السلام عليكم
انا كنت جبت فايتر قعد عندى فتره فى بلوره ومات كان بيموت وبطنه منفوخه وبيقعد حوالى 3 ايام كسلان مش عارف ليه هل دا عادى زى ما البياع قالى دى ارواح واليومين دول الجو مش كويس ولا دا مش صح ؟
المهم
رحت للبياع جبت فايتر تانى وللاسف مات برضو
اخيرا عديت عليه من اسبوع كدا قولتله اتعقدت من الفايتر وقالى خد السمك الصغير دا وبالفعل عجبنى شكله الى حد ما اسمه جوبى جبت منه عشر وحدات وحطتهم فى البلوره قعدوا برضو يتصفوا يوم بعد يوم اتبقى اتنين بس ببص كدا مره لقيت خمس سمكات صغيرين قوى ولما سالت قالولى اعزلهم دول اكيد كانو كتير وتاكلوا فهل دا صحيح ؟
دول كانوا سؤالين الاول بتاع الفايتر والتانى بتاع الجوبى
ومعلش هتقل واسال كمان
انا عاجبنى سمكه صفرا عنده اسمها مولى تقريبا هل دى ينفع احطها مع الجوبى فى البلوره ولا لاء ؟
السمك الصغير دا انا حطيته فى بلوره صغيره كدا بعد ما شيلته من الكاس وبياكل اكل ناعم كدا هل ليه عنايه تانيه ؟
اخيرا انا بحط من الادويه اللى البياع ادهالى علطول هما 3 علب كدا واحدا زرقا وواحده بيضا وواحده صفرا وحاسس ان دا غلط ؟
شكرا مقدما