لاى حوض سمك ولاى استفسارات

**m0stafa** · 06-04-2009 12:21 AM

استاذ
حضرتك لو اهتميت بالنظافة الدوريه للحوض يعنى كل اسبوع كده تغير 25% من ميه الحوض يبقى كل شىء تمام ان شاء الله
والى انا اعرفه لو انت فى الشتاء وعايز تغير ربع ميه الحوض يبقى لازم متكونش بارده يعنى تحاول تخليها قريبه من نفس درجه حراره الميه الى فى الحوض .. وطبعا الفلتر الداخلى لازم تنضفه كل اسبوع علشان الميه تفضل صافيه

انا عندى حوضين وربيت معظم انواع الاسماك منهم
فانتيل بانواعه والكات فيش والبيلكوو الى هى بتمسح الزجاج وال pacu
عندى حوض فيه convict cichlids و african cichlids
وده الحوض الصغير مش بهتم بيه اوى لان السيكلد من الانواع الى بتعيش فى اى ميه ..
الحوض الكبير 120 *45*50 وده فيه حاليا 2 اوسكار 20 سم الواحده او اكتر شويه
انا قبل كده فرخت السيكلد الconvict وما شاء الله وكنت بوزع و ابيع منهم لكثرة عددهم
وفرخت red jewel cichlids وكانو من اروع الاسماك بس الاوسكار اكلتهم وفرخت فانتي لو جوبى و مولى و سوردتيل بس حايا بحاول افرخ الاوسكار وتعبت معاهم اوى بس شكلهم مش ناويين بس ما شاء الله شكلهم حلو فى الحوض و محتاجين عنايه خاصهو بالنسبه لاكلهم انا معودهم على جمبرى بس الى هو ابو سبعه الصغير ده .. لان كل لما احط مع الاوسكار سمك مفيش 10 دقايق بيتاكل وطبعا قالبين الحوض فوق وتحت الديكور بمزاجهم يعنى لمو الجرش فى حته واحده جبل كده وسابو الباقى على زجاج الارضيه وادعولى بقى يعقلو و يفرخو لانى مش عارف اعملهم ايه تانى هههه
من المتعة الحقيقية لما تفرخ اسماكك يعنى يبيضو ويفقس البيض وتشوفهم كده ما شاء الله قمة فى الروعه والمتعه
انا بعد رحلة التربيه استقريت على السيكلدcichlids وبقيت ادمان النوع ده

ولو عايزين صور ممكن ارفع صورتين تلاته

**Ghamrawy** · 06-04-2009 12:32 AM

ما هو المشكلة فعلا فى تغيير المياه ده انا الحوض عندى 100*46*60 و طبعا كم المياه حايبقى كبيير و كتيير و العملية مرهقة ليا و للسمك نفسه علشان كده بادور على عدة قياس علشان لو الدنيا بدات فى البوظان الحق الم الموضوع و برضه التفريخ محتاج مقاييس مياه معينة و معاك حق السيكيلد الافريقى ادمان و برضه محتاج مراقبة لمقاييس المياه لو عايز تفرخ باستمرار

**Ghamrawy** · 06-04-2009 12:36 AM

المشاركة الأصلية كتبت بواسطة Fadi Ezzat

انا هسالك بس انت لية عايز تقيس و Gh و الامونيا و النيترات و Ph
طيب انت عايز كسر جرانيت علشان تحطة فى الارضية تحت
هقولك على حل احسن فى حبوب ملونة مستوردة بتتباع احسن من دة كلة ولونها مش بيروح الكيس ب 5 جنية

القياس مهم للتفريخ يا باشا
و بالنسبة لكسر الجرانيت انا عايزه علشان اعمل بيه ديكور و جحور و اماكن اختباء و للاسف ما ينفعش غير الجرانيت و البازلت علشان دى صخور نارية و مش بتتفاعل مع المياه و بالتالى مش حاترفع ال Ph و Gh .

**lancerevolution** · 06-04-2009 12:36 AM

انا بحب السمك جدا جدا بس العصافير أكتر كان عندى عصفورتين زملاء ثانوى لسة أخر واحدة ميتة فى شهر 12 جالى 2 بدالهم هدية طلعوا دكرين بس و أنا واقف فى البلكونة لقيت واحد جارنا بيندهلى و بيقولى هات قفص و تعالى فى عصفورة نتاية و قعت عليا و أنا واقف و مسكتها جيبتها و إن شاء الله نبدأ التفريخ
بس أنا كنت عايز أجيب حوض سمك الى بيبقى زى الكورة دا يعمل كام و أحط فيه كام سمكة؟؟

**amir** · 06-04-2009 12:45 AM

شباب
انا كنت بفكر اجيب حوض سمك في العياده
ممكن تفاصي التفاصيل
انا قريت الموضوع مشاركه مشاركه لكن عايز اعرف ايه اخبار الاضاءه و الاكل و الفضلات و اسلوب تنضيفها و ازاي نشيل الميه

**m0stafa** · 06-04-2009 01:18 AM

استاذ gemino
انا حوضى قريب لابعاد حوضك فهقولك انا بعمل ايه لما بغير الميه
بجيب خرطوم ميه عادى حوالى 2 متر كده طبق بلاستيك كبير من بتاع الغسيل ده .. و بحطه على كرسى جنب الحوض بحيث يكون طبق الغسيل اقل من مستوى ارتفاع الحوض و بحط طرف الخرطوم فى الحوض وطرف فى طبق الغسيل و زى نظام لما تشفط بنزين من التنك كده
شفطه و كله هيشتغل ودى سهله نوعا ما .. بس حضرتك من جهه التنضيف فانت هتنضف هتنضف .. و يا سلام لما يجى معاد تغيير ميه الحوض كلها وتنضيف الجرش كله .. دى الى فعلا شغلانه وتعب
وانا مع حضرتك ان قياس ال ph مهم وفى التفريخ كمان ولان انا مش عندى المقياس ده فبتصرف يعنى وكمان ال oscars fish بيستحملو روحهم مش ضعيفه يعنى

استاذ امير
حضرتك الاول تحدد مقاس الحوض الى عايز تجيبه
و الاسعار انا مش متابع بصراحه بس الفلتر الداخلى بحوالى 35 او 40 جنيه حسب حجم الحوض لو صغير او كبير يبقى حسب قوته
الجرش مش غالى و الاضائه انا عندى لمبه طويله من الى بتتركب تحت الميه بتعمل حوالى 30 جنيه 3 الوان والسخان الثرموستات فى الشتاء بس هيعمل من 20 ل 30 جنيه
فى سمك مخصوص بياكل الفضلات من الارض و سمكه بتلمع الزجاج كده يعنى وانا شرحت طريقتى فى تغيير جزء من الميه ..

استاذ lancerevolution
البنورة الى على شكل كوره مش عمليه خالص و بتحتاج تتنضف علطول .. مش عمليه يعنى .. انا كل الى عرفته ان كلما كبر حجم الحوض قلت مشاكله .. من ناحيه النضافه وكده و صحه الاسماك
بس ممكن تجيب سمكه الفايتر او betta fish ودى اصلا بتعي من غير ماتور هوا و ممكن تحطها فى برطمان و اكلها كيس كده ب 5 جنيه يقعد معاك شهرين ولا حاجه

**Fadi Ezzat** · 06-04-2009 02:00 AM

المرة دى باين انا الى هسال
ازاى بتعملو عملية التفريخ من الالف الى الياء

**eng.octooo** · 06-04-2009 02:20 AM

واوووووووووووووووووو انا مربى اوسكار وبيرانا (مفترسين) فى حوض والحوض التانى مربى فية سمك جوبى ومولى لانة بيولد بسرعة وباكلة للاوسكار والبيرانا
(الناس الى هاتقولى السمك بيولد هاقولة المولى والجوبى بيحتفظ بالبيض فى بطنة لحد الفقس ويطلعهم سمك) والجوبى والمولى كل شهر الانئى بتجيب حوالى من 10 سمكات وانا عندى ييجى 37 مولى والجوبى حوالى 15 فى الشهر وانا عندى 25 (ماشاء الله)
يعنى مابجيبش اكل من برة خالص غير للمولى والجوبى اما الاوسكار والبيرانا انا باحطلهم السمك الى مش بيولد او السمك الذكور الى بتتولد

-

الموضوع: لاى حوض سمك ولاى استفسارات

LinkBack

أدوات الموضوع

عرض

-

-

-

المواضيع المتشابهه

استفسارات

شويه استفسارات d:

استفسارات عن ال a5

استفسارات عن sir

استفسارات

الكلمات الدلالية لهذا الموضوع

المفضلات

المفضلات

ضوابط المشاركة