بصراحة بأفكر فى الاوبترا مانيوال و هيه داخلة دماغى و بأقارن بينها و بين اللانسر ال 1300 لكن الأسعار فى صالح الاوبترا كسعر و قطع غيار
فـــــــــ هل لو رجع بيك الزمن للوراء هل كنت ها تشترى اوبترا ايضا ؟ ولا هتفكر فى حاجة تانية ؟؟؟؟؟؟
بصراحة بأفكر فى الاوبترا مانيوال و هيه داخلة دماغى و بأقارن بينها و بين اللانسر ال 1300 لكن الأسعار فى صالح الاوبترا كسعر و قطع غيار
فـــــــــ هل لو رجع بيك الزمن للوراء هل كنت ها تشترى اوبترا ايضا ؟ ولا هتفكر فى حاجة تانية ؟؟؟؟؟؟
كان ممكن افكر جديا في السيراتو .... لما كنت باشتري كان فيه مشكلة في التوكيل ونزاع قضائي
المنافس الاقرب للاوبترا هو السيراتو ....
السيراتو افضل في مدة الضمان ... التوكيل ... الموتور اقوى وانعم
الاوبترا افضل في الانتشار وسعر اعادة البيع
....
شوف السيراتو وقارن واختار بعد ما تستخار
لو رجع بيا الزمن كنت هاجيب اوبترا برضه
لانها كانت اكتر حاجه مناسبه ليا
ممكن متبقاش مناسبه لغيرى
لان كل واحد وحسب احتيجاته
يعنى انا مثلا كنت عايز عربيه 1600 اوتوماتيك سيدان وتكون فل اوبشنز ومش تقفيل مصرى ويكون اعادة البيع بتاعها كويس
وفى حدود المبلغ اللى معاك هتلاقى ان عربيه واحده بس هى اللى تنفعلك
شوف انت احتيجاتك ايه ومحتاج ايه من العربيه وهتلاقى اللى انت عايزه ان شاء الله
ولو انا لسه هشترى اليومين دول
معتقدش انى كنت هاجيب حاجه غير الاوبترا برضه
لان البدايل اغلى بدون داعى زى الالنترا مثلا
لو رجع الزمن ل2006 ما كنتش أجيب الأوبترا طبعا
و الحمد لله بعتها و أرتحت من المشاكل .
المشاكل كالتالى :
1- تغيير علبة الدركسيون 3 مرات خلال 30000 كم فقط
2-تغيير 4 مساعدين خلال نفس الفترة
3-تغيير عوامة البنزين
4- تغيير سوستة الأتوماتيك
5-تغيير الطنابير الخلفيه عند صيانة ال30000
6- تم خرط الطنابير الأماميه فى التوكيل بالهرم !!!!
و بالتالى بعت العربيه و أستريحت من مشاوير الهرم المتتاليه خاصة وأنى من ساكنى م نصر
______________________________________
كنت حاجيب ألنترا أحسن أو صنى.....
اللىلبة أنا أعرفه أن علبة الدركسيون دى مشكلة عامه .
و اللى أنا شفته أن كتير جدا كانوا بيتخانقوا علشان يغيروا المساعدين فى المركز بس كانوا مش بيرضوا علشان المساعدين ما بيدخلوش فى الضمان .
و أنا كنت غيرتهم ببلاش عن طريق الواسطه .
أخيرا يعنى أيه التوقيع اللى انتم بتتكلموا عليه
هشام عثمان
بص ياباشا هى اكيد مش حاله عامه
لان انا وغيرى فى المنتدى هنا معاهم العربيه ومحصلش اى حاجه من دى
عموما لو صرفت نظر عن الاوبترا
وعايز تجيب حاجه مانيوال فى نفس السعر تقريبا
عندك سيراتو بس مش الشكل الجديد طبعا
سعرها 87 وممكن تخلصها اقل من كدا
وممكن تجيب نيو اكسنت اوتوماتيك ب 83
كاتب فى توقبعه انه كان هيجيب اوبترا او صنى
بالنسبة لعلبة الدركسيون دى لسه مشكلة عامة ؟؟ و كمان المساعدين ؟؟
طيب ليه الوكيل سايب كل العيوب دى (المتكررة بكثرة ) و مانقشهاش ليه مع الشركة الأم لتفادى هذه العيوب و الحفاظ على سمعة العربية ؟؟؟
طبعا كنت هجيب اوبترا
انا من اوائل الناس اللي اشترت الاوبترا في مصر اول ما نزلت 2005
العربية اكتر من ممتازة
و انا لو معايا فلوس كنت جبت 3 اوبترا واحده سودا وواحده سيلفر وواحده نبيتى , مساعدين ايه و دركسيون ايه انا حاسس ان الكلام عن عربية تانيه
مكنتش هجيب الاوبترا طبعا ...كنت ها جيب سيراتو جديدة او لانسر مستخدمة
العربيه معايا بقالها سنتين و ماشية تقريبا 30000كم و مغيرتش غير علبة الدركيون فى التوكيل و فى الضمان و العربيه تمام و زى الفل
ركبت اللانسر الرياضية و للأمانة صوتها أنعم شويه بس بس كل الحاجات التانية من وسع ، لثبات لشد لصالح الأوبترا بلا شك و ده كمان رأى صاحبها و قالى باللفظ " الفروق بسيطة جدا " أنا أعتقد إنها تتفوق لوجود الـكماليات مثل (abs , فتحة السقف و الجنوط إنما لو هقارنها بالأبترا الرياضية اللى بـ102 تغلب أكييييييييييييييييييييد)
ده و الله رأيى بكل أمانة
ما شاء الله مشاركتكم كلها مفيدة ربنا يدلنا على الاختيار الصح .
I bought Optra two months ago ....... I plan to write my evaluation after about 4000KM soon ISA, I apologize for not writing it till now as I am very busy. I am also waiting the first maintenance before writing. But in general, like every car it is advs. and disadvs. .... the point is, how much you are concerned about these advs. and disavs.
For me ... if the time is back ..... I will think again before buying Optra
يا باشا الراجل بيقول النترا او صنى مش اوبترا وبلاش اسلوب الهجوم دة كلنا اصدقاء فمنتدى واحد وكلنا بندور على الافادة والصالح وكل واحد حر فاختيارة مدام بيناسب احتياجاتة ودى اذواق وخبرات وتجارب ووجهات نظر
وانا رغم حبى للاوبترا لكنى بقول كان ليها زمن كانت هى انسب عربية فية لكن دلوقتى نيو سيراتو او صنى من وجهة نظرى:w6266d:w6266d
هجوم..:O_stupid[1]: مفيش هجوم ولا حاجة , يمكن خانى اللفظ و كتبت اوبترا بدلا من النترا بس , هوه بكده يعتبر هجوم ؟؟!! و الا انته بتهدى النفوس يا عم شيكو :049:
كل واحد يا جماعة يجيب اللى على مزاجه؟؟؟؟؟؟؟؟؟؟؟؟
بس رجاءا اللى ما يعرفش يقول عدس؟؟؟؟؟؟؟؟؟؟؟؟؟؟
اللى ما جربش الأوبترا،،، أو اللى اشتراها مستعملة وطالع عينها لا يتكلم عنها خالص؟؟؟؟؟؟
لو لم أشترى الأوبترا لتمنيت انى قد اشتريتها؟؟؟؟؟؟؟؟؟
وكما قال الشاعر :
هما مالهم بينا ياليل ،، يحسدونا ومالوا ياليل اللى غيران منا يقلدنا,,,, صعب صوتهم يبعدنا
ههههههههههههههه
اكيد لا ومتقوليش ليه عشان انا مش عارف بس العربية دي مش مرتاح معاها
:: Hyundai Egypt :::: GB Auto ::
if you click on showroom, then elentra, then safety, they are talking about air bags. i thought elentra in egypt by Ghabour comes without airbags, right?!
الشيفرولية عامة عربية ممتازة بالنسبة لمستواها أنا معايا الأفيو 2006 عاملة 79000 كم و أيضاً الأوبترا 2008 عاملة 46000 و ما عنديش فيهم مشاكل و الحمد لله كل اللى أتعمل فيهم صيانات عادية و ما ننساش أنهم سلالة الدايو اللى أثبتت نفسها على مدار 10 سنوات فى مصر, و لو كانت أحتياجاتى تسمح كنت هأشترى الكروز لكن أنا حالياً محتاج سيارة كبيرة لأن عيلتى كبرت فهشترى لوجان 7 راكب بدل الأفيو
السلام عليكم ..انا بحب السيراتو الجديده جدا بس بصراحه معايا اوبترا 2007 وماشيه 115000 والعربيه ممتازه سفر وحرق وتسقيط غيارات وهنداااااات
اعتقد حسب اسلوب السواقه بس المساعدين اعتقد مش بتستحمل كتير..متأسف على الاطاله
ما شاء الله عربية حمولة و بتجري و تقيلة و مريحة و واسعة خصوصا لواحد في طولي
اما بشتري عربية حاليا,كل اللي في السوق علب سردين
تحيا اوبترا
علبة الدركسيون تعمل كام داخل و خارج التوكيل
بصراحة ومن غير اي نفاق كنت هجيب اوبترا برضه لانها بجد مفهاش اي حاجة غلط غير بلية الديبرياج بس
ان شاء الله بفكر اشترى الاوبترا ... اشتريها ولا لأ؟
وشكرا
السلام عليكم
النصيحة لأ و لو رجع بي الزمن كنت اشتريت يارس او صني
العربية انت و حظك بمعني العربية كانت فيها مشاكل يبقي حيطلع عينك مع اسواء توكيل (منصور) بمعني اخر التوكيل بيستورد العربية بدون وجود اشتراطات معينة لفحص السيارة قبل تسليمها و بالتالي انت و حظك
لو حظك حلو و العربية زي الفل يبقي هي عربية جميلة وزي الفل
طيب انت لاقي فلوسك عشان تدخل المخاطرة دي ؟
ولذا رأيي استبعد الاوبترا و خليك في الصني او الحق جيب يارس قبل ما تخلص و دي فعلا صفقة ممتازة
انا مالك لأوبترا مانيوال و مغلباني و ندمان اني اشتريتها
بصراحة ياجماعة العربية زى الفل وان فكرت كتير قبل ماشتريها ولقيتها حققت معى المعادلة الصعبة الثمن والاعتمادية وقلة المشاكل ومقارنة بالسيارت الاخرى نفس الثمن هى الافضل من حيث المساحة الداخلية والثبات والشكل الخارجى اذواق
السلام عليكم
مشكلتي ان العربية فيها 4 اشياء اكتشفتها بعد شراءها ب اسبوعين و لو كنت اكتشفتها قبل كده كنت رجعتها حسب القانون و هي :
1- رعشة ورجة بالفتيس عند النقلات و اثناء الموور وو حاليا الرعشة بحسها في العربية كلها
2- ضعف بالفرامل و بعد عدة زيارات للتوكيل اعترفوا بوجود هواء بزيت الفرامل و سحبوه و مازال اداء الفرامل ضعيف
3- حدفة شمال عند السرعات الاعلي من 100 حاليا وفي الاول كانت حدفة يمين علي اي سرعة وده حصل بعد تدخل التوكيل يعني جه يكحلها عماها
4- رعشة بدواسة البنزين (يعني وانت دايس علي دواسة البنزين بتحس انها بتتسجب لوحدها من تحت رجلك)
المشكله في التوكيل هو عدم احترام رأي العميل بمعني اول حاجة انه يحاول يطلعك مبتفهمش في العربيات لأن الاسلوب بتاعهم كالتالي يستقبلك مهندس عادة بيكون سنه لا يتعدي 25 سنه يعني حديث التخرج و غالبا بيكون يدوبك بيعرف يسوق و يقولك ايه مشكلتك علي الرغم انك بتديله امر الشغل من قسم الاستقبال بالبوابه مدون به المشكله و بعد متحكيله و هو مش مديك اي اهتمام يقولك لو سمحت ممكن المفتاح و يروح يجرب العربية وانت بجوارة و بعدين يفيدك بان العربية زي الفل مفهاش اي مشكله و لما تأكدله ان المشكله حصلت معاك يقوم مشكورا بسؤالك هو حضرتك كنت راكب ايه قبل الاوبترا فتقوم مجاوبه بكل سلامة نيه فيقولك اه حضرتك بتقارن عربية مختلفة تماما انت حضرتك اكيد لسه متعودتش علي العربية و بعدين انت حضرتك لسه معملتش كيلو متر كتير ادي للعربية فرصة عشان اداءها الحقيقي يظهر و يطلعك انك غلطان او كذاب او مبتفهمش بس طبعا دون التصريح بذلك !!!
المشكله من وجهة نظري كالتالي :
1- خبرة المهندسين ضعيفة جدا و بيعتمدوا علي الاسطوات بالورشة اعتماد كلي عشان يقيموا اداء اي عربية
2- من مصلحة الفنيين (الاسطي) انه يزحلق الزبون عشان ميوجعش دماغة و يقلل عنه الشغل قدر المستطاع
3- عدم وجود شخص مسئول عن الاختبار للسيارة يكون متخصص في القياده و لديه خبرة و حساسية بالسيارات يستطيع احساس الاختلاف في السيارة _test driver ( لأن طبعا المهندس حديث التخرج من اين له بالخبرة في القياده و ملاحظة اختلاف السيارة عن standard
4-لديهم تعليمات بانه يرسم الدور علي العميل و يبين نفسه شخصية وده طبعا بيتكسر لما يكون العميل فاهم حقوقة كويس و بيقدر يوصل للمسؤلين سواء بالتوكيل او خارجة ساعتها المعاملة بتختلف 180 درجة
5- من التعليمات حاول تتوه الزبون عشان لو تاه يبقي انت ريحت دماغك و قللت عن التوكيل عبئ التغيير و خلافة علي الرغم من ان التوكيل بيكسب مكاسب غير عاديه من التغييرات التي بتحدث اثناء او بعد الضمان لأنه بيحملة بالكامل علي المصنع
و بالتالي انت كعميل بتواجه بالكذب و قلة الذوق في التعامل ناهيك عن العطله و لطعك بالساعات و لما تسأل عن المهندس اللي معاه السيارة تلاقيه بيجرب عربية تانيه و سايب عربيتك و لطعك دون ادني مسئوليه
اقسم بالله انني لا اتجني عليهم بل هم اللذين تجنوا علي كل من وثق في علامتهم التجارية و اشتري احدي سياراتهم
عدم الفهم و الكبر من المهندسين يخليك تدوخ السبع دوخات حتي يستطيع الواحد منهم تشخيص المشكله و لو اقترحت عليهم الحل للمشكله يبين انه فاهم و الموضوع ده مش صحيح كما حدث في موضوع الفرامل
يا اخي انت ليه قلبت علي المواجع
هو الناس اللي بتشتكي منهم من شويه
حسبي الله ونعم الوكيل