فى 11.7 ثانية.

يعنى الاتوماتيك اكيد مش وحش او ضعيف. لو لانسر اقولك ضعيفة

ربنا يباركلك فيها

باشا ده فيديو فيه السيريون بتجيب ال 100 في 10 ثواني بس
http://www.youtube.com/watch?v=68xkE4OIUB8

**mecho_392** · 06-04-2009 12:04 AM

المشاركة الأصلية كتبت بواسطة Youssef_Mostafa

باشا ده فيديو فيه السيريون بتجيب ال 100 في 10 ثواني بس
http://www.youtube.com/watch?v=68xkE4OIUB8

شكرا يا باشا.. انا جبت التسارع من RoadTest من جنوب افريقيا ف الظروف بتختلف (يعنى الهواء سخن او بارد او فى مكان مرتفع او فى رياح...) العوامل دى بتأثر فى التسارع لانها بتأثر فى ال power بتاعة المحرك. هى فعلا حوالى 10-11 ثانية.. اقصاها 11.4 ثانية دى المذكورة فى معظم المواقع.
انا بالماتريكس عملت 0-100 فى 12.7 ثانية بالظبط من سنتين (و ده الرقم اللى الشركة ذكرته عنها) و معرفتش اكررها تانى و بالصدفة من شهر جربتها و عملتها فى حوالى 11.8 ثانية. فأكيد اختلاف فى الظروف و اتجاه الريح رغم ان كان فى واحد معايا.