كلام سليماقتباس:
نصيحة مني ياريت تسيبك منه خالص عشان لو بيفكر بالطريقة دى معناها انه ممكن يعملك مصيبة في عربيتك في الموتور او في اي حاجه تانيه...
عرض للطباعة
كلام سليماقتباس:
نصيحة مني ياريت تسيبك منه خالص عشان لو بيفكر بالطريقة دى معناها انه ممكن يعملك مصيبة في عربيتك في الموتور او في اي حاجه تانيه...
ادرس الموضوع كويس قبل ما تفكر فى التغيير
استئذنكم ياجماعة انت مش هتخرط انت هتجيب شمايز ببساتم1600جديدة وتركبها مكان ال1300بس الموضوع دة عاوز ميكانيكى بيفهم انت مشهتضعف لحمية ولا حاجة لان انا جربت الموضوع دة وياريت تسئلو فية كويس
هو الموضوع مش صعب اوى يعن ولا مشكله كبيره زى مانتم
متخيلين
الموضوع عادى واتعمل كتير وانا شوفته فى عربيات قبل كده
بس الفكره كلها انه مكلف
والمفروض علشان تقبل عليه تكون اساسا محتاج عمره وتعمله بالمره
لكن مانصحش حد يعمله وهو موتوره سليم لانه هيغرم ثمن موتور
حضرتك ممكن تحويل الموتور من 1.3 الى 1.6 انا مش مكانيكى بس فى هندسه ومش مكانيكا بور مدنى بس ليى واحد صحبي فى ميكانيكا وحضرت محاضره كانت بتتكلم عن الموتور بتاع السيارات والدكتور اتكلم فى الموضوع ده وشرحه وهو عامل كده فى عربيته بنفسه ومعلش ده دكتور مش واحد بيفتى ولا صنيعى مع الاعتزاز بكل المفتين والصنيعيه
طيب يا جماعة لية سؤال لولبى فى الحكاية دية
هو مش الماتور ال 1600 بيوصلة نسبة بنزين معينة من الكاربارتير
طيب دلوقتى أنا غيرت البساتم والشميز للماتور 1300 ببساتم وشميز 1600
طيب ما هى نسبة البنزين اللى واصلة بتاعة 1300
مش ممكن دة يأثر عالماتور ...
معلش يا جماعة أنا باستفهم بس
لإنى عايز أعمل الحكاية دية
انا ممكن اشارك بكلام منطقى لانى شفت الموضوع ده تعديل الموتور 1300 الى 1600 شيئ عادى ولكن اغلبه مكلف لانك محتاج الاتى
1- شمايز وبساتم وشنبر 1600
2-منافول 1600 2عين بقاعده كربرتير كبير لانك الكاربيراتير الصغيىر مش هيديك اداء والموتور 1600 محتاج استهلاك بنزين اكتر
3- شغل خراطه لتوسيع البلوك والجوايد
4-طقم جوانات واويل سيل للموتور
5- ميكانيكى بيفهم لانه لازم التقفيل يكون مظبوط والا حتجيب عمره فى وقت قصير
الموضوع ده لازم الموتور يكون 1300 مش 1200 لان مجر الزيت الداخليه بتختلف وبالتالى الموتور بيسخن وممكن يقفش
وشكرا
لازم تعرف العزم عباره عن قدره حصانيه وادوات تغذيه يعنى لازم كميه البنزين اللى داخله للموتور تكافئ القوه الحصانيه للموتور والا تبقى عملت كل حاجه والموتور زاى ماهو اداءه ضعيف وسحبه مش فارق عن ال1300
أولاً
مش أي موتور بيتل 1300 يتم تحويله ل1600
لازم يكون بجوطان رفيعة مش تخينة
الجوطان هي المسامير الطويلة إللي بتربط نصفي الموتور بعضهما البعض
خللي بالك ممكن يقول لك الخراط ها يعمل جلب في البلوك علشان نحط جوايط رفيعة .... أوعي أبدا 6 شهور والموتور هايبوظ
--------------
ثانياً
المواتير ال1600 سيئة للغاية في البيتلز وخاصة في الحرارة الشديدة بتاعت اليومين دول لأنها بتنفس علي طول
-------------------
ثالثاً
إنت هاتغير كمان عدد 2 وش سلندر + عدد واحد مانافول كاربراتير
-----------------------
رابعاً
وعلشان تحس بال1600 لازم تغي الكرباراتير
علشان ال1300 بينزل بكربراتير 30 ، 31 دية أرقامهم أما ال1600 بينزل بكربراتير 34 ( كبير )
-----------------------------------
خامساً
تكلفة الشغلانة دية حوالي 3000 جنيه ، ومالهاش لازمة إلا لو هاتركب تكييف
--------------------------------------
سادساً
الموتور ال1300 الإثنين عين أنعم بكثير من ال1600 ، ال1600 معروف بخشونته
--------------------------------------
وفي النهاية نصيحة خبرة 16 عام ركيب بيتلز ... بلاش